“ကျန်းမာရေးအခြေအနေက တော်တော်လေးတော့ တိုးတက်လာပါပြီ။ အရင်ကဆို မျက်လုံးတွေရောင်နေတာ။ အခုတော့ အရောင်ကျသွားပါပြီ။ ဖွင့်တော့ မဖွင့်သေးပါဘူး။ အသိတော့ ၀င်နေပါပြီ။ ပြန်ပြောဆိုတာ မလုပ်နိုင်ပေမယ့် မိသားစုတွေ ဘယ်သူ၊ ဘယ်ဝါဆိုတာကို ခေါင်းအမူအရာနဲ့ ပြန်ဖြေပါတယ်”ဟု ၎င်းက ပြောပြခဲ့သည်။
ယင်းသို့ယာဉ်တိုက်မှုကြောင့် ဆိုတေး၏ လုပ်ကိုင်လက်စအလုပ်များ၊ လုပ်ကိုင်ရန် သဘောတူပြီး အလုပ်များနှင့် ပတ်သက်ပြီး သူငယ်ချင်းဖြစ်သူက “သူ့ရဲ့သီချင်း ဒုတိယအခွေကို အောက်တိုဘာလ ဒါမှမဟုတ် နိုဝင်ဘာလမှာ ထွက်ဖို့ စီစဉ်ထားတာ။ အကုန်တော့ ပြီးခါနီးပြီ။ သူ့အလုပ်တွေ လက်ခံထားတာက ဖုန်းထဲက note ထဲမှာပါ။ ဖုန်းကလည်း ပျက်စီးသွားတော့ မရတော့ဘူး။ အလုပ်တွေ လက်ခံထားတာ သူ့ ဟာသူပဲ သိမှာပါ”ဟု ဆိုသည်။
ဆိုတေးအား ယခင်ကဘန်ကောက်သို့ခေါ်ဆောင်ကာ ဆေးကုသရန် ကြံရွယ်ခဲ့သော်လည်း မန္တလေးမှ ဆရာဝန်ကြီးများ၏ အထူးကြပ်မတ်ကုသမှုကြောင့် ၎င်းဆေးရုံတွင်သာ ဆက်လက်ကုသခံယူလျက် ရှိသည်။
ဘုန်းနေလ (ဒဂုံတက္ကသိုလ်)
Mizzima - News in Burmese
