မွေးရာပါ နှလုံးရောဂါ အမျိုးမျိုးအကြာင်း တစေ့တစောင်း


နှလုံးဆိုတာ၊ သန္ဓေသားဘဝကတည်းကနေ၊ တသက်တာပတ်လုံး၊ တစ်ကိုယ်လုံးရှိအင်္ဂါ အစိတ်အပိုင်း အားလုံးဆီသို့၊ အဟာရဓါတ်မျိုးစုံကို သွေးလှည့် အဖွဲ့ကတဆင့်၊ ပံ့ပိုးပေးနေတဲ့
အရေးကြီး အင်္ဂါတစ်ခုဖြစ်တယ် ။ နှလုံးမှာ သွေးလွှတ်ခန်းနဲ့ သွေးဝင်ခန်း ဆိုပြီး၊ ဘယ်ညာ ၂ဖက်မှာ၂ခန်းစီပါဝင်ပါတယ်။ အဲဒီအခန်းတွေနဲ့ နှလုံးဆီအဝင်အထွက်ပြုလုပ်တဲ့၊ သွေးကြောမကြီးတွေရဲ့
ဖွဲ့စည်းတည်ဆောက်ပုံ၊ မှားယွင်းတာ ပုံမမှန်တာ ပေါ် မူတည်ပြီိး၊ သန္ဓေသား ကတည်းက ချွတ်ယွင်းချက်ဟာ ၊ မွေးရာပါ နှလုံးရောဂါ( CHD Congenital Heart Disease ) အဖြစ်မွေးကတည်းက၊
ပါလာစေခဲ့ပါတယ်။

အဲဒါတွေရဲ့ နှလုံးရောဂါလက္ခဏာတွေက၊ ချွတ်ယွင်းချက်တည်ရှိတဲ့ နေရာပေါ်မူတည်ပြီး၊ ကွဲပြား
နိုင်ပါတယ်။ သိပ်မဆိုးရွားတဲ့ သာမာန်အခြေအနေကနေ၊ အသက်အန္တရာယ်နီးကပ်တဲ့၊ ပြင်းထန်လက္ခ
ဏာတွေအထိခံစားလာရစေပါတယ်။တချို့မှာတော့၊ မွေးကင်းစကတည်းက ရောဂါ လက္ခဏာတွေ ခံစားလာရပေမဲ့၊ တချို့ ကျတော့လည်း အရွယ်ရောက်လာမှ၊ ကျောင်းတက်ဘို့(သို့) အလုပ် ဝင်ဘို့ဆေးစစ်ရာက၊ ရောဂါရှိမှန်း တွေ့ရှိရတတ်တာမျိုးလည်း၊ ဖြစ်တတ်ပါတယ်။ ယေဘူယျ ခံစားရတာတွေကတော့၊ အသက်ရှူမြန်ခြင်း၊ နှလုံးတုန် ရင်ခုန်မြန်ခြင်း၊ မောပန်းလွယ်ခြင်း၊ ရွယ်တူကလေးတွေထက်၊ ကြီးထွားမှုနောက်ကျခြင်း၊အရေပြားနဲလက်သည်းထိပ်တွေပြာနှမ်းလာခြင်း၊ ချောင်းဆိုးရင်ကြပ် အဖျားရောဂါ မကြာခဏ ဝင်ရောက်လွယ်ခြင်း စတာတွေ၊ ခံစားလာရစေတယ်။ တချို့ကလေးတွေမှာ၊ နှုတ်ခမ်းနဲ့ ခြေဖျား လက်ဖျားတွေ၊ ပြာနှမ်းတာက အစောပိုင်းကာလတွေမှာ
မတွေ့ရသေးဘဲ၊ နောက်ဆက်တွဲ ရောဂါ ဆိုးလာတော့မှ၊ ပြာနှမ်းလာတတ်ပါ တယ်။ ကြာလာတဲ့အခါ၊နောက်ပိုင်းမှာ နှလုံးရဲ့ လုပ်ငန်းတာဝန်တွေ မထမ်းဆောင်နိုင်ဘဲ၊ (Heart failure) နဲ့ ၊အသက်သေဆုံးစေတယ်။

မွေးရာပါ နှလုံးရောဂါ ဘာကြောင့် ဖြစ်ရတာလဲ

အကြောင်းရင်း ဘာ့ကြောင့် ဖြစ်ရတယ်၊ ဆိုတာ၊ အတိအကျ မသိရသေးပါဘူး။ အများစုကတော့၊မိခင်က ကိုယ်ဝန်ဆောင်ကာလမှာ၊ ရူဘဲလား ( Rubella )ဆိုတဲ့၊ ဂျာမာန် ဂျိုက်သိုးရောဂါ ခံစားရလို့၊
ကလေးမှာ မွေးရာပါ နှလုံးရောဂါရနိုင်တယ်။တချို့မိခင်လောင်းတွေကိုယ်တိုင်က၊ ဆေးဝါးတွေ၊အရက်နဲ့ ဆေးလိပ်အမျိုးမျိုးကို၊ မိခင်ကိုယ်တိုင်သောက်ခဲ့တာနဲ့ မိသားစုဝင်တွေက ဆေးလိပ်
သောက်ခဲ့တာကြောင့်လည်း၊ ဖြစ်နိုင်တယ်။ မိခင်လောင်းက အဝလွန်သူ(သို့) အာဟာရချို့တဲ့သူဖြစ်ခဲ့တာကြောင့်လည်း၊ ဖြစ်နိုင် တယ်။ မိသားစုထဲမှာ၊ မိခင်(သို့) ဖခင်က အလားတူမွေးရာပါ၊နှလုံးရောဂါပါဘူးရင်လည်း၊ သားသမီးမှာ မွေးရာပါ ၊ နှလုံးရောဂါပါလာနိုင်တယ်။ မွေးရာပါ ဗီဇ
ချွတ်ယွင်းတဲ့၊ ရောဂါတွေ ဖြစ်တဲ့၊ {ဒေါင်း ( Down Syndrome) ရောဂါစု၊ တာနာရောဂါ ( Turner Syndrome) ၊ မာဖင်ရောဂါစု( Marfan Syndrome) စတာတွေနဲ့ တွဲ ပြီးတော့ ၊ နှလုံးရောဂါမွေးကတည်းကလည်း၊ ပါလာတတ်တယ်။

မွေးဖွားပြီးတဲ့အခါ၊ နှလုံးအတွင်း ပြောင်းလဲမှု

မမွေးသေးခင်ကာလအတွင်း သန္ဓေသားမှာ၊ (Ductus Arteriosus ) ဆိုတဲ့ ၊ သွေးကြောလေးဟာ၊အဆုတ်သွေးလွှတ်ကြောမနဲ့ အေအော်တာ သွေးလွှတ်ကြောမကြီးရဲ့ ကြားမှာ၊ တည်ရှိပြီး၊ သန္ဓေ သား
သွေးလှည့်အဖွဲ့၊ ကောင်းစွာလည်ပတ်ဘို့ ဆောင်ရွက်ပေးတယ်။ မွေးပြီးတဲ့အခါ၊ သွေးထဲရှိ ပရိုစတာဂလင်ဒင် ( Prostaglandin) ဟော်မုန်း ပမာဏ၊ လျော့ကျလာတာနဲ့ တပြိုင်တည်း၊ အဲဒီသွေးကြောလေး
ဟာ၊ သဘာဝအတိုင်း အချိန်တိုအတွင်း၊ ပိတ်ဆို့သွားကြတာဖြစ်ပါတယ်။ အကြောင်းအမျိုးမျိုးကြောင့်၊အဲဒါလေးက မပိတ်ဘဲ၊ ဆက်လက်ပွင့်နေသေးရင်၊ မွေးပြီး ကာလ ကလေးရဲ့ သွေးလှည့်အဖွဲ့အတွက်၊
အသုံးမဝင်ပေမဲ့၊ သွေးဟောင်း ,သွေးသစ်လဲလှယ်စရာလမ်းကြောင်းအဖြစ်( Patent Ductus Arteriosus) PDA ရောဂါလက္ခဏာတွေသာ၊ ခံစားလာရစေပါတယ်။မမွေးခင်ကာလတွေတုန်းက၊ နှလုံးသွေးဝင်ခန်း ၂ ခုအကြားရှိတဲ့၊ အပေါက်ငယ်( Foramen ovale)
က ညာဖက်ပိုင်းသွေးဝင်ခန်းရှိ သွေးဖိအားက၊ ပိုများနေလို့ ပွင့်နေပြီး သွေးက ညာဖက်ခန်းကနေဘယ်ဖက် သို့စီးဆင်းစေတယ်။ မွေးပြီးတဲ့အခါ၊ အဆုတ်ကလည်း ပိုမို ပြန့်ကားလာပြီး အသက်ရှူ
လုပ်ငန်းတွေ ထမ်း ဆောင်လာပြီဆိုတော့၊ သွေးဖိအားက ဘယ်ဖက် ပိုင်းကပိုမြင့်လာတာကြောင့်၊
(Foramen ovale) အပေါက်လေးကို၊ သွေးဖြတ်စီးစရာမလိုတော့ဘဲ၊ အချိန်တိုအတွင်း၊ ပုံမှန်ဆိုရင်အဲဒါလေးက ပိတ်ဆို့သွား ရမှာ ဖြစ်ပါတယ်။ အကြောင်းတစ်ခုခုကြောင့်၊ ဒီသဘာဝဖြစ်စဉ်က
ချွတ်ချော်သွားရင်၊ အဲဒီအပေါက် ငယ်လေး က မပိတ်တော့ဘဲ၊ သွေးဝင်ခန်း၂ ခုအကြား အပေါက်ပိုအဖြစ်ဆက်တည်ရှိနေတယ်၊အဲဒီအပေါက် က နေပြီး၊ သွေးဟောင်း သွေးသစ်ဖြတ်သန်းစေကာ၊ မွေးရာပါနှလုံးရောဂါ အဖြစ် ခံစားလာရစေတယ်။မွေးရာပါ နှလုံးရောဂါကို ၂မျိုးခွဲခြားထားနိုင်တယ် ။မွေးကတည်းက သိပ်မကြာခင်အချိန်အတောအတွင်း၊ နှုတ်ခမ်းနဲ့ ခြေဖျား လက်ဖျား ပြာနှမ်းတဲ့
အုပ်စုနဲ့ မပြာနှမ်းတဲ့အုပ်စု ဆိုပြီး ခွဲခြားထားတယ်။ နှလုံးအခန်းတွေကြားက အခန်းနံရံတွေမှာ အပေါက်
ပါလာတာ၊ နှလုံးသွေးကြောမကြီးတွေ နေရာလွဲမှား တည်ရှိနေတာ၊ မွေးပြီးရင် ပိတ်သွားရမဲ့၊ သွေးကြော
တွေ က မပိတ်ပဲ ဆက်လက် ပွင့်နေတာ စသဖြင့် အကြောင်းအရာတွေပေါ် မူတည်ပြီး၊ မွေးရာပါ နှလုံးရောဂါ ရဲ့ လက္ခဏာတွေ ခံစားလာရတယ်။ ချွတ်ယွင်းမှု အကြီး အသေးပေါ် မူတည်ပြီး၊ အဲဒါတွေ ရဲ့
ပြင်းထန်မှု၊ ဆိုးရွားမှု အသက်အန္တရာယ်ကို ချက်ချင်း(သို့) တဖြည်းဖြည်းချင်း၊ ဒုက္ခပေးမှုတွေ၊ ကွဲပြားသွားပါတယ်။

အတွေ့ရများတဲ့ မွေးရာပါ ချွတ်ယွင်းမှု

မွေးရာပါ နှလုံးရောဂါဟာ၊ အတွေ့ရအများဆုံး၊ သန္ဓေသားဘဝ ချွတ်ယွင်းမှုရောဂါ ဖြစ်ပါတယ်။၂၀၁၃ ခုနှစ်၊ လေ့လာမှုအရ၊ မွေးရာပါ နှလုံးရောဂါကို၊ကမ္ဘာအနှံ့ အပြားမှာ၊ လူဦးရေ ၃၄.၃ သန်းလောက်ခံစားနေရတယ်ဆိုပါတယ်။ ဆေးရုံဆေးခန်းလာပြတဲ့၊ အရှင်မွေးကလေး ၁၀၀၀ မှာ ၄ဦးမှ ၇၅ ဦးအထိ၊မွေးရာပါ နှလုံးရောဂါ ပါလာတာတွေ့ရတယ်။ အဲဒီ ၁၀၀၀ ထဲက၊ ၆ ယောက်မှ ၁၉ ယောက်ဟာ၊လက္ခဏာ အတော်လေးပြင်းထန်တာကနေ၊ အဆိုးရွားဆုံး လက္ခဏာတွေနဲ့၊ မွေးဖွားလာကြတာပါ။ဒါ့အပြင် မွေးရာပါချွတ်ယွင်းချက်ရောဂါတွေထဲမှာ၊ နှလုံးချွတ်ယွင်းချက်နဲ့မွေးလာတဲ့ ကလေးတွေက၊သေဆုံး နှုန်းမြင့်မား နေတာ၊ စိတ်မကောင်းစရာ၊ တွေ့ရှိရတယ်။
ဆေးပညာ တိုးတက်ဖွံ့ဖြိုးလာတာနဲ့ အတူ၊ အဲဒီလိုသေဆုံးနှုန်းက၊ ၁၉၉၀ မှာ၊ တကမ္ဘာလုံးမှာ၊
ဦးရေ ၃၆၆၀၀၀ ရှိရာက၊ ၂၀၁၃ခုနှစ်မှာ ၃၂၃၀၀၀ အထိသေဆုံးနှုန်း ကျဆင်းလာပါတယ်။
ဘယ်လို ကာကွယ်ကြမလဲတချို့ မွေးရာပါ နှလုံးရောဂါတွေက၊ ကာကွယ်လို့ ရနိုင်ပါတယ်။
မိခင်လောင်းတွေကို၊ ဂျိုက်သိုးရောဂါ ကာကွယ်ဆေး( Rubella vaccine) အကြိမ်ရေပြည့်အောင်ထိုး ပေးရင်၊ ဂျိုက်သိုးရောဂါ ကိုယ်ဝန်ဆောင်ချိန်မှာ၊ မဖြစ်စေတော့ဘူး။

အိုင်အိုဒင်းမချို့တဲ့အောင်၊ အိုင်အိုဒင်း ဖြည့်စွက် ဆားကို၊ မိခင်လောင်းတွေ စားသုံးသင့်တယ်။ကိုယ်ဝန်စတင်ရှိကတည်းက၊ ဖောလစ်အက်စစ်ကို၊ ဆရာဝန်ညွှန်ကြားတဲ့အတိုင်း၊ စတင်သောက်ရမယ်။
ဖောလိတ်ကြွယ်ဝတဲ့၊ ဖရဲသီးလိုအသီးအနှံတွေ ၊ အစိမ်းရောင်ရှိ အသီးအရွက်တွေ ဥပမာ ဟင်းနုနွယ်
ကိုက်လန် ဘရိုကိုလီ စတာတွေ လုံလောက်အောင်၊ စားသုံးသင့်တယ်။ ကိုယ်ဝန်စယူကာစ ကာလ ကနေ
ကိုယ် ဝန်မွေးဖွားပြီးတဲ့အထိ၊ အစာအာဟာရပြည့်ဝတာတွေ၊ အသား, အသီးအရွက် ပဲ, ဥမျိုးစုံ အသီးအနှံအမျိုးမျိုးကို နေ့စဉ်ပါအောင်ရွေးချယ်စားသုံးသင့်တယ်။ ကိုယ်အလေးချိန် အရမ်းကြီးမတက်အောင်၊အဝမလွန်အောင်၊ အထူးဂရုစိုက်တားဆီးသင့်တယ်။
မိခင်လောင်းဘဝတလျှောက်လုံး၊ အရက်နဲ့ အရက်ပါတဲ့ ဖျော်ရည်အားလုံးနဲ့၊ ဆေးလိပ်တွေကို
လည်း၊ ဖြတ်သင့်တယ်။ ဆေးလိပ်ကို တဆင့်ခံ မရှူရှိုက်မိအောင်၊ အိမ်ရှိ မိသားစုဝင်တွေ ကိုယ်တိုင်လည်း
အိမ်မှာ ဆေးလိပ် မသောက်သင့်ဘူး။ ကိုယ်ဝန်ဆောင်ကာလအတွင်း ကိုယ်ဝန်ဆောင်စောင့်ရှောက်မှု
ကို ဆေးရုံ ဆေးခန်းတွေမှာ၊ သေချာအပ်ပြီး အချိန်မှန် သွားရောက်ပြသကာ၊ စစ်ဆေးမှုခံယူသင့်တယ်။
ကုသခြင်းတချို့ ဒုက္ခမပေးတဲ့၊ ရောဂါ လက္ခဏာလည်းမပြတဲ့၊ မွေးရာပါ နှလုံးချွတ်ယွင်းချက် အသေးစား
လေးတွေက၊ ကုသဘို့တောင် မလိုတတ်ပါဘူး။ ဒုက္ခပေးတဲ့ နှလုံးရောဂါအမျိုးအစားတွေကိုတော့၊
ကင်မရာနဲ့ ချိတ်ထားတဲ့တီဗီဓါတ်မှန်မြင်ကွင်းအောက်မှာ၊ နှလုံးအတွင်းထဲထိ၊ ပိုက်ထည့်ပြီး၊ နှလုံ့းအပေါက်ပို ပိတ်တာ၊ ဖာထေးတာနဲ့၊ လိုအပ်ရင် ခွဲစိတ်ပြုပြင်တာတွေ အထိ၊ ပြုလုပ်ပေးနိုင်တယ်။
တချို့ကျတော့လည်း၊ နှလုံးခွဲစိတ် ပြုပြင်မှုကို၊ တစ်ကြိမ်မက၊ ထပ်ခါ ထပ်ခါ ပြုလုပ်ရတာတွေ လည်းရှိပါတယ်။ သိပ်ဆိုးလွန်းပြီး၊ ရှုတ်ထွေးလွန်းတဲ့ မွေးရာပါ နှလုံးရောဂါရှင်တွေအတွက်ကတော့၊ နှလုံးအစား ထိုးကုသမှု လိုအပ်ကောင်း၊ လိုအပ်နိုင်ပါတယ်။
အများစုကတော့၊ လိုအပ်တဲ့၊ ကုသမှု အားလုံးပြီးရင်၊ ပိုမိုကောင်းမွန်တဲ့၊ ကျန်းမာရေး ရသွားကြတာများ ပါတယ်။ မွေးရာပါ နှလုံးရောဂါ ရှိမရှိ စောစီးစွာ စစ်ဆေးပြီး၊ကုသမှု အစောကြီး ခံယူတာကလည်း ၊
ရလဒ်ကောင်းကို ၊ အမြန်ရရှိစေပါတယ်။ နောက်ဆက်တွဲ ရောဂါတွေ မဝင်သေးခင်၊ ကုသလိုက်တာကအကောင်းဆုံးပါပဲ။
နောက်တစ်လမှာတော့၊ အဖြစ်များတဲ့ မွေးရာပါနှလုံးရောဂါ အမျိုးအစားတွေက်ို၊တစ်ခုခြင်းအကြောင်း ဖော်ပြပေးပါမယ်။
အချုပ်အားဖြင့်ပြောရရင်၊ မွေးကတည်းက ချူချာတယ်။ အဖျားအနာ ထူပြောတယ်။ ကြီးထွား
မှုကလည်း၊ နောက်ကျတယ်။ နှုတ်ခမ်းနဲ့ ခြေဖျားလက်ဖျားကလည်း ပြာပြာ လာတတ်တယ်။
ကလေးသဘာဝ ခုန်ပေါက်ပြေးလွှား မဆော့နိုင် မကစားနိုင်ဘူး။ ဘာလေး လှုပ်ရှားလှုပ်ရှား မောပန်း လွယ်တယ် ။ ချောင်းဆိုးရင်ကြပ်လည်းဖြစ်လွယ်လာတယ်၊၊ အဲဒီအချက်လေးတွေ တွေ့လာရရင် မိမိ
ကလေးမှာ၊ မွေးရာပါ နှလုံးရောဂါတစ်ခုခု ရှိနေလေမလား၊ သံသယစိတ်နဲ့ ဆေးရုံဆေးခန်း အမြန်ပြသစစ်ဆေးသင့်ပါကြောင်း၊ နိုးဆော် တိုက်တွန်းလိုက်ပါတယ်။

ဒေါက်တာ မြမြချယ် (ကလေးအထူးကုဆရာဝန်ကြီး)
Health Guide
https://www.facebook.com/mmhealthguide/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ