အစာခြောက်တွေကို အစားများတာကြောင့် အစာမကြေဘဲ လေပွတာမျိုးတွေ ဖြစ်စေတတ်ပါတယ်။ လေပွတာကို အလွယ်တကူ သက်သာစေမယ့် နည်းလမ်းတွေ ရှိပါတယ်။ သင်နေ့စဉ်စားနေကျ အစားအစာတွေကို သတ်မှတ်ထားပြီး အစာစားပြီးတိုင်း ဖြစ်ပေါ်တတ်တဲ့ သင့်ကျန်းမာရေး အခြေအနေကို လေ့လာနိုင်ပါတယ်။ နေ့တိုင်း လေပွတယ်လို့ ခံစားနေရရင် သင်စားနေကျ အစားအစာတွေရဲ့ အစာစားနည်းပုံစံကို ငါးရက်လောက်ပြောင်းကာ စားပေးပါ။
ရေများများသောက်ပါ
တစ်နေ့တာအတွက် လိုအပ်တဲ့ ရေပမာဏထက် နည်းတာကြောင့် အစာမကြေတာနဲ့ မူးဝေတာမျိုးတွေ ဖြစ်စေနိုင်ပါတယ်။ တစ်နေ့ကို ရေခြောက်ဖန်ခွက်လောက် သောက်ပေးပါ။ လေပွတာကိုလည်း သက်သာစေနိုင်ပါတယ်။
မနက်စာ စားပါ
အုတ်ဂျုံပါဝင်တဲ့ အစားအစာတွေနဲ့ ဥအမျိုးမျိုး၊ အစေ့အဆန်၊ ဘယ်ရီသီး၊ ဒိန်ချဉ် စတာတွေကို နံနက်ပိုင်းအစားအစာမှာ ပါဝင်အောင် စားပေးပါ။ မနက်စာ စားသူတွေ အနေနဲ့ တစ်နေ့တာ ဇီဝရုပ်ဖြစ်ပျက်မှုကို ကောင်းစေပြီး၊ စွမ်းအင်တွေကိုလည်း ရရှိစေနိုင်ပါတယ်။
အစာအချို့ကို လျှော့စားပါ
အရောင်ချွတ်ထားပြီး ဖြူဖွေးအောင် ပြုလုပ်ထားတဲ့ အစားအစာတွေ၊ သကြား၊ ကော်ဖီနဲ့ အယ်လ်ကိုဟော ပါဝင်တဲ့ ဖျော်ရည်တွေကို လျှော့သောက်ပေးပါ။ ကျန်းမာရေးနဲ့ ညီညွတ်တဲ့ ဟင်းချက်နည်း ဖြစ်စေဖို့ စာအုပ်တွေကို လေ့လာပြီး ချက်ပြုတ်ပါ။
ဖိစီးမှုနည်းပါစေ
စိတ်ဖိစီးမှုကြောင့် သင့်ကို လေပွစေတာမျိုး မဟုတ်ပေမယ့်။ စိတ်ဖိစီးမှုကြောင့် အစာစားမှားရာကနေ လေပွစေတတ်ပါတယ်။ စိတ်ဖိစီးမှု လျော့ပါးစေဖို့ လမ်းလျှောက်လေ့ကျင့်ခန်း၊ တရားထိုင်တဲ့ လေ့ကျင့်ခန်း၊ ယောဂလေ့ကျင့်ခန်းတွေနဲ့ အသက်ရှူသွင်း၊ ရှူထုတ်ပြုလုပ်တဲ့ လေ့ကျင့်ခန်းတွေကို ပုံမှန်ပြုလုပ်ပေးပါ။ အချိန်ပြည့်ဆိုသလို လေ့ကျင့်ခန်း ပြုလုပ်တာမျိုး မဟုတ်ဘဲ စိတ်ကို ပျော်ရွှင်စေဖို့ကို ဦးစားပေးပြီး လေ့ကျင့်ပေးပါ။ လေ့လာမှုတွေအရ အပေါင်းအသင်းတွေနဲ့အတူ လမ်းလျှောက်လေ့ကျင့်ခန်း ပြုလုပ်တာကြောင့် စိတ်ကို ပျော်ရွှင်စေနိုင်ပြီး တစ်ရက်မှာ ခြေလှမ်းပေါင်း တစ်သောင်းကျော်လောက် လျှောက်ပေးသင့်တယ်လို့ ဆိုပါတယ်။
အခြားကုသမှု နည်းလမ်းများ
လက်ဖက်စိမ်း လက်ဖက်ရည် ပူပူသောက်တာမျိုး၊ လာဗန်ဒါအရွက်ကို ရေနွေးပူပူနဲ့ သောက်တာမျိုးတွေက လေပွတာကို သက်သာစေနိုင်ပါတယ်။ ရေချိုးဆားနဲ့ ရေခပ်နွေးနွေးထဲမှာ စိမ်ချိုးပါ။ ကိုယ်ဝန်ဆောင်သည် ဆိုရင်တော့ ရေနွေးနဲ့ စိမ်ချိုးတာကို ရှောင်သင့်ပါတယ်။
ဆရာဝန်နှင့် တိုင်ပင်ပါ
အစာစားနည်း ပုံစံပြောင်းလဲပြီး ငါးရက်နဲ့ ၁၀ ရက်ကြာတဲ့အထိ လေပွတာက မသက်သာဘူးဆိုရင်တော့ နားလည်တဲ့ ဆရာဝန်တစ်ဦးရဲ့ အကြံကို ယူသင့်ပါတယ်။ သင့်မှာ တခြားကျန်းမာရေး ပြဿနာတွေ မရှိဘူးဆိုရင်တောင် ဝေဒနာသက်သာစေဖို့ တိတိကျကျ ကုသမှု ပေးနိုင်ပါလိမ့်မယ်။
လမင်းလေး
By Good Health
