အနံ့ဆိုးကင်းရန်စားသုံးသင့်သောကျောက်ဖရုံသီး


ကျောက်ဖရုံသီးသည် ဖရုံမျိုးနွယ်ဝင် သစ်သီးတစ်မျိုးဖြစ်သည်။ သို့သော် ရွှေဖရုံသီးနှင့် မတူကွဲပြားပြီး အစိမ်းရောင် ရှိသည်။ အသားထူ၍ အအေးကို အားပေးသော အအေးစာတစ်မျိုး ဖြစ်သည်။
ကျောက်ဖရုံသီးတွင် ဗီတာမင်အေနှင့် ဗီတာမင် စီ အများဆုံး ပါဝင်ပြီး ကျောက်ဖရုံသီး အစေ့တွင် ဗီတာမင် အီးဓာတ် ပါဝင်သည်။
ဗီတာမင် အီးဓာတ်ပါဝင်သောကြောင့် လေးဖက်နာရောဂါ၊ အဆစ်ရောင် ရောဂါနှင့် နှလုံးသွေးကြောကျဉ်း ရောဂါတို့အတွက် စားသုံးပေးသင့်သော အစားအစာတစ်မျိုး ဖြစ်သည်။
ကျောက်ဖရုံသီးတွင် ထုံးဓာတ်ပါဝင်မှု အနည်းငယ်ရှိသောကြောင့် အရိုးနှင့် အဆစ်အတွက် ကောင်းမွန်ကာ သွားခိုင်မာမှုကိုလည်း အားပေးသည်။
အမျိုးသမီးတို့ အသားအရေ ခမ်းခြောက်၍ အရေပြားတွင် ပက်ကြားအက်ထင်ခြင်း၊ အရေးအကြောင်းများ ထင်ခြင်း၊ အသားအရေ အပူလောင်ခြင်းတို့အတွက် ကျောက်ဖရုံသီးကို စားသုံးပေးခြင်းဖြင့် သက်သာစေနိုင်သည်။ ထို့အပြင် အမျိုးသားများအတွက် ခွန်အားကို ဖြစ်စေကြောင်း သိရသည်။

ကျောက်ဖရုံသီးကို စားသုံးခြင်းဖြင့် ချွေးနံ့တို့ကို ပျောက်ကင်းစေပြီး အာခံတွင်းနံ့ကောင်းခြင်း၊ ကိုယ်ကာယမှ ထွက်သော အနံ့ဆိုးများကို ပယ်ရှားနိုင်ခြင်း စသည့် အကျိုးကျေးဇူးများ ရရှိစေနိုင်သည်။
ကျောက်ဖရုံသီးသည် အပုပ်နံ့ဆိုးများကို စုပ်ယူနိုင်စွမ်းရှိသောကြောင့် ရှေးလူကြီးများက သေသူအနီးတွင် ထားရှိလေ့ရှိကြသည်။
ထို့အပြင် ရှေးလူကြီးသူမများက အိမ်တွင် ကျောက်ဖရုံသီး (၂) လုံးမှ (၃) လုံးအထိ ချိတ်ဆွဲထားသော အလေ့အထလည်း ရှိခဲ့ဖူးသည်။
အဘယ့်ကြောင့်ဆိုသော် ကျောက်ဖရုံသီးကို ချိတ်ဆွဲထားခြင်းဖြင့် အိမ်တွင်းရှိ မကောင်းသော လေဆိုး၊ လေညစ်နှင့် အပုပ်၊ အညှော်နံ့များကို စုပ်ယူသွားနိုင်ခြင်းကြောင့် ဖြစ်သည်။

Myawady Health
https://www.facebook.com/myawadyhealth

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

သတင်းစာနှင့် ဂျာနယ်များ