တစ်ရက်လျှင် သစ်ကြားသီး ၁၄ လုံးခန့်စားပေးခြင်းဖြင့် ဆီးကျိတ်ကင်ဆာ၊ ရင်သားကင်ဆာနှင့် နှလုံးရောဂါ ဖြစ်ပွားမှုမှ ကင်းဝေးနိုင်ကြောင်း သုတေသနပြုချက် တစ်ရပ်အရ သိရသည်။ စမ်းသပ်မှုကို ကြွက်များတွင် ပြုလုပ်ခဲ့သော်လည်း သက်ရှိလူသားများအတွက်လည်း ဆက်စပ်မှုရှိမည်ကို ယုံကြည်ရကြောင်း ဖော်ပြထားသည်။
အဆုတ်ကင်ဆာ ရောဂါပြီးလျှင် ဆီးကျိတ်ကင်ဆာ ရောဂါသည် ဒုတိယ လူအသေ အပျောက်များသော ရောဂါဖြစ်ပြီး တစ်နှစ်လျှင် ဗြိတိန်တွင် လူတစ်သောင်းခန့် သေကျေပျက်စီးနေကာ သုံးသောင်းခွဲခန့်မျှ ရောဂါစွဲကပ်မှုရှိနေကြောင်း သိရသည်။
ဆီးကျိတ်ကင်ဆာ ရောဂါဖြစ်ရခြင်းဇာစ်မြစ်ကို ရှင်းရှင်းလင်းလင်းမသိရသော်လည်း အဆီအဆိမ့်များသော အစားအစာ စားသုံးခြင်းနှင့် ဆက်နွှယ်မှုရှိနေကြောင်း သိထားပြီး ဖြစ်သည်။
ဆီးကျိတ်ရောဂါ ရှိနေသောကြွက်များအား ၎င်းတို့၏ အစားအစာအတွင်း သစ်ကြားသီးကိုရောကျွေးရာ ထိုကြွက်များတွင် ကင်ဆာဖြစ်စေနိုင်သော ကျူမာများ ဖြစ်ထွန်းမှု နှေးကွေးလာသည်ကို တွေ့ရှိကြရကြောင်း သိရသည်။
Mg Mandalay
https://www.facebook.com/mg.mandalay
