မနေ့ကသမီးရဲ့ အသိတယောက်က ဖုန်းဆက်မေးပါတယ်ရှင့်။ သူမှာပြီးခဲ့နှစ် ၆ လပိုင်းလောက်ကတည်းက နှလုံးအဆို့ပွန်ကျဉ်းတဲ့ရောဂါခံစားနေရပါတယ်တဲ့။ သူအသက် ၂၇ နှစ်ပါရှင့်။ ကောင်လေးပါ။ တောင်သူလုပ်ငန်း လုပ်ပါတယ်။ ဆရာဝန်နှင့်ပြတော့ ခွဲရမယ် or နှလုံးအဆို့ပွန် ချဲ့ရမယ်လို့ပြောပါတယ်တဲ့။ စီးပွားရေးသိပ်အဆင်မပြေလို့ သောက်ဆေး ၃ လစာယူလာပြီးပြန်လာပါတယ်။ ယခု ဆေးပြတ်နေတာ ၄ လလောက်ရှိပါပြီတဲ့။ ဘာဆေး သောက်နေရတယ် သမီးမသိပါဘူးဆရာ။ ရွာကလူတွေဆိုတော့ သောက်ဆေးအမည်တွေကိုလည်းမသိပါရှင်။ လက်ရှိရောဂါအခြေနေရတော့ မောပြီး ခြေဆစ်လက်ဆစ် ကိုက်တာကလွဲပြီး မရှိပါဘူးတဲ့။
နောက်ပြီးတော့ လေးဘက်နာရောဂါရောရှိပါတယ်တဲ့။ အသက် ၂၆ နှစ် လောက်တုန်းကလည်း ညာဘက်တခြမ်းလေဖြတ်သလိုဖြစ်ခဲ့ဖူးလို့ ရွာကအရပ်ဆရာ (ရမ်းကု) နဲ့လည်း ဆေး ၃ လ လောက်ထိုးခဲ့ဖူးပါတယ်တဲ့။ ဘာဆေးဆိုတာသမီးလည်းမသိပါဘူးဆရာ။ သူကလက်ရှိမှာတော့ခွဲချင်နေပါတယ်ဆရာ။ သမီးသိချင်တာက နှလုံးအဆို့ပွန်ကျဉ်းတာနှင့် ပတ်သက်ပြီးတော့ သိချင်ပါတယ် ဆရာ။ သူငယ်ချင်းရောဂါနှင့် ပတ်သက်ပြီးတော့လည်း ဆရာရဲ့ အမြင်ကို သိပါရစေဆရာ။ သမီးက သားဖွားဆရာမတယောက်ပါ။ Post ဝင်တာ ၄ လလောက်ဘဲရှိပါသေးတယ်ရှင့်။ သမီးကဒီရောဂါနှင့်ပတ်သက်ပြီးတော့ သိပ်မသိပါဘူးဆရာ။ အမှားပါခဲ့ရင် ခွင့်လွတ်ပေးပါဆရာ။ ဆရာတင်ပေးတဲ့ post တွေဖတ်ရတာ သမီးအတွက် ဗဟုသုတတွေ အများကြီးရပါတယ်ဆရာ။
ဒီလိုမေးတာက ကျန်းမာရေးဌာနကဖြစ်လို့ ဆီလျှော်ပါတယ်။ အရင်ကလည်းမေးကြတယ်။
၁။ ဆရာရှင့် နှလုံးအဆို့ရှင်မကောင်းတဲ့သူက သက်တမ်းစေ့ နေနိုင်ပါသလား။ နေနိုင်အောင်ဘယ်လို ကုသရပါသလဲ။ ကျေးဇူးပြု၍ ဖြေပေးစေချင်ပါတယ်ရှင့်။
• ကျား-မ-အသက် မသိပါ။ ရောဂါရှိရင် ကုသသင့်တယ်။ ကုနေ မနေ မသိပါ။
• ကျားပါ။ အသက်က ၃၈ နှစ်ပါ။ ကုသနေပါတယ်။
မေးတဲ့အမည်က အမျိုးသမီး၊ ဖြစ်တဲ့သူက အမျိုးသား။ အဲလိုမေးတာတွေလာတိုင်း ပြန်ပြန်မေးရတတ်တယ်။ အမျိုးသမီးတယောက်ကနေ တခြားယောက်ျားလေး (သမီးရည်းစာလည်း မဟုတ်၊ တခါတလေ သူများယောက်ျား) ရောဂါ မေးတာမျိုးဆိုရင် အတော်အဆင်မပြေဖြစ်တာ ၄-၅-၆ ခါရှိပြီ။
၂။ အမျိုးသမီးလို့ယူဆရတဲ့့ မင်းသမီးအမည်နဲ့အကောင့်ကနေ မေးတယ်။ ကျား-မ ပြောပါဆိုတော့ ကျားတဲ့။
ကျွန်တော်နဲ့ ကျား-မ မသိရတာနဲ့တော့ အတော်ဂွကျနေပြီ။ ဆရာဝန်ကိုတော့ ပွင်ပွင့်လင်းလင်းပြောကြစေချင်ပါတယ်။ မေးတဲ့သူ (အိုင်ဒီ) ကို ပို့စ်မှာမသုံးပါ။
Valvular heart disease နှလုံးအဆို့ရှင်ရောဂါဆိုတာ မွေးကတည်းလဲပါလာနိုင်သလို နောက်မှလဲပျက်စီးနိုင်တယ်။ (၁) Rheumatic fever (ရူမက်တစ်) လေးဘက်နာ၊ (၂) Infectious endocarditis နှလုံးအတွင်းသားရောင်ခြင်း၊ (၃) Connective tissue disorders တွယ်ဆက် (တစ်ရှူး) ရောဂါ၊ (၄) ဆေးဝါးတွေနဲ့ ကင်ဆာဓါတ်ကင်တာတွေကြောင့် ဖြစ်စေနိုင်တယ်။
နှလုံးအဆို့ရှင် မကောင်းတာမှာ
(၁) Valvular stenosis = အဆို့ရှင်ကျဉ်းခြင်း။ အဆို့ရှင် (၄) ခုလုံးမှာဖြစ်နိုင်တယ်။ ကိုယ့်မှာဘယ်ဟာလည်းသိပါ။ tricuspid stenosis, pulmonic stenosis, mitral stenosis or aortic stenosis လေးခုရှိတယ်။
(၂) Valvular insufficiency = အဆို့ရှင်မလုံတာ။ tricuspid regurgitation, pulmonary regurgitation, mitral regurgitation or aortic regurgitation လည်းရှိတယ်။
ခံစားရမှာတွေက အားယုတ်၊ အသက်ရှူမဝ၊ နှလုံးကို နားထောင်ရင် အသံမူမမှန်၊ ခြေထောက်ရောင်၊ ရင်ပတ်နာ၊ သတိလစ်တာတွေ ခံစားရမယ်။
နှလုံးအဆို့ရှင်ရောဂါများကုသခြင်း
(က) ဆေးပေးခြင်း၊ Vasodilators သွေးကြောကျယ်ဆေး၊ ကိုလက်စထောကျဆေး၊ Diuretics ဆီးဆေးနဲ့ Blood-thinning medications သွေးမခဲဆေးတွေပေးမယ်။
(ခ) Balloon valvuloplasty လေဘူဘောင်းထည့်ခွဲစိတ်နည်း၊
(ဂ) Valve repair or replacement ခွဲစိတ်ပြုပြင်နည်း၊
လူနေမှုပုံစံပြောင်းခြင်း (ကိုယ်နဲ့ဆိုင်တာကိုသာလုပ်ပါ)
(က) ဆေးလိပ်ဖြတ်ပါ။
(ခ) သွေးတိုးကို ထိန်းနေပါ၊
(ဂ) ကိုလက်စထောချပါ၊ LDL level ကို 130 mg/dL (3.4 mmol/L) ထက်နည်းပါစေ၊ တခြား သတိထားစရာပါရှိနေသူဆိုရင် LDL ကို 100 mg/dL (2.6 mmol/L) အောက်အထိချပါ။ စိုးရိမ်စရာအထိ ဖြစ်နေသူဆိုရင် 70 mg/dL (1.8 mmol/L) အထိနည်းပါစေ။
(ဃ) ဆီးချိုထိန်းနေပါ။
(င) အသက်ကြီးသူတွေက ငြိမ်မနေပါနဲ့၊ လှုတ်ရှားပေးပါ။ ငယ်ရွယ်သူတွေက အတိုင်းအတာအရသာလုပ်ပါ။
(စ) ကျန်းမာရေးနဲ့ ညီညွတ်တဲ့အစားအသောက်ကိုသာ ရွေးချယ်ပါ။
(ဆ) ကိုယ်အလေးချိန် ထိန်းနေပါ။
(ဇ) စိတ်ဖိအား လျှော့နည်းသုံးပါ။
(ဈ) သန့်ရှင်းရေး ပိုဂရုစိုက်ပေးပါ။
(ည) တုပ်ကွေးရာသီမှာ ကာကွယ်ဆေးထိုးပါ။
(စ) စိတ်ကိုတင်းပါ။ အပြုသဘောဆောင်ပါ။ ကံတရားကိုလည်းအားကိုးပါ။
Dr. တင့်ဆွေ
https://www.facebook.com/drtintswe
