၁၅-၈-၂၀၁၃ ရက်နေ့ ၁၅၃၀ အချိန် ကရင်ပြည်နယ်၊ ဘားအံမြို့နယ်၊ အမှတ်(၉)ရပ်ကွက်နေ ကျော်ဖားငှဲ့(ခ)အောင်မွှေးခင်(၅၈)နှစ်သည် မြေယာအငြင်းပွားသည့်တရားမမှုအား ဘားအံမြို့နယ်တရားရုံသို့ သက်သေအဖြစ် အစစ်ဆေးခံရန်လာရောက်ခဲ့ရာ ၎င်းသည် ဘားအံမြို့နယ်၊ ထုံးအိုင်နယ်မြေရဲစခန်း မယ(ပ)၄/၂၀၁၂၊ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေပုဒ်မ ၁၉(က) / ၂၀(က)/၂၁ အမှုမှ တရားခံပြေးတစ်ဦးဖြစ်ကြောင်းသိရှိရသဖြင့် ကရင်ပြည်နယ်ရဲတပ်ဖွဲ့မှ တပ်ဖွဲ့ဝင်များက သွားရောက်ဖမ်းဆီးခဲ့သည်။
စစ်ဆေးချက်အရ ကျော်ဖားငှဲ့(ခ)အောင်မွှေးခင်၏နေအိမ်အား ၀င်ရောက် ရှာဖွေခဲ့ရာ ၃၈ ဘို့ အဖြူရောင်ခြောက်လုံးပြူး ၁ လက်၊ ၎င်းကျည် ၆ တောင့်၊ စစ်ရောင်ပြောက်ကျား ခါးပတ်အိတ် ၁ အိတ်၊ ဖျူးစ်ပါ ၉၁ လက်ပစ်ဗုံး ၁ လုံးနှင့်၎င်းစီးနင်းလာသည့် ၅ဂ/xxxxတိုက်ဂါးယာဉ် တို့အား တွေ့ရှိသိမ်းဆည်းရမိခဲ့သောကြောင့် ကျော်ဖားငှဲ့(ခ)အောင်မွှေးခင်အား ဘားအံမြို့မရဲစခန်း (ပ)၁၉၄/၂၀၁၃၊ လက်နက်ယာယီအက်ဥပဒေပုဒ်မ ၁၉(စ) ဖြင့် အမှုဖွင့်အရေးယူထားကြောင်း သတင်းရရှိသည်။
ရဲဇာနည်
