သင့်အနေနဲ့ တစ်နေ့ကို ရှစ်နာရီလောက်အထိ လုံလုံလောက်လောက်အိပ်စက်အနားယူပေမယ့်လည်း တစ်ခါတစ်လေမှာ ခန္ဒာကိုယ်က ပိုပြီးပင်ပန်း နွမ်းနယ်သလိုဖြစ်နေတတ်တဲ့ အခါမျိုးရှိဖူးမှာပါ။ ဒီလိုမျိုး ညဘက် အိပ်ရေးဝနေပေမယ့်လည်း နောက်တစ်နေ့မှာ ပင်ပန်းနွမ်းနယ်နေရတဲ့ ပြဿနာတွေဖြစ်ပွားရတာဟာဆိုရင်တော့ များသောအားဖြင့် ခန္ဒာကိုယ်မှာ လုံလောက်တဲ့ အာဟာရနဲ့ စွမ်းအင်မရှိလို့ဖြစ်တယ်လို့ သိရပါတယ်။
လေ့ကျင့်ခန်းမပြုလုပ်ခြင်း
သင့်အနေနဲ့ ထိုင်နေရတဲ့ အလုပ်ကို လုပ်ရတဲ့သူဆိုရင်တော့ တစ်နေ့ရဲ့ သုံးပုံတစ်ပုံလောက်ကို ထိုင်ခုံပေါ်မှာ ထိုင်နေရမှာဖြစ်ပါတယ်။ ဒီလိုအထိုင်များတာဟာဆိုရင်တော့ သင့်ရဲ့ ခန္ဒာကိုယ်ပုံစံကို အချိုးမကျဖြစ်စေပြီး လူနေမှုပုံစံကိုပါ ဖြည်းဖြည်းချင်းထိခိုက်နိုင်ပါတယ်။
ဒါ့ကြောင့် သင့်မှာ ပုံမှန်ရှိသင့်တဲ့ ကိုယ်လက်လှုပ်ရှားမှုပုံစံရှိသင့်ပြီး ဒီလိုကိုယ်လက်လှုပ်ရှားမှုတွေက သဘာဝအတိုင်း ကိုယ်ခံစွမ်းအားကို တိုးပွားစေတဲ့အပြင် ကိုယ်ရည်ကိုယ်သွေးကိုပါ တိုးပွားစေနိုင်တာကြောင့် ခန္ဒာကိုယ်က အလန်းဆန်းဆုံး အနေအထားမှာ ရောက်ရှိနေမှာဖြစ်ပါတယ်။
ရေဓာတ်မလုံလောက်ခြင်း
သင့်အနေနဲ့ တစ်နေ့ကို ရေပမာဏ ဘယ်လောက်ထိ သောက်သုံးတတ်လဲဆိုရင် ရုတ်တရက်ဖြေနိုင်မှာ မဟုတ်ပါဘူး။ လူအတော်များများကတော့ ရေသောက်ရတာကို ပေါ့ပေါ့တန်တန်ထင်မှတ်ထားကြပြီး တစ်ခြား ကော်ဖီနဲ့ သကြားပါ အချိုရည်တွေကို သောက်သုံးမှုများနေကြတာကြောင့် ဖြစ်ပါတယ်။ ကျွန်တော်တို့ရဲ့ ဦးနှောက်ဟာ ရေဓာတ် ၈၅ ရာနှုန်းနဲ့ ဖွဲ့စည်းထားတာဖြစ်ပြီး ရေမသောက်နိုင်ရင်တော့ ခေါင်းခြောက်ပြီး မှိုင်တွေတွေဖြစ်နေတတ်ပါတယ်။ သကြားပါအချိုရည်တွေကို ရှောင်သင့်ပြီး တစ်နေ့ကို ရေရှစ်ခွက်ကနေ ဆယ်ခွက်အထိ သောက်သုံးသင့်ပါတယ်။
အစားကောင်းကောင်းမစားခြင်း
ဒါကတော့ ရှင်းပါတယ်။ သင်မောင်းနေတဲ့ ကားကို ဆီမဖြည့်ဘဲ မောင်းနှင်လို့မရနိုင်သလိုဘဲ သင့်ခန္ဒာကိုယ်ကိုလည်း အစားကောင်းကောင်းမစားဘဲ ခိုင်းစားဖို့ စဉ်းစားလို့ မရနိုင်ပါဘူး။ သင့်အနေနဲ့ အဓိက အနေနဲ့ မနက်စာကို ကောင်းကောင်းစားသင့်ပါတယ်။ နေ့လည်ဘက်မှာတော့ ကြက်ဥနဲ့ တစ်ခြားအားဖြစ်စေတဲ့ အစားအစာတွေကို စားသုံးသင့်ပါတယ်။ အဲ့လိုမျိုး အစားကောင်းကောင်းစားမှသာ သင့်အနေနဲ့လည်း ပင်ပန်းနွမ်းနယ်မှုမရှိဘဲ ကောင်းကောင်း အလုပ်လုပ်နိုင်မှာဖြစ်ပါတယ်။
( Beauty Syh )
#သစ်ထူးလွင်(ကျန်းမာရေး)
#health.thithtoolwin.com
Ref : LifeHack
