ဆေးလိပ်နှင့် ဆေးရွက်ကြီး တားဆီး ကာကွယ်မှုများ ထိထိရောက်ရောက် ဆောင်ရွက်နိုင်ခြင်း မရှိပါက ၂၁ ရာစု၌ လူဦးရေ တစ်ဘီလီယံနှင့် အထက် သေဆုံးနိုင်ကြောင်း ကမ္ဘာ့ ကျန်းမာရေး ပညာရှင်များက သတိပေး ကြေညာ ထားကြောင်း သိရသည်။
ကမ္ဘာ့ ကျန်းမာရေး အဖွဲ့ WHO ၏ ထုတ်ပြန်ချက်များ အရ ကမ္ဘာပေါ်တွင် ဆေးလိပ်နှင့် ဆေးရွက်ကြီး သုံးစွဲမှုကြောင့် တစ်နှစ်လျှင် လူဦးရေ ခြောက်သန်းနီးပါး သေဆုံးနေပြီး ၆ စက္ကန့်လျှင် လူတစ်ဦး သေဆုံး လျှက်ရှိနေသည်။ အဆိုပိုပါ ပမာဏသည် အရက် သောက်သုံးမှုကြောင့် သေဆုံးသူ ဦးရေထက် ထက်ဝက် ကျော် များနေသည်ဟု ဆိုပါသည်။ ထို့အပြင် ဆေးလိပ် မသောက်၊ ဆေးရွက်ကြီး မသုံးသော်လည်း ဘေးထွက် ဆိုးကျိုးများ ခံစားရပြီး သေဆုံး ခဲ့ရသူ ခြောက်သိန်းကျော် ရှိကြောင်း WHO ၏ စာရင်းတွင် ဖော်ပြ ထားပါသည်။
ကင်ဆာရောဂါ အားလုံး၏ ၂ဝ ရာခိုင်နှုန်း ကျော်မှာ ဆေးလိပ် သောက်ခြင်းနှင့် ဆက်နွှယ်လျှက်ရှိနေကြောင်း စပိန် နိုင်ငံမှ သုတေသီများက ဖော်ထုတ်ခဲ့ကြပြီး အသည်းကင်ဆာ လူနာများ၏ ၂၅ ရာခိုင်နှုန်း၊ သားအိမ် ကင်ဆာ လူနာများ၏ ၁၄ ရာခိုင်နှုန်းနှင့် ကျောက်ကပ်ကင်ဆာ လူနာများ၏ ၈ ရာခိုင်နှုန်းမှာ ဆေးလိပ် သောက်ခြင်းကြောင့် ဖြစ်သည်ဟု သုတေသီများက မှတ်ချက် ပြုထားသည်။
အမျိုးသမီးများ ဆေးလိပ်နှင့် ဆေးရွက်ကြီး သုံးစွဲသောက်သုံးမည် ဆိုပါက မွေးဖွားလာမည့် သန္ဓေသားတွင် ပေါင်မပြည့် ဘဲ မွေးဖွား လာနိုင်သည့် အတွက် ကိုယ်ဝန်ဆောင် မိခင်များ အထူးသတိထား ရှောင်ကြဉ်သင့် ပါသည်။
ဆေးလိပ်နှင့် ဆေးရွက်ကြီး သောက်သုံးသူ၊ ဆေးလိပ်ငွေ့ ရှူရှိုက်မိသူများ အတွက် အကြီးမားဆုံး အန္တရာယ်မှာ ကင်ဆာရောဂါ ဖြစ်ပြီး ကင်ဆာ ရောဂါဖြင့် သေဆုံးသူ၏ ၂၀ ရာခိုင်နှုန်းကျော်မှာ ဆေးလိပ် သောက်သုံးသူနှင့် ဆေးရွက် ကြီး အသုံးပြုသူများ ဖြစ်ကြောင်း သိရသည်။
ဆေးလိပ်နှင့် ဆေးရွက်ကြီး သုံးစွဲသူများအား သုတေသန ပြုရာတွင် အဆုတ်၊ ခံတွင်း၊ လည်ချောင်း၊ ကျောက်ကပ်နှင့် အစာအိမ် အစရှိသည့် ကင်ဆာရောဂါ အမျိုးမျိုး ဖြစ်စေနိုင်သည်။ အဆုတ် ကင်ဆာဖြစ်သူ ၇ဝ ရာခိုင်နှုန်း နီးပါးမှာ ဆေးလိပ် သောက်သုံးသူများတွင် တွေ့ရကြောင်း WHO ၏ သတင်း အချက်အ လက်များအရ သိရသည်။
စာရေးသူတို့ နိုင်ငံတွင် အသက် ၁၈ နှစ်အောက် လူငယ်များကို ဆေးလိပ်နှင့် အရက် ရောင်းချခြင်း၊ ဆေးလိပ်နှင့် အရက်ကြော်ငြာများ တားမြစ်ခြင်းတို့ ပြုလုပ်ခဲ့သော်လည်း ထိထိရောက်ရောက် အရေးယူ တားမြစ်ခြင်းများ ယခု အချိန်အထိ မရှိသေးပါ။ ထိရောက်သည့် ဟန့်တား အရေးယူမှု မရှိသည့်အတွက် ယနေ့ လူငယ်များ စတိုင်တစ်မျိုးနှင့် အလှတိုးသည်ဟု ယူဆကာ ဆေးလိပ်သောက်သူ များပြားလျက် ရှိနေ ပေသည်။
စပိန်နိုင်ငံတွင် နှစ်စဉ် ကင်ဆာဖြစ်သူ လူ နှစ်သိန်းအနက် လူ လေးသောင်းမှာ ဆေးလိပ် သောက်ခြင်းနှင့် ဆက်နွှယ်လျက် ရှိသည်ဟု သိရသည်။ စပိန်နိုင်ငံတွင် စားသောက်ဆိုင်များ၊ ပျော်ပွဲ စားရုံများနှင့် အများ ပြည်သူ နေရာများတွင် ၂ဝ၁၁ ခုနှစ် ဇန်နဝါရီမှစ၍ ဆေးလိပ် သောက်ခြင်းကို ပိတ်ပင် ထားရှိကြောင်း သိရသည်။ အိမ်နီးချင်း အိန္ဒိယနိုင်ငံ အတွင်းက မြို့နှစ်မြို့ တွင်လည်း ဆေးလိပ်သောက်ခြင်း ပိတ်ပင် ထားသည်ဟု လေ့လာ သိရှိရသည်။
မြန်မာ့ ယဉ်ကျေးမှုအရ အိမ်သာလို့ ဧည့်လာလျှင် ကွမ်း၊ ဆေး၊ လက်ဖက်ဖြင့် ဧည့်ခံလေ့ ရှိကြသည်။ သမိုင်းကြောင်း ရှည်လျားစွာ အိမ်ရှင်တာဝန် ကျေပွန်ခဲ့ကြပြီး ဖြစ်ပါသည်။ အမှားမြင်လျှင် အမှန်ပြင်ရန်ကား လူတိုင်း အတွက် သမိုင်းပေး တာဝန်ဖြစ်သည်။ ရှေးထုံး မပယ်လိုသော်လည်း အခြေအနေ၊ အချိန်အခါကိုကြည့်ပြီး အသိနှင့် အကျင့်ကို ပေါင်းစပ် ကျင့်သုံးရမည် ဖြစ်သည်။ မနှောင်းသေးသော နောင်တ ကို ကိုယ်စီတာဝန် ကျေပွန်ကြမည် ဆိုပါက ကျန်းမာခြင်းသည် လာဘ်တစ်ပါးဟု ဆိုသည့် အတိုင်း အနာဂတ် ကာလအတွက် ပျော်ရွှင် ချမ်းမြေ့မှုတို့က အသင့် စောင့်ကြိုလျက် ပါဟု အသိပေး ရေးသား အပ်ပါသည်။ ။
အောင်ဝင်း (ဖျာပုံ) - (မြ၀တီ)
