Abscess ပြည်ပေါက် ပျောက်ပြီ


သမီးအသက်က ၃၁ နှစ်ပါ။ တာမွေမြို့နယ်၊ ရန်ကုန်မှာ နေထိုင်ပါတယ်ရှင်။ ကိုယ်ဝန် ၈ လရှိပါပြီဆရာ။ ခုသွားကိုက်ပြီး ပါးပါရောင်နေတာ တပတ်လောက်ရှိပါပြီ။ သွားဆရာဝန်ကိုပြတော့ Enzdase နဲ့ Augmentin 1g ကို့ တနေ့သုံးကြိမ် ၃ ရက် သောက်ခိုင်းပါတယ်။ တရက်လောက်သောက်ခိုင်းပြီး မသက်သာရင် ဆေးထိုးပြီးခွဲရမယ်လို့ ပြောပါတယ်။ အဲဒါ ကလေးကိုထိ ခိုက်နိုင်ပါလားဆရာ။ သမီးက ခုမှသားဦးကိုယ်ဝန်မို့လို့ စိုးရိမ်လို့ပါဆရာ။ အံဆုံးဖာထားတဲ့နေရာနဲ့ သွားဖုံးပေါ်အောက်က ပြည်တည်ပြီး မေးရိုးနဲ့ပါးပါရောင်နေလို့ပါ။

သွားဆရာဝန်က လုပ်ပေးတာဆိုရင် မစိုးရိမ်ရပါ။ ပြည်ဆိုတာ ဘယ်နေရာမှာရှိရှိ ထုတ်ပြစ်မှသာပျောက်တယ်။ Augmentin က ပင်နယ်စလင်ဖြစ်လို့ ကိုယ်ဝန်လည်းသုံးနိုင်ပါတယ်။ အနာသက်သာဆေးတော့ မတွေ့ပါ။ ဆားရည်နဲ့ပလုပ်ကျဉ်းတာ အလွန်ကောင်းပါတယ်။

ဟုတ်ကဲ့ပါဆရာ။ ကျေးဇူးတင်ပါတယ်ရှင်။

ဆရာရေ ဒီနေ့တော့ သမီးမသက်သာလို့ဆေးရုံတက်လိုက်ရပါတယ်။ မေ့ဆေးပေးပြီး မေးရိုးကိုဖောက်ပြီး ပြည်ကို စုပ်ထုတ်မယ်တဲ့ဆရာ။ သမီးကမလုပ်ရဲဘူးပြောတော့ သမီးကိုပိုးသတ်ဆေးအွန်ထားပါတယ်ဆရာ။ သက်သာရင်တော့ မခွဲဘူးလို့တော့ ပြောပါတယ်ဆရာ။ အဲဒါကသမီးကို အွန်ထားတဲ့ ပိုးသတ်ဆေးပါဆရာ။ ၃ ကြိမ်ထိုးရမယ်လို့ပြောပါတယ်။ အဲဒီဆေးကရော ကလေးအပေါ် side effect ဖြစ်နိုင်လားဆရာ။ သမီးလဲအရမ်းစိုးရိမ်နေမိပါတယ်ဆရာရှင့်။

ပြည်ရှိတဲ့အနာကို Abscess ခေါ်ပါတယ်။ နေရာတကာမှာဖြစ်နိုင်တယ်။ ချိုင်းမှာပေါက်ရင် ကိန္နရာနာခေါ်တယ်။ ပြည်မတည်ခင် အနာဖြစ်တဲ့နေရာမှာ လက္ခဏာ ၅ ပါးဖြစ်လာတယ်။ နီ-နာ-ရောင်-ပူ ဆိုတာအပြင် သူလုပ်ရမဲ့အလုပ်ကို မလုပ်နိုင် ဖြစ်လာတယ်။ ဒီအဆင့်မှာ ရောင်ခြင်းဆိုတာသာ ရှိပါသေးတယ်။

ဒီအဆင့်မှာ ပိုးကိုနိုင်တဲ့ဆေးတွေ ပေးရမှာပါ။ ပဋိဇီဝဆေးအုပ်စု (၁၃) ခုတောင်ခွဲထားတာ။ အစောဆုံးပေါ်ခဲ့တာက ဆာလ်ဖိုနမိုက်အုပ်စုပါ။ အများဆုံးသိကြတာကတော့ ပနယ်စလင်တွေ။ ဒီအုပ်စုဆေးတွေထဲမှာ Amoxicillin, Ampicillin, Cloxacillin အပြင် Penicillin ထိုးဆေး နဲ့ စားဆေးတွေပါတယ်။ အနာက ပြည်ရှိရင် Ampicillin နဲ့ Cloxacillin ၂ မျိုး တွဲပေးမှ ပိုကောင်းတယ်။ ဆေးကို နှစ်မျိုးတွဲ တပါတည်း ထုတ်တာလဲရှိတယ်။ Ampiclox ခေါ်တယ်။ အများအားဖြင့် ၂၅ဝ အားက ၆ နာရီခြား၊ ၅ဝဝ အားက ၁၂ နာရီခြားသောက်ရမယ်။ ၄ ရက် အနည်းဆုံးသောက်မှ ကောင်းတယ်။ မဟုတ်ရင် နောက်ဖြစ်တော့ ဆေးယဉ်သွားမယ်။

နောက်ပေါ်ကတော့ (ကက်ဖလိုစပိုရင်) ဖြစ်တယ်။ နောက်ပေါ်ထဲမှာ နောက်ပေါက်တွေရှိတယ်။ မျိုးဆက်တွေ ထပ်ထပ် တိုးလာလို့ အခုဆို မျိုးဆက်လေးခုတောင်ရှိနေပြီ။ ဒီအုပ်စုဆေးတွေက Cef နဲ့စတယ်။ ပဌမမျိုးဆက် Cefadroxil, Cephalexin, Cephaloridine, Cephalothin, Cephapirin, Cefazolin, Cephradine ဒုတိယမျိုးဆက် Cefaclor, Cefoxitin, Cefprozil, Cefuroxime တတိယမျိုးဆက် Cefdinir, Cefixime, Cefpodoxime, Ceftibuten, Ceftriaxone, Cefotaxime စတုတ္ထမျိုးဆက် Cefepime, Cefluprenam, Cefozopran, Cefpirome, Cefquinome တွေပါ။
ပိုးကိုနိုင်ဆေးတွေအပြင် အနာ-အရောင်ကို သက်သာဆေးလဲ ပေးသင့်တယ်။ အိမ်တိုင်းမှာရှိတယ်။ အိမ်တိုင်း ပါရာစီတမောရှိတယ်။ ခြေဆစ်လက်ဆစ်နာသူများ အက်စ်ပရင်ဆောင်ထားကြတယ်။ နဲနဲပိုဆိုးတဲ့ ခါးနာ၊ ဇက်ကျောတက်သူများ အိုင်ဘူပရိုဖင်စတာမျိုးသုံးကြတယ်။ ဒီဆေးအုပ်စုက အစွမ်းသုံးပါးထက်တယ်။ အဖျားကျ၊ အနာသက်သာပြီး အရောင်လျှော့စေတယ်။

မေးတဲ့သူပြောတဲ့ Ceftriaxone ကို FDA က Category B လို့ သတ်မှတ်ထားတယ်။ ဘေးထွက်ဆိုးတာထက် အကျိုးက ပိုရင် ကိုယ်ဝန်မှာလည်း သုံးနိုင်ပါတယ်။ အနာဆိုတာ ပြည်တည်လာရင်တော့ ခွဲထုတ်ရမယ်။ ခွဲစိတ်ပညာမှာ ပြည်ရှိရင်-ခွဲထုတ်ဆိုတာ ဖေါ်မြူလာပါ။ ဦးနှောက်၊ ခြေထောက်၊ အသည်း ဘယ်ထဲရှိရှိ ပြည်ကိုထုတ်ရပါမယ်။ ပြည်ပေါက် ပျောက်ပြီ ဆိုတာ အမှန်ပါ။

Dr. တင့်ဆွေ
https://www.facebook.com/drtintswe

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ