ဆရာရှင့် သမီးကကိုယ်ဝန် ၃၅ ပတ်ထဲမှာပါ။ ကိုယ်ဝန် ၃၀ ပတ်လောက်မှာ နှုတ်ခမ်းမှာအပူနာလိုလေးထွက်ပါတယ်။ ညှစ်တော့လဲဘာမှမထွက်ဘဲ သွေးဘဲထွက်တယ်။ ခုထိမပျောက်သေးလို့ဆရာ။ ဘာလုပ်သင့်လဲဖြေပေးပါဦး။ ကလေးကလဲ မွေးတော့မှာဆိုတော့။
ပါးစပ်နာတွေထဲမှာ လူတွေအများဆုံးဖြစ်ကြတာကို အရပ်ခေါ် အပူကန်နာလို့ ပြောကြတယ်။ အင်္ဂလိပ်လိုကပြောင်းပြန် Cold sores လို့ခေါ်တယ်။ Aphthous ulcer လို့ ဆေးစာနဲ့ခေါ်တယ်။ ပါးစပ်ထဲ ဘယ်နေရာမဆို ဖြစ်နိုင်တယ်။ အောက်နှုတ်ခမ်းမှာ အဖြစ်များတယ်။ လျှာအောက်လဲဖြစ်၊ ပါးစောင်လည်း မလွတ်ဘူး။ တခုမကဖြစ်နိုင်။ ဖြစ်ပြီး ပျောက်၊ ပျောက်ပြီး ပြန်ဖြစ်သေးတယ်။
ဘာလို့ဖြစ်သလဲ။ ဗီတာမင်ချို့ယွင်းလို့ မဟုတ်ပါ။ ရောဂါပိုးဝင်လို့ မဟုတ်ပါ။ ကူစက်တာလည်း မဟုတ်ပါ။ ထမင်းစားချိန် မမှန်သူ၊ ဝမ်းသွားမမှန်သူ၊ အလုပ်များသူ၊ စိတ်ရှုတ်သူတွေမှာ ဖြစ်တယ်။ အားနည်းနေချိန်မျိုးမှာ လာဖြစ်တတ်တယ်။ အပူများတာ ကော်ဖီ၊ လက်ဘက်ရည်သောက်မိသူတွေမှာလဲ ဖြစ်လေ့ရှိတယ်။ အရက်-ဆေးလိပ်လဲ စာရင်းထဲမှာပါတယ်။ အစပ်များတာ စားမိသူကိုလည်း ထည့်ရေးကြပေမဲ့ တကယ်အစပ်စားသူတွေမှာ ပိုဖြစ်တာ မတွေ့ဘူးပါ။ ပိုးသေဆေးတွေ သောက်ရသူတွေမှာလည်းဖြစ်တယ်။
အနာပုံစံက တခါတွေ့ဘူး၊ မှတ်ထားဘူးရင် မလွဲနိုင်ဘူး။ ခပ်ဝိုင်းဝိုင်းနေမယ်။ တလက္မရဲ့ ၁ဝ ပုံ ၁ ပုံကနေ ၅ ပုံလောက် အထိ ကြီးတယ်။ အလည်ပိုင်းက ခပ်ဝါဖြူဖြူနဲ့ ခွက်နေပြီး၊ ဘေးနုတ်ခမ်းက နီရဲနေမယ်။ ဖြစ်ရင် အတော်နာတယ်။ ပူစပ်နေမယ်။ ရေသောက်တာတောင်မှ မခံချင်ဘူး။ ထမင်းစားရင် သိပ်ဒုက္ခရောက်တယ်။
• ထုံဆေးလိမ်းဆေးကို သုတ်လိမ်းလိုက်ရင် ခဏလောက်မနာတော့ဘဲ ထမင်းစားနိုင်လိမ့်မယ်။ ထုံဆေးပျယ်ရင် ပြန်နာမယ်။ Lidocaine, Xylocaine, Xylocaine Viscous (Lidocaine viscous) ဆေးနာမည်တွေအမျိုးမျိုးရှိတယ်။ အပျော့အပြင်းမတူဘူး။
• မပျောက်နိုင်သူတွေကို Corticosteroids ပါတဲ့လိမ်းဆေး ပေးနိုင်တယ်။ ဆေးနာမည်တွေအမျိုးမျိုးရှိတယ်။ အပျော့အပြင်းမတူဘူး။
• Paracetamol တို့ Ibuprofen တို့လို အနာသက်သာဆေး အစာနဲ့ တနေ့ ၂-၃-၄ ကြိမ်သောက်နိုင်တယ်။
• Gentian violet paint ခရမ်းရောင်ဆေးလိမ်းရင် ပိုးဝင်တာ ကာကွယ်နိုင်တယ်။ အခု မသုံးခိုင်းတော့ဘူး။
• ရေများများသောက်ပါ။
• ဆားရည်နွေးနဲ့ တနေ့ ၂ ကြိမ်၊ ပါးစပ်ဆေးပါ။
• ဗီတာမင် ဘီအုပ်စုနဲ့ ဗီတာမင်စီ ၅ဝဝ အား သောက်ပါ။
• စိတ်ဖိအား များနေရင် လျှော့ချပါ။
ကုဘို့ဆိုတာမှာ ဖြစ်စေတာကိုပြင်ရမှာ အဓိကဖြစ်တယ်။ ပြန်ဖြစ်နိုင်တယ်။ ဒီစာအောက်မှာ ကိုယ်ပိုင်နည်းတွေ ရေးလာကြရင် ဖျက်ပါမယ်။ ဆောရီး။
Herpes Simplex ရိုးရိုး ရေယုံ http://doctortintswe.blogspot.com/2015/…/herpes-simplex.html
Dr. တင့်ဆွေ
https://www.facebook.com/drtintswe
