ဆယ်ကျော်သက် အမျိုးသမီး ငယ်လေးတွေအနေနဲ့ ဆယ်ကျော်သက်အရွယ်မှာကတည်းက လေ့ကျင့်ခန်း နဲ့ အားကစား ပုံမှန်ပြုလုပ်ပေးမယ်ဆိုရင် လူလတ်ပိုင်းအရွယ်ရောက်တဲ့အခါမှာ ကင်ဆာရောဂါ ကြောင့် သေဆုံးနိုင်ချေ နည်းပါးလာနိုင်တယ်ဆိုတာကို သုတေသီတွေက ရှာဖွေတွေ့ရှိခဲ့ကြပါတယ်။
ဒီလေ့လာတွေ့ရှိမှုကတော့ ကလေးဘ၀ လှုပ်ရှားမှုတွေဟာ ဘ၀ရဲ့ နောက်ပိုင်းအချိန်တွေမှာ ကျန်းမာရေးနဲ့ ပတ်သက်ပြီး ဘယ်လို သက်ရောက်မှု ရှိနိုင်သလဲဆိုတဲ့ အကြောင်းအရာ အောက် က တွေ့ရှိမှုတွေပဲ ဖြစ်ပါတယ်။
ဆယ်ကျော်သက်ဘ၀မှာကတည်းက တစ်ပတ်ကို တစ်နာရီနဲ့ မိနစ် ၂၀ ခန့် လေ့ကျင့်ခန်းလုပ်ပေးသူတွေဟာ အသက် ၄၀ ကနေ ၇၀ အတွင်းရောက်လာတဲ့အခါမှာ ကင်ဆာရောဂါ ကြောင့်သေဆုံးနိုင်ချေ ကို ၁၆ ရာခိုင်နှုန်းလျှော့ချပေးနိုင်တယ်ဆိုတာကို ထိုသုတေသန က အဖြေထုတ်ပေးခဲ့ပါတယ်။ နှလုံးရောဂါ အပါအ၀င် အခြား သေဆုံးနိုင်သောရောဂါတွေကနေ သေဆုံးနိုင်ချေကိုလည်း ၁၅ ရာခိုင်နှုန်း အထိ လျှော့ချပေးပါတယ်။
အမျိုးသား ကျန်းမာရေး ၀န်ဆောင်မှု ဌာန က သတ်မှတ်ပေးထားတဲ့ အချိန်စာရင်းအရတော့ အရွယ်ရောက်ပြီးသူတွေဟာ တစ်ပတ်ကို ၂ နာရီ ခွဲခန့် လေ့ကျင့်ခန်းလုပ်ပေးသင့်တယ်လို့ဆိုပါတယ်။ သူတို့ ပြောကြားခဲ့တာကတော့ အသက် ၅ နှစ်ကနေ ၁၈ နှစ်ကြားမှာ ရှိတဲ့ ကလေးငယ်တွေနဲ့ ဆယ်ကျော်သက်တွေဟာ ပိုပြီး လှုပ်ရှားမှု လုပ်ပေးသင့်ပါတယ်။
ဒီ သုတေသန အသစ်ကိုတော့ အမေရိကန်ပြည်ထောင်စု ၊ Vanderbilt တက္ကသိုလ်မှာရှိတဲ့ ကျွမ်းကျင်သူတွေက ဦးဆောင်ပြီး ဆယ်ကျော်သက်အရွယ်လှုပ်ရှားမှုတွေရဲ့ သက်ကြီးပိုင်းဘ၀ ကျန်းမာရေး အပေါ် သက်ရောက်မှုတွေ အဖြစ် လေ့လာခဲ့ကြတာဖြစ်ပါတယ်။ သုတေသီတွေဟာ အသက် ၄၀ ကနေ ၇၀ ကြားမှာ ရှိတဲ့ တရုတ်အမျိုးသမီး ၇၅၀၀၀ ကို သူတို့ရဲ့ ဆယ်ကျော်သက် ဘ၀ မှာ လုပ်ခဲ့တဲ့ လေ့ကျင့်ခန်း တွေအကြောင်းမေးမြန်းခဲ့ပြီး ၁၃ နှစ်ခန့် စောင့်ကြည့်ခဲ့ကြတာ ဖြစ်ပါတယ်။
ထိုအခါမှာ အသက် ၁၃ နှစ်ကနေ ၁၉ နှစ် အရွယ်တွေအတွင်းမှာ ပုံမှန်လေ့ကျင့်ခန်းပြုလုပ်သူတွေဟာ အသက် ၄၀ ကနေ ၆၀ အတွင်း သေဆုံးခြင်းနည်းပါးခဲ့ကြပါတယ် ။ အထူးသဖြင့် ကင်ဆာ ရောဂါ ကြောင့် သေဆုံးမှု အထူးပင်နည်းပါးခဲ့ပါတယ်။ အရွယ်ရောက်ပြီးချိန်တွေမှာ လေ့ကျင့်ခန်း ပုံမှန်လုပ်ခဲ့သူတွေဟာ သက်လတ်ပိုင်းအရွယ်မှာ သေဆုံးဖို့ ၂၀ ရာခိုင်နှုန်းအထိ ဖြစ်နိုင်ချေနည်းပါးနေခဲ့တာကိုလည်း တွေ့ရပါတယ်။
( Mario )
#သစ်ထူးလွင်(ကျန်းမာရေး)
#health.thithtoolwin.com
Ref : Dailymail
