ဒူးခေါင်းနာကျင်ရတာက အသက်ကြီးရင့်လာတာကြောင့် အသုံးပြုဖန်များလာတဲ့ ဒူးခေါင်းပျက်စီးမှုဖြစ်တာရယ်၊ အရိုးတည်ဆောက်ပုံအားနည်းသွားတာရယ်ကြောင့် ဖြစ်တာပါ။ အရွတ်မှာ ထိခိုက်ဒဏ်ရာရတာ၊ ဒူးခေါင်းထိပ်ရိုးကျိုးတာ၊ ဒူးခေါင်းအဆစ်လွဲတာနဲ့ အဆစ်ရောင်ရောဂါကြောင့် ဒူးခေါင်းတောင့်တင်းတာလိုမျိုး ပြဿနာတွေကြောင့်လည်း ဒူးခေါင်းနာကျင်တတ်ပါတယ်။ အောက်ပါတို့ဟာ ဒူးခေါင်းနာကျင်တာသက်သာဖို့အတွက် သဘာဝနည်းလမ်းအတိုင်း အလွယ်တကူ ပြုလုပ်နိုင်ပြီး အလွန်ထိရောက်မှုရှိပါတယ်။
ဆားခါးအသုံးပြုခြင်း
°°°°°°°°°°°°°°°°°°°
ဆားခါးမှာပါဝင်တဲ့ မဂ္ဂနီဆီယမ်ဆာလဖိတ်က ဒူးနာဝေဒနာကို သက်သာစေနိုင်ပါတယ်။ မဂ္ဂနီဆီယမ်က ကြွက်သားဖြေလျှော့မှုကို ပြုလုပ်ပေးနိုင်တဲ့အပြင် တစ်သျှူးထဲမှာ ပိုလျှံနေတဲ့အရည်တွေကိုလည်း ဖယ်ရှားပေးနိုင်တာကြောင့် နာ ကျင်တာနဲ့ ရောင်ရမ်းတာတွေ လျော့ကျသွားနိုင်ပါတယ်။
အသုံးပြုနည်း
■ ရေနွေးပူပူ တစ်ဇလုံထဲကို ဆားခါးခွက်တစ်ဝက်စာ ထည့်ပြီး သမအောင် မွှေပါ။ ဒီအရည်နဲ့ ဒူးခေါင်းကို ၁၅ မိနစ်ခန့် စိမ်ပေးပါ။
■ ဒူးခေါင်းနာကျင်တာပျောက်တဲ့အထိ တစ်ပတ်ကို ကြိမ်ဖန်များစွာ ပြုလုပ်ပေးပါ။
■ သွေးတိုးရောဂါ၊ ဆီးချိုရောဂါနဲ့ နှလုံးပြဿနာရှိသူတွေက ဒီနည်းလမ်းကို အသုံးမပြုသင့်ပါ။
ချင်းအသုံးပြုခြင်း
°°°°°°°°°°°°°°°°
ဒူးခေါင်းနာကျင်တာက အဆစ်ရောင်တာ၊ ကြွက်သားဒဏ်ပိတာ ဒါမှမဟုတ် ထိခိုက် ဒဏ်ရာရတာကြောင့် ဖြစ်နေရင် ချင်းကို အသုံးပြုတာက နာကျင်တာ ပျောက်ကင်းဖို့အတွက် အထိရောက်ဆုံးပါ။ သူ့မှာပါဝင်တဲ့ ရောင်ရမ်းမှုကို လျော့ စေနိုင်တဲ့ ဒြပ်ပေါင်းတွေကြောင့် နာကျင်တာနဲ့ ရောင်ရမ်းတာတွေ လျော့ကျသွားနိုင်ပါတယ်။
အသုံးပြုနည်း
■ ချင်းကို ပါးပါးလှီးကာ ရေတစ်ခွက်နဲ့ ရောစပ်ကာ ၁၀ မိနစ်ခန့် ဆူအောင် တည်ထားပါ။ ပျားရည်နဲ့ ရှောက်ရည်အနည်းငယ် ရောစပ်ပြီး တစ်နေ့ကို နှစ်ကြိမ်၊ သုံးကြိမ်ခန့် သောက်နိုင်ပါတယ်။
■ နာကျင်တဲ့ဒူးခေါင်းကို ချင်းအဆီနဲ့ တစ်နေ့ ၂-၃ ကြိမ်ခန့် နှိပ်နယ်ပေးနိုင်ပါတယ်။
ရှောက်သီးအသုံးပြုခြင်း
°°°°°°°°°°°°°°°°°°°°°°
အဆစ်ရောင်ရောဂါကြောင့်ဖြစ်တဲ့ ဒူးနာကျင်တဲ့ဝေဒနာကို ရှောက်ရည်နဲ့ ကုသနိုင်ပါတယ်။ ရှောက်သီးမှာ ပါဝင်တဲ့ စီးထရစ်အက်စစ်က ယူရစ်အက်စစ်ပုံ ဆောင်ခဲတွေကို ပျော်ဝင်စေနိုင်တာကြောင့်ပါ။
အသုံးပြုနည်း
■ ရှောက်သီးတစ်လုံးကို သေးသေးလေးတွေ တုံးပြီး အ၀တ်ပိတ်စိမ်းပါးတစ်ခုထဲ ထည့်ကာ အဲဒီအ၀တ်ကို ချည်နှောင်ပြီး နှမ်းဆီနွေးနွေးထဲမှာ စိမ်ပေးပါ။ ပြီးရင် အဲဒီအ၀တ်ကို နာကျင်တဲ့ ဒူးခေါင်းပေါ် ၅-၁၀ မိနစ်ခန့် ကပ်ထားပေးပါ။
■ နာကျင်တဲ့ဝေဒနာပျောက်ကင်းတဲ့အထိ တစ်နေ့ကို အနည်းဆုံး နှစ်ကြိမ် ပြုလုပ်ပေးပါ။
■ မနက်အိပ်ရာထခါစမှာ ရှောက်ရည်ညှစ်ထားတဲ့ရေနွေးကိုလည်း သောက်သုံးနိုင်ပါတယ်။
ဒေါက်တာခင်မိုးမိုး
https://www.facebook.com/myawadyhealth/
