မိတ်ဆွေ သင်စားသော အစားအသောက်ထဲ အသီးအနှံပါဝင်စေမည့် နည်းလမ်းလေးသွယ်


ဗီတာမင်စီအပါအဝင် သင့်ခန္ဓာကိုယ်က လိုအပ်နေတဲ့ ဗီတာမင်နဲ့ သတ္တုဓာတ်တွေကို အသီးအနှံတွေကသာ ရရှိမယ်ဆိုရင် အခုထက်ပိုပြီး သင်ကျန်းမာလာမှာပါ။

ဒါကြောင့် သင်စားနေတဲ့ အစားအသောက်တွေထဲ အသီးအနှံပါဝင်အောင် စားနိုင်မယ့်နည်းလမ်းတွေကို ဖော်ပြလိုက်ပါတယ်။

၁။ ချဉ်သောအသီးကို အရည်ညှစ်ထည့်ပါ
လိမ္မော်သီး၊ သံပရာသီး၊ ရှောက်သီးနဲ့ စပျစ်သီးတွေဟာ ဗီတာမင်စီကြွယ်ဝရုံသာမက အမျှင်ဓာတ်များစွာ လည်း ပါဝင်နေပါတယ်။ အရွယ်အစားကြီးတဲ့ လိမ္မော်သီးတစ်လုံးမှာ အမျှင်ဓာတ်ငါးဂရမ် ပါဝင်ပါတယ်။ အိမ်မှာ ဟင်းရွက်သုပ်တဲ့အခါ သံပရာသီးနဲ့ ရှောက်သီးကို အရည်ညှစ်ထည့်ပါ။ သံပရာသီးနဲ့ ရှောက်သီးလို အချဉ်ဓာတ်ရှိတဲ့ အသီးတွေဟာ အစားအစာရဲ့ အာနိသင်ကို အဆင့်မြှင့်ပေးနိုင်ကြောင်း လတ်တလော လေ့လာမှုတချို့က ဆိုပါတယ်။ ဆင်းဒဝှစ်ရ်ှကနေ ခေါက်ဆွဲသုပ်ထဲအထိ သံပရာသီး ဒါမှမဟုတ် ရှောက်သီး ညှစ်ထည့်နိုင်ပါတယ်။

၂။ လွယ်အိတ်ထဲ ပန်းသီးထည့်ပါ
ဘယ်သွားသွား သင်သွားလေရာ သင့်ပခုံးထက်မှာပါမယ့် အိတ်ထဲမှာ ပန်းသီးထည့်ထားပါ။ တစ်နေ့ကို ပန်းသီးတစ်လုံးစားရင် ဆရာဝန်နဲ့ ဝေးဝေးမှာ နေရတယ်ဆိုတဲ့ စကားက မှန်ပါတယ်။ ပန်းသီးမှာ ပျော်ဝင်တဲ့ အမျှင်ဓာတ်များစွာ ပါဝင်ပါတယ်။ တစ်နေ့ကို ပန်းသီးတစ်လုံး ပုံမှန်စားတဲ့ အမျိုးသမီး တွေဟာ လုံးဝမစားသူတွေထက် ဆီးချိုသွေးချို ရောဂါဖြစ်နိုင်ခြေ ၂၈ ရာခိုင်နှုန်းလျော့နည်းကြောင်း လေ့လာမှုတွေက ဆိုပါတယ်။ တကယ်လို့ ပန်းသီးကို အခွံပါစားပေးမယ်ဆိုရင် အင်တီအောက်ဆီးဒင့်ဖလေဗိုးနွိုက်ရရှိကာ နှလုံးရောဂါကို ကာကွယ်ပေးနိုင်ပါတယ်။

၃။ ဖရဲသီးကို သရေစာအဖြစ်စားပါ
ထမင်းတစ်နပ်နဲ့ တစ်နပ်ကြား သရေစာစားချင်ရင် ဖရဲသီးကို ရွေးပါ။ ဗီတာမင်စီပါဝင်တဲ့အပြင် သကြားအများအပြားမပါဘဲ သဘာဝအတိုင်း အချိုဓာတ် ပါတဲ့အတွက် စိတ်ကျေနပ်မှုကိုပါ ပေးစွမ်းနိုင်ပါတယ်။ အခမ်းအနားပွဲတွေ တက်တဲ့အခါမှာလည်း အဆီများတဲ့ မုန့်တွေအစား ဖရဲသီးစိတ်ကို များများရွေး စားပါ။ ဖရဲသီးတစ်ခွက်စာ ပမာဏမှာ ဗီတာမင်အေလည်း ပါဝင်တဲ့အတွက် ဆီးချိုရောဂါသည်တွေမှာ အဖြစ်များတဲ့ ကျောက်ကပ်နဲ့ မျက်စိအမြင်လွှာ ပြဿနာမဖြစ်အောင် ကာကွယ်နိုင်ပါတယ်။

၎။ ရေခဲသေတ္တာထဲ ဘယ်ရီသီးထည့်ထားပါ
ရေဆာလို့ပဲဖြစ်ဖြစ် ရေခဲသေတ္တာကို ဖွင့်လိုက်တဲ့အခါတိုင်း သင်ရဲ့အရသာခံအာရုံမှာ သကြားလုံးလို ချိုမြိန်သွားစေမယ့် ဘယ်ရီသီးတွေကို ရေခဲသေတ္တာထဲ ထည့်ထားပေးပါ။ စတော်ဘယ်ရီသီး၊ ဘလူးဘယ်ရီသီးစတဲ့ ဘယ်ရီသီးတွေမှာ ဖရက်တို့စ်ဆိုတဲ့ သဘာဝသကြားဓာတ်ပါဝင်ပြီး ကယ်လိုရီပါဝင်မှုနည်း ပါတယ်။ ဒါ့အပြင် ဘယ်ရီသီးမှာ အမျှင်ဓာတ်များစွာ ပါဝင်တဲ့အတွက် အစာခြေလမ်းကြောင်း ကျန်းမာရေးကို ကောင်းမွန်စေပါတယ်။

Mg Mandalay
https://www.facebook.com/mg.mandalay

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ