ကင်ဆာဝေဒနာဖြစ်ပွားပြီ ဆို လျှင် အခြားကိုယ်တွင်းအင်္ဂါများကို ရောဂါပြန့်ပွားမှု (Metastasis) ရှိ၊ မရှိ သိရဖို့က အရေးကြီးပါတယ်။ လက်ရှိမှာတော့metastasis ရဲ့ ကနဦးလက္ခဏာတွေကို စစ်ဆေး နိုင်ဖို့ ခက်ခဲနေပါသေးတယ်။ ပုံရိပ် ဖော်စနစ်တွေကလည်း ဝေဒနာရှင် ရောဂါလက္ခဏာတွေ ခံစားနေရချိန် မှသာ လုပ်ဆောင်နိုင်ပြီး ယင်းကာလ တွင် ကင်ဆာဆဲလ်များက အတော် အသင့်ကျွမ်းနေတဲ့ အခြေအနေ ရောက်နေတာ များပါတယ်။ ဒါ့ ကြောင့်metastasis ရှိ၊ မရှိကို စောစီးစွာ သိရှိနိုင်ခြင်းက ရောဂါ ဖြစ်စဉ်ကို နှောင့်နှေးစေနိုင်သလို၊ ကုသမှုကိုလည်း အောင်မြင်မှုတွေ ပိုရစေနိုင်ပါတယ်။
ယခုအခါ မီချီဂန် တက္ကသိုလ် ဇီဝအင်ဂျင်နီယာများ အဖွဲ့က အရေပြားအောက် ထည့် ထားနိုင်သော ကိရိယာတစ်ခုကို တီ ထွင်နိုင်ခဲ့ပြီး ယင်းကိရိယာက ကင်ဆာဆဲလ်များ အခြားနေရာသို့ ပြန့်ပွားမှုကို သိရှိစေနိုင်ပြီး ရင်သား ကင်ဆာဝေဒနာရှင်တွေရဲ့ အသက် ရှင်နိုင်မှုနှုန်းကို မြင့်တက်စေနိုင်သလို ခွဲစိတ်မှုနဲ့အခြားကုထုံးများအတွက် လုံလောက်တဲ့အချိန်ရစေဖို့ ကူညီ ပေးနိုင်ပါတယ်။ သုတေသနကို ကြွက်များတွင် လုပ်ဆောင်ခဲ့တာ ဖြစ်ပြီး ယခင်သုတေသနကို ထပ်မံ အဆင့်မြင့်တင်ပြီး လုပ်ဆောင်ခဲ့တာ ဖြစ်ပါတယ်။ ရလဒ်တွေအရ ယင်း အရေပြားအောက် ထည့်ရသော ကိရိယာလေးက အခြားအင်္ဂါတွေဆီ ပြန့်လာတဲ့ ကင်ဆာဆဲလ်တွေကို ထိ ထိရောက်ရောက် ထိန်းပေးထားနိုင် တာ တွေ့ရပါတယ်။
ယင်းကိရိယာမှာ အနာများဆေးထည့်စဉ်နဲ့ ချုပ်ကြိုး များတွင် သုံးသော FDA မှ ခွင့်ပြု ထားတဲ့ ပစ္စည်းတွေကိုသုံးထားတာ ဖြစ်ပါတယ်။ ခန္ဓာကိုယ်တွင်းထဲတွင် အလိုအလျောက်ပျောက်ကွယ်သွား နိုင်တဲ့ပစ္စည်းတွေကို သုံးထားပြီး ခန္ဓာကိုယ်ထဲတွင် နှစ်နှစ်ခန့်ကြာနိုင် မယ်လို့ သိရပါတယ်။ ကိရိယာ ကိုအရေပြားအောက်တွင ထည့်ထား ပြီးနောက် မဆက်ခဲသည့်ပုံရိပ်ဖော် စနစ်ဖြင့် စောင့်ကြည့်နိုင်ကာ ကင်ဆာဆဲလ်များ ပြန့်ပွားမှုကို စောင့်ကြည့်၍ တွေ့ရှိပါက ကုသမှု ကိုစတင်နိုင်မှာ ဖြစ်ပါတယ်။ ယင်း ကိရိယာမှာ ခန္ဓာကိုယ်တွင်းရှိ အခြား ကိုယ်တွင်းအင်္ဂါများနဲ့ သဘာဝ ချင်းတူစေရန် ဖန်တီးထားပါတယ်။ ဒါ့ကြောင့် ယင်းကိရိယာက ခန္ဓာ ကိုယ်ရဲ့ ခုခံအားစနစ်ဆဲလ်များကို စွဲဆောင်ပြီး ယင်းဆဲလ်များက တစ်ဖန်ပြန်၍ ကင်ဆာဆဲလ်များကို စွဲဆောင်ပါတယ်။ ရလဒ်ကတော့ ခုခံအားဆဲလ်တွေကို အဆုတ်၊ အသည်း၊ ဦးနှောက်တွေဆီ ပြန့် မသွားဖို့ တားဆီးပေးခြင်းအားဖြင့် ကင်ဆာပြန့်ပွားမှုကို ထိန်းပေး ထားပါတယ်။ ပုံမှန်အားဖြင့် ကင်ဆာ ဆဲလ်တွေက အခြားအင်္ဂါတွေကို ပြန့်နိုင်ဖို့အတွက် ခုခံအားစနစ်ဆဲလ် တွေက ကြိုပြီး ပြင်ဆင်ထားပေး ရပါတယ်။ ဒါကြောင့်ယင်းခုခံအား စနစ်ရဲ့ဆဲလ် တွေကို ကိရိယာထဲမှာ ကန့်သတ်ပေးထားနိုင်ခြင်းအားဖြင့် ကင်ဆာဆဲလ်တွေကို ထိန်းချုပ်ပေး နိုင်တာပါ။ ကြွက်တွေမှာ စစ်ဆေး မှုအရ ခန္ဓာကိုယ်ထဲ ကင်ဆာဆဲလ် များ ထည့်ပေးပြီး ၅ရက်အကြာမှာ ကိရိယာအတွင်း၌ ကင်ဆာဆဲလ်များ လာစုနေပြီး အဆုတ်၊ အသည်းနဲ့ ဦးနှောက်တို့မှာ မတွေ့ရတဲ့အတွက် ကင်ဆာဆဲလ်တွေက ကိရိယာထဲမှာ ပထမဆုံး စတေးချတယ်လို့ ကောက် ချက်စွဲနိုင်ပါတယ်။ ၁၅ ရက်အကြာ မှာတော့ ကိရိယာထည့်ထားတဲ့ ကြွက်တွေရဲ့အသည်းမှာ ကင်ဆာ ဆဲလ် ၆၄% ပိုနည်းပြီး ဦးနှောက်မှာ တော့ ၇၅% ပိုနည်းတာ တွေ့ရပါ တယ်။ ဒါ့ကြောင့် ကိရိယာက ရောဂါဖြစ်စဉ်ကို နှောင့်နှေးစေ တယ်လို့ ကောက်ချက်စွဲခဲ့ပါတယ်။ ၁၀ ရက်အကြာ ကင်ဆာဆဲလ်ပြန့် နှုန်းမှု စတင်ပေမယ့် ကြီးကြီးမားမား ပြန့်နှံ့မှုမရှိစေမီမှာ ခွဲစိတ်မှုခံယူခဲ့တဲ့ ကြွက်တွေမှာ ကိရိယာမထည့်ထားတဲ့ ကြွက်တွေထက် ပိုပြီးအသက်ရှည်ရှည် ပိုနေရတာ တွေ့ခဲ့ရပါတယ်။ သုတေသီ တွေကတော့ ယင်းကိရိယာကို အသုံး ပြုပြီး ရင်သားကင်ဆာဖြစ်နိုင်ချေ များတဲ့ အမျိုးသမီးတွေမှာ စောင့် ကြည့်ဖို့ အသုံးပြုနိုင်ရန် မျှော်လင့် ထားပြီး အခြားကင်ဆာဆဲလ်များကို စစ်ဆေးနိုင်ရန်လည်း ကြိုးစားလျက် ရှိတယ်လို့ သိရပါတယ်။ ယင်းသုတေသနကို Cancer Research ဂျာနယ် မှာ ဖော်ပြခဲ့ပါတယ်။
ဖိုးသောကြာ
Health Updates Journal
https://www.facebook.com/HealthUpdatesJournal/
