လေထုညစ်ညမ်းမှုသည် လူသားတို့အား အိပ်ရေးပျက်စေနိုင်ကြောင်း ၀ါရှင်တန်မှ သုတေသီများက ထုတ်ပြန်

အမေရိကန် ၀ါရှင်တန်တက္ကသိုလ်မှ သုတေသီများ၏ သုတေသန ဆောင်ရွက်ချက်အရ လေထု ညစ်ညမ်းမှုသည် လူသားတို့အား အိပ်မပျော်နိုင်အောင် နှောက်ယှက်သလို အိပ်မက်ဆိုးများကို မြင်မက်စေကြောင်း သိရသည်။ ထို့ကြောင့် လေထုညစ်ညမ်းမှု လယ်ဗယ်မြင့်မားသည့် ဇုံတွင် နေထိုင်သည့် လူသားတို့အနေဖြင့် ညအိပ်စက်ချိန်၌ ကောင်းမွန်စွာ အိပ်စက်နိုင်မည် မဟုတ်ကြောင်း မေလ(၂၂) ရက်နေ့တွင် ထုတ်ပြန်သွားခဲ့သည်။

 ၀ါရှင်တက္ကသိုလ် သုတေသီများအဖွဲ့ခေါင်းဆောင် လက်ထောက် ပရော်ဖက်ဆာ မာသာဘီလ်လင်က “လေထုညစ်ညမ်းမှုနဲ့ ပတ်သက်ပြီး သုတေသနတွေ တော်တော်များများ လုပ်ဆောင်နေကြတယ်၊ ရလာဒ်အမျိုးမျိုး ထွက်နေတာလည်း တွေ့ရတယ်၊ လေထုညစ်ညမ်းမှုဟာ လူသားတို့ရဲ့ နှလုံးအလုပ် လုပ်ပုံကို နှောက်ယှက်ဖျက်စီးတတ်တယ် ဆိုတာ တော်တော်များများလည်း သိပြီးကြမှာပါ၊ နှလုံးနဲ့ ဆက်စပ်သည့် ရောဂါတွေကို ဖြစ်ပေါ်စေတဲ့အတွက် လူသားတို့ရဲ့ အိပ်စက်ခြင်းကို နှောက်ယှက်လိမ့်မယ်၊ သုတေသန ရလာဒ်တွေ အရ လေထုညစ်ညမ်းမှု လယ်ဗယ်မြင့်မားတဲ့ အရပ်မှာ နေထိုင်တဲ့ လူသားတွေဟာ ညအချိန်မှာ ကောင်းမွန်စွာ မအိပ်စက်နိုင်ဘူးဆိုတာ သွားတွေ့ရတယ်” ဟု ပြောကြားသွားခဲ့သည်။

ဆက်လက်ပြီး ၎င်းက “လူ့ကိုယ်ခန္ဓာမှာ ရှိတဲ့ အာရုံကြောတွေရဲ့ အလုပ်လုပ်ပုံကိုလည်း လေထု ညစ်ညမ်းမှုက နှောက်ယှက်တားဆီးမှုတွေ ပြုလုပ်နေတာ သွားတွေ့ရတယ်၊ ရှိ့သမျှအာရုံကြောတွေကို အနှောက်အယှက်ပေးတဲ့အတွက် နှစ်ခြိုက်စွာ အိပ်ပျော်နေတဲ့ လူသားတွေကိုလည်း အာရုံခြောက်ခြားစေပြီးတော့ အိပ်မက်ဆိုးတွေကို မက်စေပါတယ်” ဟု ပြောကြားသွားခဲ့သည်။

ရတနာပုံ သတင်းစာ
https://www.facebook.com/pg/yadanabonnewspaper