 |
| Superman: Man of Steelကို ရိုက်ကူးထားပြီးနောက် ၎င်း၏ နောက်ဆက်တွဲ ဇာတ်လမ်းများအတွက်ပါ ထုတ်ဝေသူများက စီစဉ်ထားပြီး ဖြစ်ကြောင်း သိရှိရသည် |
Superman ဇာတ်ကားများကို ရုပ်ရှင်ရုံများတွင် ဆက်တိုက်လိုလို တွေ့မြင်ရဖွယ် ရှိနေကြောင်း သတင်းများက ဖော်ပြခဲ့သည်။ Superman: Man of Steelကို ရိုက်ကူးထားပြီးနောက် ၎င်း၏ နောက်ဆက်တွဲ ဇာတ်လမ်းများအတွက်ပါ ထုတ်ဝေသူများက စီစဉ်ထားပြီး ဖြစ်ကြောင်း သိရှိရသည်။ Man of Steel ဇာတ်လမ်းကို ယခုသောကြာနေ့တွင် စတင် ရုံတင်မည် ဖြစ်သော်လည်း ပရိုဂျူဆာများက နောက်ထပ် ဇာတ်လမ်းတွဲများအတွက်ပါ အစီအစဉ်များ ချမှတ်ထားခြင်း ဖြစ်သည်။ အဆိုပါ ဇာတ်လမ်းတွဲများအတွက် ဇက်ဆင်းဒါးက ဒါရိုက်တာ ရာထူးဆက်ယူရန် ကတိပြုထားသလို ဇာတ်ညွှန်းအတွက် ဒေးဗစ် ဂိုယာကပင် တာဝန်ဆက်ယူသွားမည်ဟု သိရှိရသည်။
Man of Steelတွင် အဓိက ဇာတ်ဆောင် မင်းသားအဖြစ် ဟင်နရီ ကာဗီးလ်က သရုပ်ဆောင်ထားသည်။ ဂိုယာသည် Warner Brosနှင့် ဇာတ်ကား(၃)ခုကို ဇာတ်ညွှန်းရေးသားပေးရန် သဘောတူ စာချုပ်ထားကြောင်းလည်း သိရှိရသည်။ ပရိုဂျူဆာ ခရစ္စတိုဖာ နိုလန်၏ နေရာမှာမူ အပြောင်းအလဲ ရှိကောင်း ရှိလာနိုင်ကြောင်း သတင်းများက ဆိုသည်။ ယခုဇာတ်ကားတွင် Supermanသည် ဂျာနယ်သတင်းထောက်မလေး လွိုက်စ်လိန်းအတွက် ကမ္ဘာမြေပေါ် ပြန်ရောက်လာသည့် လူစွမ်းကောင်းအဖြစ် ပါဝင်ထားသည်။ လွိုက်စ်အဖြစ် အေမီအဒမ်စ်က သရုပ်ဆောင်ထားသည်။
Source: TheSun
Planet Myanmar Network
