ကျွန်တော် တို့နိုင်ငံတွင် အထက်ဟူသော စကားရပ်မှာ နိုင်ငံတော် သမ္မတကြီးနှင့် နိုင်ငံ့ အကြီးအကဲများကို ဆိုလိုသည်။ နိုင်ငံတော် သမ္မတကြီး ဦးသိန်းစိန် ကလည်း ဒီမိုကရေစီ နိုင်ငံတော်သစ် ဆီသို့ ချီတက်ကြရာဝယ် အရပ်ဘက် လူ့အဖွဲ့အစည်းများ၏ အင်အား လိုအပ်ကြောင်း၊ ပူးပေါင်း လုပ်ကိုင် စေလိုကြောင်း တရားဝင်ပြောဆို ခဲ့ပြီးဖြစ်သည်။ ထို့ပြင် သမ္မတကြီးနှင့် တကွ ယခု နိုင်ငံ့ခေါင်းဆောင် များသည်လည်း ဘာသာတရားအား ကြည်ညိုလေး စားကြသောသူများ ပင်ဖြစ်သည်။ မြတ်စွာ ဘုရား ၏ ဆိုဆုံးမမှုကို လိုက်နာကျင့် သုံးသူများဖြစ်ကြသည်။ ထို့ကြောင့် မြတ်စွာဘုရား ဟောကြားထားသော ဗြဟ္မစိုရ် တရားလေးပါးကို လိုက်နာ ကျင့်သုံးနေကြသော ကျွန်တော်တို့ ပရဟိတ သမားများ၊ လူမှုရေး အသင်းအဖွဲ့များအား ပိတ်ပင်၊ တားဆီး၊ ဟန့်တားစေ လိုသော ဆန္ဒလည်း ရှိမည် မဟုတ်။ အမိန့် ထုတ်ပြန်ခြင်း လည်း ပြုမည် မဟုတ်ဟု ကျွန်တော် ထင်မိပါသည်။ ဤသို့ဆိုလျှင် နိုင်ငံတော်တွင် အထက်နှင့် အောက် အကြား “အလယ်ထက်၊ အထက်လယ်” ဆိုသည်များ ရှိနေပြီ လား မသိတော့ချေ။
ယခု အဆိုးဆုံး ဖြစ်ရပ်ကား ခေတ်မီ တိုးတက်သော နိုင်ငံတော် ထူထောင် ရာတွင် သတိထားရမည့် လူ့ကျင့်ဝတ် ဖြစ်သော “စည်းမဲ့ကမ်းမဲ့ အမှိုက် စွန့်ပစ်ခြင်း” လုပ်ရပ်ဆိုး အား ပြည်သူလူထု တို့အား သင်ခန်းစာ ပေးလိုသည့်၊ ဥပမာ ပေးလိုသည့် ဆန္ဒဖြင့် စံပြ အမှိုက်ကောက် ခွင့်ပြုပါရန် တိုင်း၊မြို့နယ် များသို့ တရားဝင် စာတင်၍ လေးလေးစားစား တင်ပြခဲ့ရာတွင် ရန်ကုန် မြို့တော် စည်ပင်သာယာရေး အဖွဲ့မှကောက်ခွင့်မပြု၊ “အထက်အမိန့်အရ” ဟူသော အသုံး အနှုန်း မျိုးဖြင့် ပြန် လည် ပြောဆိုခဲ့ခြင်း ပင်ဖြစ်သည်။ ထို့ကြောင့် ကျွန်တော်တို့ မြို့သူ /သား ပြည်သူလူထု တို့အား အမှိုက် မကောက်ရလျှင် “အမှိုက်ပစ်ကြ” “အမှိုက် ဖွကြ” ဟုပြော ဆို မိန့်ကြား သကဲ့ သို့ ခံစားခဲ့ကြရသည်။
မည်သို့ ဆိုစေကာမူ ကျွန်တော် တို့သည် သမ္မတကြီးအား လည်းကောင်း၊ နိုင်ငံတော် အကြီးအကဲများအား လည်းကောင်း၊ တိုင်းဒေသကြီး အကြီးအကဲများ အား လည်းကောင်း ယုံကြည် သည်။ ယခု ကဲ့သို့သော လူနေမှု ဘဝမြင့်မား တိုးတက်အောင် သဲတစ်ပွင့် အဖြစ် ပေးဆပ် ထမ်းရွက်နေသော လူမှုရေး အသင်း အဖွဲ့ များကို အထက် လူကြီးများ အနေဖြင့် ဟန့်တားပိတ်ဆို့ခြင်း များလုပ်မည် မဟုတ်ချေ။ ထိုသို့ဆိုလျှင် အထက်က ..အထက်ကသည် မည်သူတွေ များဖြစ်မည်နည်း။ ပြည်သူလူထု ပရဟိတ သမားများ အနေဖြင့် “အထက်က” ဟူတိုင်း ကြောက်ရန် မလိုချေ။ အဘယ်ကြောင့် ဆိုသော် ကျွန်တော်တို့ ပရဟိတ သမားများ၏ “အထက်က” သည် ဗုဒ္ဓမြတ် စွာ ဘုရားသခင် တစ်ဦးတည်းသာ ရှိသည်။ ထို့ကြောင့် မြတ်စွာဘုရားနှင့် တကွ ဘာသာပေါင်းစုံတို့၏ ဘုရား သခင်တို့ နှစ်သက်မြတ်နိုး ချီးကျူးသော ပရဟိတစိတ်ဓာတ် များ မွေးဖွား ရှင်သန်သူ ဘာသာ လူမျိုးမရွေးတို့ အတွက် ဘုရားသခင်တို့၏ အလိုဆန္ဒ အတိုင်း လူ သားချင်း စာနာထောက်ထားသော စိတ်ဓာတ်များ ရှင်သန် ထက်မြက် ကြီးထွား လာရန်သာ “အထက်က” ဆုံးမသြဝါဒ (သို့) ဘုရားသခင်တို့၏ တူညီမျှတသော ငြိမ်းချမ်းရေး သြဝါဒ များကိုသာ မြေဝယ်မကျ လိုက်နာ ကျင့်သုံး ကြရန်သာ လိုအပ်ပါတော့သည်။
(ကျွန်တော်တို့၏ အထက်သည် အတု မရှိ မြတ်စွာဘုရား သခင်သာ ဖြစ်တော့သည်။ ထို့ ကြောင့်ဘုရား စကား ကိုသာ လိုက်နာ ကျင့်သုံးရမည် ဖြစ်သည်။)
ကျော်သူ
Popular Journal
