၁။ ကလေးက ၄ နှစ် ၉ လပါ။ Typhoid သွေးအဖြေအရ ဆေးထိုးနေရလို့ပါဆရာ။ Typhoid ရောဂါအကြောင်း သိချင်ပါတယ်ဆရာ ။ ဆေးထိုး ဆေးသောက်လို့ အရှင်းပျောက်ကင်း သွားပါသလား ဆရာ ။
၂။ Typhoid ကသောက်ဆေးနဲ့ကောပျောက်နိုင်လာဆရာ။ နောက် ကျနော့အမေက (glucose) အကြောဆေး သွင်းမရလိုပါ။ ဆန်ပြုတ်၊ ကြက်ပြုတ်ပဲ အရည် ပဲနေ့တိုင်သောက်နေရတော့ အားနည်းလားတာ typhoid ဖြစ်ချိန် သောက်လို့ရနိုင်မဲ့အားဆေးရှိပါသလားဆရာ။ အားကိုးလျက်။
၃။ ဆရာရှင့် အခု ကျွန်မတို့့ မှာ အူရောင်ငန်းဖျားရောဂါ ခေါ် တိုက်ဖွိုက်ဖြစ်နေတယ်ကြားလို့ပါရှင်။ ဘယ်လို ကာကွယ်သင့်လဲဆရာရှင့် ။ ရောဂါလက္ခဏာ လေးတွေ နဲ့ ဖြစ်တဲ့လူတွေ စောင့်ရှောက်သင့်ပါ သလဲရှင် ။ ကလေးနဲ့ လူကြီးမှာဖြစ်တဲ့ရောဂါလက္ခဏာတွေရော တူပါသလား ။ မိသားစုအတွက် စိတ်ပူလို့ပါရှင် ။ ရိုသေလေးစားစွာနဲ့ စာရေးလိုက်ပါတယ်ရှင့် ။
Typhoid တိုက်ဖွိုက်ရောဂါကို အူရောင်ငန်းဖျားရောဂါလို့လည်းခေါ်တယ် ။ Enteric fever (အင်းတရစ်ဖီးဘာ) လို့လည်း ခေါ်တယ် ။ Salmonella enterica serovar Typhi ဗက်တီးရီးယားကြောင့်ဖြစ်တယ် ။ အရေးကြီးတဲ့ကူးစက်ရောဂါတခု ဖြစ်တယ် ။ ပိုးပါနေတဲ့ အစားအစာနဲ့ ရေကတဆင့် ကူးစက်မယ် ။ စအိုကထွက်ပြီး ပါးစပ်ကနေဝင်တယ် ။ ပါးစပ်ကနေ ဝင်တာတွေကို ဆင်ခြင်နိုင်ရင် ရောဂါမကူးပါ။ ရေ + အစားအသောက် ။ ရေကိုသန့်တာသောက်ပါ ။ ရေသန့်ပုလင်း + ရေနွေးသောက်ပါ ။ အစားအသောက် ပူနေတာကိုချက်ချင်းစားပါ ။ ယင် ၊ ပိုးဟပ်သတိထားပါ ။ လက်ဆေးပါ ။ ခဏခဏဆေးပါ ။
Mary Mallon (မေရီ မယ်လုံ) ဆိုသူ အမေရိကန်အမျိုးသမီးဟာ ၁၉ဝဝ-၁၉ဝ၇ ခုနှစ်အတွင်းမှာ တိုက်ဖွိုက်ပိုးတွေ သယ်ဆောင်ထားပြီး၊ (၅၁) ယောက်ကိုကူးစက်စေခဲ့ပြီး (၃) ယောက်သေဆုံးစေခဲ့သည် ။ Typhoid Mary လို့ ခေါ်ကြတော့တယ် ။ နယူးယောက်မြို့ စားသောက်ဆိုင်တခုမှာအလုပ်နေရင်း အဲလိုဖြစ်ခဲ့တာပါ ။ ဒီရောဂါဟာ စနစ်တကျ မကုသရင် သေဆုံးတဲ့အထိ ဖြစ်စေနိုင်တယ် ။ တချို့က သူကိုယ်တိုင်ရောဂါဖြစ်နေတာကို မခံစားကြရပေမဲ့ သူများကိုကူးစက်စေတယ် ။ တနှစ်မှာ တကမ္ဘာလုံး လူပေါင်း ၂၁ သန်းရောဂါဖြစ်ကြရပြီး လူ ၂ သိန်းလောက် သေဆုံးနေကြတယ် ။
ရောဂါ လက္ခဏာများ
ပထမပါတ် = အဖျားတက်ခြင်း ၊ ချွေးထွက်ခြင်း ၊ ဝမ်းပျက်ခြင်း ၊ အနီပြင်ထွက်ခြင်း ၊ အပူချိန်နှင့် စာလျှင် နှလုံးခုန်နှေးခြင်း ၊ နှာခေါင်းသွေးယိုခြင်း ၊ သွေးဖြူဥနည်းခြင်း၊ Widal test အနှုတ်ဖြစ်မည် ။
ဒုတိယပါတ် = အဖျားတက်ခြင်း ၊ အပူချိန်နှင့်စာလျှင် နှလုံးခုန်နှေးခြင်း ၊ အနီပြင်ထွက်ခြင်း ၊ အားယုတ်ခြင်း ၊ စိတ်မကြည်လင်ခြင်း ၊ စိတ်တိုခြင်း ၊ အဆုပ်မှ အိပ်နေစဉ် ဟောက်သံကဲ့သို့သော အသံကြားရခြင်း ၊ ကြီးသည့် လေပြွန်များ ပိတ်နေသည့်အခါ လေတိုးဝင်သည့်အသံ၊ ဗိုက်တင်း၍ ညာဘက်အောက်ပိုင်း နာခြင်း ၊ ဝမ်းပျက်ခြင်း ၊ ဝမ်းအရောင်စိမ်း၍ ပို၍နံသည် ။ ဝမ်းချုပ်တတ်သည် ။ Widal test အပေါင်းဖြစ်မည် ။
တတိယပါတ် = ဂယောင်ဂတမ်းဖြစ်ခြင်း၊ ရေ-ဆား ခြောက်ခန်းခြင်း၊ နောက်ဆက်တွဲလက္ခဏာများ ဖြစ်လာမည် ။ အူမှ သွေးယိုခြင်း ၊ အူပေါက်တတ်သည် ။ သွေးထဲပိုးရောက်မည်။ အူအမြှေးရောင်မည် ။ အခြားနေရာများ သို့ပြန့်မည် ။ ဦးနှောက်ရောင်ခြင်း ၊ သည်းခြေအိတ်ရောင်ခြင်း ၊ အရိုးရောင်ခြင်း ၊ နှလုံးရောင်ခြင်း ။
ရောဂါရှာဘို့ရာ Widal test သွေးအား (ဝီဒေါလ်- တက်စ်) လုပ်ရတယ် ။
ကုသရန်
ရေ + အရည် များများသောက်ပါ။ အစားအစာကို ကျန်းမာရေးနဲ့ညီတာကိုသာစားပါ ။ မများစေနဲ့ ။ ကယ်လိုရီများတာ စားသင့်တယ် ။ အရင်က Chloramphenicol ကိုသာသုံးခဲ့ရတယ် ။ အခု Ciprofloxacin (Cipro) စားဆေးနဲ့ Ceftriaxone (Rocephin) ထိုးဆေးကိုအများဆုံးသုံးတယ် ။ Ciprofloxacin (Cipro) ကို ကိုယ်ဝန်မရှိသူတွေကို ပေးတယ် ။ Trimethoprim-sulfamethoxazole (Septrin) နဲ့ Ampicillin ဆေးတွေကို ယဉ်လာတာတွေလည်း တွေ့လာရတယ် ။
ရောဂါကနေဆက်ဖြစ်နိုင်တာတွေရှိတယ် ။ အူပေါက်တာနဲ့ သွေးယိုတာဖြစ်နိုင်တယ် ။ တတိယပါတ်လောက် မှာဖြစ်တာ များတယ် ။ ဗိုက်အတင်းနာလာမယ် ။ ပျို့အန်မယ် ။ သွေးထဲထိပိုးရောက်လို့ပိုဖျားမယ် ။ အရေးပေါ်ကုသမှရမယ် ။ ခွဲစိတ်ရနိုင်တယ် ။ တချို့ကို သည်းခြေအိတ်ခွဲစိတ်ပေးရတယ် ။
Typhoid vaccine ကာကွယ်ဆေး ၂ မျိုး ရှိတယ်။
၁။ Inactivated Typhoid Vaccine (Ty21a) ထိုးဆေး နဲ့
၂။ Live attenuated vaccine (Ty21a) ပါးစပ်ကနေပေးတဲ့ ကာကွယ်ဆေးဖြစ်တယ်။ Vi capsular polysaccharide vaccine လို့လဲ ခေါ်တယ်။
Inactivated Typhoid Vaccine ထိုးဆေး၊ ၂ နှစ်အောက်ကလေးတွေကို ထိုးပေးတယ်။ တလုံးထဲ ရတယ်။ ရောဂါ ထူပြောရာဒေသကို မသွားခင် ၂ ပါတ်ကြိုထိုးရမယ်။ ၂ နှစ်တခါ ထပ်ထိုးသင့်တယ်။
Live Typhoid Vaccine သောက်ဆေး၊ ၆ နှစ်အောက်ကလေးတွေကို ပေးတယ်။ ၄ ခါထိုးရတယ်။ တခါနဲ့တခါ ၂ ရက်ခြားရတယ်။ ရောဂါထူပြောရာဒေသကို မသွားခင် ၁ ပါတ်ကြိုရမယ်။ ၅ နှစ်တခါ ထပ်ပေးသင့်တယ်။ ဆေးတိုက်ပြီး ၂၄ နာရီအတွင်း ပဋိဇီဝဆေး မပေးသင့်ပါ။
ကာကွယ်ဆေး ၂ မျိုးလုံးကို ၁ဝဝ% မကာကွယ်နိုင်ပါ။ တခြားကာကွယ်ဆေးတွေနဲ့ တပြိုင်ထဲထိုးပေးနိုင်တယ် ။ ဆေး မတည့်သူတွေကို နောက်ထပ် မထိုးရပါ ။ ခုခံအားစနစ်မကောင်းသူတွေကို သောက်ဆေးမပေးသင့်ပါ ။ HIV/AIDS ရှိသူတွေ ၊ (စတီရွိုက်) ဆေးပေးနေသူတွေ ။ ဆေးမတည့်တာဖြစ်နိုင်ပေမဲ့ ဒါဖြစ်လို့သေတဲ့အထိဖြစ်တာ မရှိသလောက်ပါ ။ ထိုးဆေးကြောင့် ၁% ကိုယ်ပူနိုင်တယ် ။ ၃% ခေါင်းကိုက်နိုင်တယ် ။ ထိုးတဲ့နေရာရောင်တာ ၇% ဖြစ်နိုင်တယ် ။ သောက်ဆေးကြောင့် ကိုယ်ပူ-ဖျားတာ ၅% ရှိနိုင်တယ် ။ ဗိုက်အောင့်တာ၊ ပျို့-အန်တာ နည်းနည်းဖြစ်နိုင်တယ် ။
ထိုးဆေးကို နီပေါမှာ ၅-၄၄ နှစ်ရှိသူတွေကိုထိုးပေးပြီး၊ စမ်းသပ်မှုလုပ်တော့ လပေါင်း၂ဝ အတွင်မှာ ၇၅% ကာကွယ်မှု ပေးတာ တွေ့ရတယ်။ တောင်အာဖရိကမှာ စမ်းတော့ ၅-၁၆ ကလေးတွေကို ထိုးပေးတာမှာ ၂၁ လအကြာ ၆၄% ကာကွယ်မှုပေးတယ်။ ၃ နှစ်အကြာ ၅၅% ကာကွယ်မှု ပေးတယ် ။ တရုပ်နိုင်ငံမှာ ၅-၁၉ နှစ်ကြား ကလေးပေါင်း ၆ သောင်းကို စမ်းသပ်တော့ ၁၉ လ အတွင်းမှာ ၆၉% ကာကွယ်မှု ပေးတယ် ။ ယေဘုယျ ၃ နှစ်အထိ ခံတယ်လို့ သတ်မှတ်တယ် ။
Dr. တင့်ဆွေ
https://www.facebook.com/drtintswe
