၁။ Khin Myint Oo ဆရာ pancreas က မုန့်ချိုအိပ်ခေါ်တယ် spleen ကမှ သရက်ရွက်
၂။ Fernando Torres သရက်ရွက်ကိုရေးရင် ကျနော်တို့ကတော့ spleen ကိုပြောတယ်။ နားလည်ပါတယ်။ Pancreas ကိုမုန်ချိုအိတ်လို့ခေါ်တာလည်းမှတ်သားဖူးပါတယ်။ မှားရင်ပြင်ပါ့မယ်။
ဟုတ့့် အင်္ဂလိပ်-မြန်မာအဘိဓါန်မှာ Pancreas = ပန်ကရိယ၊ မုန့်ချိုအိတ် နဲ့ Spleen = သရက်ရွက်လို့ ပြန်ထားတယ်။
ကျွန်တော့်အမြင်ကတော့ Spleen (စပလင်း) ဆိုရင် ဘေလုံးလို့ခေါ်မှသာ မှန်တယ်။ ငှက်ဖျားဖြစ်ပြီး ဘေလုံးကြီးတာကို အရပ်စကား နားယဉ်နေကြတယ်ထင်ပါတယ်။ Pancreas (ပင်းခရိယပ်စ်) ကိုသာ သရက်ရွက်လို့ခေါ်သင့်တယ်ထင်တယ် ။ (စပလင်း) ကဘေးမှာ ရှိလို့ ဘေးလုံးခေါ် ရမလားတော့ မပြောတတ်ပါ ။ သရက်ရွက်ကို မုန့်ချိုအိတ်လို့ ခေါ်တာက နီးစပ်တယ်။ သူကနေ (အင်စူလင်) ခေါ် ဆီးချိုထိန်းဟော်မုန်း ထုတ်ပေးနေတယ်။ ရှည်မြောမြော အဖျားရှူးသွားတယ်။ ပုံပန်းက သရက်ရွက်နဲ့ တကယ်ကိုတူတယ်။ (စပလင်း) ကို သရက်ရွက်ခေါ်တာ မှားတယ်လို့ ထင်ပါတယ်။ တချို့ခန္ဓာဗေဒမှာ ရှူးဖိနပ်နဲ့တူတယ်လို့ ရေးတယ်။ တချို့ခန္ဓာဗေဒက ဘဲဥပုံလို့ရေးတယ်။ သစ်ရွက်နဲ့ တူတယ်လို့ မတွေ့ဖူးသေးပါ။ (စပလင်း) ကို ၁ x ၃ x ၅ x ၇ x ၉ x ၁၁ လို့မှတ်ရတယ်။ အလျား-အနံ-ထု = ၁” x ၃” x ၅” ရှိပြီး၊ ၇ အောင်စလေးတယ်။ ဘယ်ဖက်နံရိုးနံပတ် ၉ နဲ့ ၁၁ ကြားမှာတည်ရှိတယ်။
ဆေးပညာစာတွေကို မြန်မာလိုဘာသာပြန်ကြတာ တယောက်တမျိုးလိုဖြစ်နေသေးတယ်။
ဟိုရှေးကတည်းက မြန်မာလို ရေးခဲ့ကြတာတွေရှိတယ်။ တချို့ဟာတွေက လွဲနေတယ် ။ နောက် ဆရာဝန်တွေ ဆေးပညာအသိနဲ့ ဘာသာပြန်ကြတယ်။ သတ်မှတ်ထားပြီး ဘာသာပြန်မရှိသေးပါ။ ကျွန်တော်တို့ ဆယ်တန်းတက်တဲ့ ၁၉၆၄ မှာ မဆလ အစိုးရကနေ ကျောင်းသင် ဘာသာရပ်တွေ ကို မြန်မာလိုသင်စေတယ် ။ အင်္ဂလိပ်လို သင်လက်စ ကျွန်တော်တို့ စကောစကဖြစ်ကုန်ကြတယ်။ မိခင်ဘာသာ စကားနဲ့သင်ကြားရတာ ကောင်းတာလည်းရှိတယ်။ မသင့်တာလည်းရှိတယ်။ ဘာသာပြန်ပြီး သား သင်ရိုးနဲ့ အကိုးအကားစာအုပ်တွေ မရှိသေးဘဲ၊ မပြည့်စုံသေးဘဲ ပြောင်းသင်ခိုင်းတာ မကောင်းဘူးလို့ယူဆပါတယ် ။
အဲတော့ နားလည်မှု ထွေပြားစေတယ်။ ဆေးသိပ္ပံမှာ စာလုံးတလုံးလွဲတာနဲ့ မတူတော့ပါ။ စာလုံးတလုံးတောင်မှ ကက်ပီတယ်လ် လက်တားခေါ် စာလုံးကြီးနဲ့ စာလုံးသေးမတူရင် မတူတာလည်းရှိသေးတာ။
ကျွန်တော် ဆေးကျောင်းသားဘဝ မုံရွာနဲ့ မန္တလေးကို မီးရထားနဲ့ အိမ်ပြန်-ကျောင်းသွားလုပ်ပါတယ်။ တခေါက်မှာ ဂျပန် လူငယ်တယောက်လည်း ခရီးသည်တွေထဲမှာပါတယ်။ စကားပြောကြတယ် ။ မေးကြည့် တယ် ။ သူတို့ဆီမှာ ဘာသာရပ်တိုင်းကို ဂျပန်လိုသင်သတဲ့။ စာအုပ်မှန်သမျှလည်း ဂျပန်လိုထုတ်ထားသတဲ့။ အံ့သြမိတယ်။ အားကျမိတယ်။
ကျွန်တော် ကိုယ့်ဖာသာ ဆေးစာလုံးတွေအကုန်နီးပါး ဘာသာပြန်ထားတယ် ။ Medical abbreviations ဆေးပညာသုံး အတိုကောက်စာလုံးများ (အင်္ဂလိပ် - မြန်မာ) = ၁၉၆ လုံး၊ Medical vocabulary ဆေးစာ ဝေါဟာရများ (အင်္ဂလိပ် - မြန်မာ) = ၁ဝ၂၂ လုံးနဲ့ Medical vocabulary ဆေးစာ ဝေါဟာရများ (မြန်မာ - အင်္ဂလိပ်) = ၉၈၇ ရှိတယ်။ အဲတာတွေက စံကိုက်ဝေါဟာရတွေလို့တော့ ပြောမရပါ။ အဲတာတွေကိုရေးတုံးက ဖရင်း (၃) ယောက်ကနေ စီစဉ်တာတွေကို အီးမေးလ် ကတဆင့် ကူညီလုပ်ပေးကြတယ်။ သူတို့နာမည်တွေလည်းပါတဲ့ အီးမေးလ်က ယူအက်စ်ရောက်တော့ သုံးလို့မရတော့လို့ စိတ်မကောင်း ဖြစ်ရတယ်။ သူတို့ကို ကျေးဇူးတင်ပါတယ်။
- Medical vocabulary ဆေးစာ ဝေါဟာရများ http://doctortintswe.blogspot.com/…/11/medical-vocabulary.h…
- Medical abbreviations ဆေးပညာသုံး အတိုကောက်စာလုံးများ http://doctortintswe.blogspot.com/…/medical-abbreviations.h…
- ဆေးစာ ဝေါဟာရများ Medical vocabulary http://doctortintswe.blogspot.com/…/12/medical-vocabulary.h…
ဒေါက်တာတင့်ဆွေ
https://www.facebook.com/drtintswe
