အရက်ဆိုသည်မှာ


          အရက်ကိုဓာတုဗေဒခေါ်အရ Ethyl alcohol ဟု ခေါ်ပါသည်။ အတိုကောက်အားဖြင့် Ethanol ဟူ၍လည်း လူသိများပါသည်။ ဓာတုဖော်မြူလာအရ C2H5 – OH ဖြစ်ပြီး Ehtlygroup (C2H5) မှာ Hydroxyl group (OH) ပေါင်းစပ်ထားခြင်းဖြစ်ပါသည်။ အရက်ကိုထုတ်လုပ်ရာမှာ အသုံးပြုသည့်ကုန်ကြမ်း ပစ္စည်းနှင့် ထုတ်လုပ်သောနည်းစနစ်ပေါ်မူတည်ပြီး အရက်အမျိုးအစားများကွဲပြားသွားပြီး ပါဝင်သော အီသနော ရာခိုင်နှုန်းလည်း ကွဲပြားသွားပါသည်။အရက်အမျိုးအစားကို အဓိကအုပ်စုကြီး (၃)စုခွဲထားပါ သည်။ ဘီယာ (Beer), ၀ိုင် (Wine) နှင့် ယမကာ (Distilled beverage) တို့ဖြစ်ပါသည်။

          အရက်သောက်ခြင်းဖြင့် ခန္ဓာကိုယ်တွင်းပြောင်းလဲမှုများမှာ အပိုင်း (၂) ပိုင်းရှိပါသည်။ အရက် သောက်ပြီးသည်နှင့် လတ်တလောဖြစ်ပျက်ပြောင်းလဲမှုနှင့် အမြဲတစေသောက်သုံးမှုကြောင့် ဖြစ်လာရသည့် နာတာရှည်ပြောင်းလဲမှုတို့ဖြစ်ပါသည်။ လတ်တလောအနေနှင့် အရက်ကိုသောက်မည်ဆိုလျှင်လည်း သောက်သည့်အမျိုးအစားနှင့် ပမာဏပေါ်မူတည်ပြီး ကွဲပြားမှုရှိပါသည်။ ဖြစ်လာနိုင်သော အကျိုးဆက်များ ကို အောက်တွင်တစ်ဆင့်ချင်း ရှင်းပြပေးပါမည်။

          အရက်ကိုပါးစပ်ကနေသောက်ပြီးလျှင် အစာရေမျိုပြွန် (Esophagus) ကတစ်ဆင့် အစာအိမ် (Stomach) ထဲကိုရောက်သွားပါတယ်။ အစာအိမ်ထဲရောက်သည်နှင့် ချက်ချင်းဆိုသလို အစာအိမ်၏နံရံမှ အရက်ကိုစုပ်ယူပါသည်။ အစာအိမ်ကိုဖြစ်သန်းပြီး အူသိမ်ထဲကိုမရောက်ခင် အချိန်ခဏအတွင်းတွင် သောက်လိုက်သည့် အရက်ပမာဏ၏ 20% ကို အစာအိမ်နံရံကစုပ်ယူပြီးဖြစ်ပါသည်။ ထို့နောက် အစာအိမ် သွေးကြောများမှတစ်ဆင့် အသည်းကိုပို့ပေးပါသည်။

          ကျန်သော 80% မှာ အူသိမ်ကိုရောက်ပြီး အူသိမ်နံရံတစ်လျှောက် စုပ်ယူမှုကြောင့် အူသိမ်မှအူမ ကြီးသို့မရောက်ခင် အားလုံးကိုစုပ်ယူပြီးဖြစ်ပါသည်။ ထိုကဲ့သို့ စုပ်ယူပြီးသောအရက်အားလုံးသည် အသည်း ကို Portal vein မှတစ်ဆင့် ရောက်ရှိသွားပါသည်။

          အသည်းဆိုသည်မှာ ခန္ဓာကိုယ်ထဲတွင်ရှိသည့် စက်ရုံကြီးတစ်ခုကဲ့သို့ဖြစ်ပါသည်။ ကျွန်တော်တို့စား လိုက်သော အစားအစာအားလုံးကို အစာအိမ်နှင့်အူလမ်းကြောင်းတစ်လျှောက် အဆင့်ဆင့်ခြေဖျက်စုပ်ယူ ပြီး အသည်းကိုရောက်ပါသည်။ အသည်းကိုရောက်လာသည့် အရာများထဲတွင် ခန္ဓာကိုယ်အတွက်လိုအပ် သည့်အရာရှိသကဲ့သို့ မလိုအပ်သည့်အရာများလည်းပါနေသည်။ အရက်သည် ခန္ဓာကိုယ်အတွက်မည်သည့် နေရာတွင်မှ အသုံးမ၀င်သည့်ဓာတ်ပစ္စည်းဖြစ်ပါသည်။ ထို့ကြောင့် ယင်းကိုဖျက်စီးပြီးစွန့်ထုတ်ရန် အသည်း က စီစဉ်ဆောင်ရွက်ရပါသည်။

          ပထမဆင့်အနေနှင့် အရက်(Ethyl alcohol) ကို အသည်းမှာရှိသည့် ADH (Alcohol Dehydrogenase) အင်ဇိုင်၏အကူအညီဖြင့် Acetaldehyde အဖြစ်ကိုပြောင်းလဲပေးလိုက်ပါသည်။ ထိုဖြစ် စဉ်ကို Oxidation ပြုလုပ်ခြင်းဟုခေါ်ပါသည်။ ထိုအက်ဆီတဲလ်ဒီဟိုက်များသည် အဆိပ်အတောက်ဖြစ်စေ ပြီး ခန္ဓာကိုယ်အတွက်အန္တရာယ်ဖြစ်စေသော ဓာတ်ပစ္စည်းများဖြစ်ပါသည်။ ကင်ဆာရောဂါအပါအ၀င် ခန္ဓာကိုယ်အစိတ်အပိုင်းအားလုံးကို ဖျက်စီးနိုင်စွမ်းရှိပါသည်။ အစာအိမ်၏နံရံတွင်လည်း အက်ဆီတဲလ်ဒီ ဟိုက်အဖြစ် အချို့ပြောင်းလဲသွားပါသည်။

          ဒုတိယအဆင့်အနေနှင့် Acetaldehyde များကို Acetaldehyde Dehydrogenase (ALDH) ၏ အကူအညီဖြင့် Acetic acid အဖြစ်ကိုပြောင်းလဲလိုက်ပါသည်။ ပထမ Acetic acid အဖြစ်ကိုပြောင်းလဲလိုက် ပါသည်။ ပထမ Acetaldehyde လောက် အဆိပ်အတောက်မဖြစ်တော့ပါ။ နောက်ဆုံး CO2 နှင့် H2O အဖြစ် ပြိုကွဲပြီး ခန္ဓာကိုယ်မှစွန့်ထုတ်လိုက်ပါသည်။

          အသည်းမှ အယ်လ်ကိုဟောကိုချေဖျက်ရာတွင် တစ်နာရီကိုအယ်ကိုဟောယူနစ် ၁ ယူနစ်သာချေ ဖျက်နိုင်နိုင်ပါသည်။ အကယ်၍ တစ်နာရီအတွင်း ၁ ယူနစ်ထက်ပိုပြီးသောက်ခဲ့လျှင် အသည်း၏ချေဖျက်နိုင် သော ပမာဏထက်ပိုသွားသည့်အတွက် ပထမကပိုနေသောအယ်ကိုဟောများသည် သွေးထဲမှတစ်ဆင့် တစ်ကိုယ်လုံးကို ပျံ့နှံ့ရောက်ရှိသွားပါသည်။

          ပထမ နှလုံးကိုရောက်ပါသည်။ နှလုံးတွင်ရှိသော သွေးကြောများသာမက တစ်ကိုယ်လုံးတွင်ရှိသော သွေးကြောများပါ ကျယ်ကုန်သောကြောင့် သွေးပေါင်ချိန် (Blood pressure) ကျစေပါသည်။ ထို့နောက် နှလုံး၏ညာဖက်အခန်းမှ သွေးထဲကတစ်ဆင့် အဆုတ်ကိုရောက်ပါသည်။ အဆုတ်ကနေအသက်ရှူထုတ် လိုက်သည့်လေထဲတွင် CO2 နှင့်အတူ အယ်လ်ကိုဟောများပါ ထွက်သွားသောခြင်းကြောင့် အရက်နံ့ရစေပါ သည်။
          နှလုံး၏ဘယ်ဖက်အခန်းမှတစ်ဆင့် တစ်ကိုယ်လုံးကိုရောက်ပါသည်။ အရေပြားသို့ရောက်လျှင် သွေးကြောများကျယ်ပြီး နီရဲလာပါသည်။ ချွေးပိုထွက်လာပြီး အရေပြားမှတစ်ဆင့် အယ်လ်ကိုဟောများ စွန့်ထုတ်လိုက်သောကြောင့် ချွေးနှင့်အတူအရက်နံ့ပါရနေခြင်း ဖြစ်ပါသည်။
          ဟိုမုန်းစနစ်တွေကိုလည်းထိခိုက်စေပါသည်။ ဆီးသွားမှုကိုထိန်းချုပ်ပေးသည့် ADH ဟိုမုန်းမထွက် နိုင်အောင် ဟန့်တားပေးလိုက်သောကြောင့် ဆီးပိုသွားစေပါသည်။ ထို့ကြောင့် အရက်သောက်ပြီးလျှင် ဆီး ရွှင်သည်ဟု ပြောကြခြင်းဖြစ်ပါသည်။ ဆီးသွားသည့်အတွက် ရေဓာတ်ပါဆုံးရှုံးမှုရှိပြီး ယင်းသည် Dehydration ဖြစ်စေပါသည်။
          နောက်ဆုံးအနေနှင့် ဦးနှောက်နှင့်အာရုံကြောအဖွဲ့အစည်းကိုရောက်သွားပြီး ခန္ဓာကိုယ်လှုပ်ရှားမှု ထိန်းသိမ်းသည့်နေရာကိုထိခိုက်စေပါသည် (Movements become disrupted) ။ ထို့ကြောင့် ဒယိမ်းဒယိုင် ဖြစ်လာပြီး လမ်းလျှောက်၍မကောင်းတော့သည့်အပြင် စဉ်းစားချိင့်ချိန်နိုင်စွမ်းကိုလည်း ထိခိုက်စေပါသည် (Judgement becomes impaired) ။
          အထက်ပါအချက်များသည် အရက်ကိုသောက်လျှင် ရုတ်တရက်ဖြစ်လာနိုင်သည့် အန္တရာယ်များဖြစ် ပါသည်။ သောက်သည့်ပမာဏနှင့် အမျိုးအစားပေါ်မူတည်ပြီး နည်းတာများတာပဲကွာခြားသွားမှာဖြစ်ပါ သည်။ တစ်နေ့ကို နည်းနည်းစီနှင့်ရေရှည်စွဲသောက်လျှင် တစ်မျိုးဖြစ်မှာဖြစ်ပါသည်။

Alcohol Unit ဆိုသည်မှာ
          အရက်အမျိုး၊ ပါဝင်သည့်အယ်လ်ကိုဟောပမာဏပေါ်မူတည်ပြီး အမျိုးမျိုးကွဲပြားနေခြင်းကြောင့် ဘယ်ရွေ့ဘယ်မျှသောက်လျှင် မည်သို့ဖြစ်လာနိုင်သည်ဆိုခြင်းကို စံသတ်မှတ်ချက်တစ်ခုလိုအပ်လာပါ သည်။ ယင်းကို Alcohol unit ဟုခေါ်ပါသည်။
          အယ်လ်ကိုဟောယူနစ် တစ်ယူနစ်ဆိုသည်မှာ အရက်စစ်စစ်၏ (pure alcohol) 10 ml (သို့မဟုတ်) 8gm ကိုဆိုလိုခြင်းဖြစ်ပါသည်။ ထိုပမာဏသည် သာမန်လူကြီးတစ်ယောက်အတွက် သွေးထဲမှာရှိသည့် အရက်ကိုအချိန်တစ်နာရီအတွင်းတွင် လုံးဝချေဖျက်နိုင်သောပမာဏဖြစ်ပါသည်။ အသက်အရွယ်၊ ကျား/မ၊ ခန္ဓာကိုယ်အလေးချိန်၊ အသည်း၏လုပ်ငန်းဆောင်တာပေါ်မူတည်ပြီး  အပြောင်းအလဲရှိနိုင်ပါသည်။
          ထိုပမာဏ (Alchohol 1 unit) သည် ဘာနဲ့ညီသလဲဆိုလျှင်
အယ်လ်ကိုဟောတစ်ယူနစ်တွင် ပါဝင်သောအရက်အမျိုးအစားများ
·         အယ်လ်ကိုဟော 4% ပါဝင်သည့်ဘီယာ  250ml
·         အယ်လ်ကိုဟော 13% ပါဝင်သည့်ဝိုင်    76ml
·         အယ်လ်ကိုဟော 40% ပါဝင်သည့်ဝီစကီ  25ml
ဥပမာ-အယ်လ်ကိုဟော 13.5% ပါဝင်သည့် ၀ိုင်ပုလင်းတစ်ပုလင်း (750ml) ဆိုလျှင် အယ်လ်ကိုဟော ယူနစ် (၁၀) ယူနစ်ပါဝင်နေပါသည်။
     UK နိုင်ငံမှာ သတ်မှတ်ချက်အရ ယောက်ျားဖြစ်စေ၊ မိန်းမဖြစ်စေ၊ လူကြီးတစ်ယောက်သည် တစ်ပတ်ကို အယ်လ်ကိုဟော ယူနစ်(၄)ယူနစ်ထက်ပိုမသောက်သင့်ဟုဆိုပါသည်။ ပိုသောက်လျှင် ကျန်းမာရေးကို ထိခိုက်စေပါမည်။  ထိုစံနှုန်းအတိုင်းသောက်လျှင်တောင် တစ်ရက်ထဲ (၁၄) ယူနစ် သောက်၍မရပါ။ အနည်းဆုံး ၃-၄ ရက်ဖြန့်ပြီး မျှတစွာသောက်ရပါမည်။ ထို့အပြင် တစ်ပတ်မှာအနည်း ဆုံး ၂-၃ရက် နားပေးရမည်ဖြစ်ပြီး Alcohol-free days ဟု ဆိုပါသည်။

Dr. Khin Maung Lwin (Fame)
Health Guide
https://www.facebook.com/mmhealthguide

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ