သုတေသီတွေ ပြောပြခဲ့တာကတော့ ကိုယ်ဝန်မဆောင်ခင်ကာလမှာ အာလူး စားမယ့်အစား ပဲတောင့်ရှည် ၊ ကောက်ပဲသီးနှံ တို့လို အခြား ဟင်းသီးဟင်းရွက်များ စားသုံးခြင်းကတော့ ပဋိသန္ဓေ ဆီးချိုသွေးချို ရောဂါတွေဖြစ်ပွားနိုင်ချေ လျော့နည်းသွားစေနိုင်တယ် ဆိုတာပါပဲ။
ထိုလေ့လာမှုကိုတော့ BMJ သတင်းစာမှာ ပုံနှိပ်ဖော်ပြခဲ့ပြီး ပဋိသန္ဓေ ဆီးချိုသွေးချို ရောဂါ ဖွံ့ဖြိုးမှုနဲ့ ဂလိုင်းစီးမစ် ပါဝင်မှု အများဆုံးဖြစ်တဲ့ အာလူး တို့ ပတ်သက်ဆက်နွယ်နေမှုကို ပထမဆုံး လေ့လာခဲ့မှု လည်း ဖြစ်ပါတယ်။ ပဋိသန္ဓေ ဆီးချိုသွေးချို ရောဂါဆိုတာဟာ ကိုယ်ဝန်ဆောင်စဉ်မှာ ဖြစ်လေ့ဖြစ်ထ ရှိတဲ့ ရောဂါဖြစ်ပြီး ကိုယ်ဝန်ဆောင်မိခင်ကို သွေးထဲက သကြားဓါတ်ပမာဏ တွေမြင့်တက်လာစေပါတယ်။ အဲဒီကတဆင့် အနာဂါတ်မှာ မိခင်ရော ကလေး ပါကျန်းမာရေး ပြဿနာတွေရှိစေနိုင်ပါတယ်။
သုတေသီတွေဟာ အမျိုးသမီး ၁၅၀၀၀ ယောက်ကို သူတို့ရဲ့  ကိုယ်ဝန်မဆောင်ခင်ကာလအတွင်း စားသုံးခဲ့တဲ့ အစားအစာတွေနဲ့ ပတ်သက်ပြီး မေးခွန်းထုတ်လုပ်ခဲ့ပါတယ်။ အာလူး နဲ့ ပတ်သက်ပြီးတော့လည်း အမျိုးသမီးတွေဟာ အာလူးဖုတ် ၊ အာလူးပြုတ် ၊ အာလူးထောင်း ၊ အာလူးချောင်းကြော် ၊ အာလူးပြား တို့ကို တစ်နေ့ ၆ ကြိမ်နဲ့အထက် စားသုံးမှုတွေကို မှတ်တမ်းတင်ထားခဲ့ပါတယ်။
ရလဒ်အနေနဲ့ကတော့ အာလူး စားသုံးမှု ပိုများခဲ့တဲ့ အမျိုးသမီးတွေဟာ ပဋိသန္ဓေ ဆီးချိုသွေးချို ရောဂါ ဖြစ်နိုင်ချေ ပိုများနေတာကို သုတေသီတွေက တွေ့ရှိခဲ့ကြတာပဲဖြစ်ပါတယ်။ အကယ်၍ အာလူးစားသုံးမှုနေရာမှာ ကောက်ပဲသီးနှံတွေကို အစားထိုး စားသုံးတဲ့အခါမှာတော့ ပဋိသန္ဓေ ဆီးချိုသွေးချို ရောဂါ ဖြစ်ပွားဖို့အတွက် ၁၂ ရာခိုင်နှုန်း လျော့နည်းလာပြီး ၊ ပဲတောင့်ရှည်တွေစားသုံးတဲ့အခါ ၁၀ ရာခိုင်နှုန်းလျော့နည်းသွားစေကာ ဟင်းသီးဟင်းရွက်တွေနဲ့ အစားထိုး စားသုံးတဲ့အခါမှာတော့ ၉ ရာခိုင်နှုန်း လျော့နည်းသွားတာကိုလည်း သုတေသီတွေက ရှာဖွေတွေ့ရှိခဲ့ကြပါတယ်။
( Mario )
#သစ်ထူးလွင်(ကျန်းမာရေး)
#health.thithtoolwin.com
Ref : Health Spectator
