အရေပြားပေါ်တွင် ဖြစ်ပွားတတ်သော အဖြူအမည်း ၀တ်ဆံငယ်ကလေးများပါတဲ့ အဖုငယ်ကလေးများဖြစ်ပါတယ်။ အရေပြားတွင်း မှာ ရှိတဲ့အဆီအကျိတ်နဲ့ အမွေးအမှင်တို့ဖြစ်တတ်တဲ့ ရောဂါတစ်ခုပါပဲ။ ထိုမှတစ်ဆင့် ပြည်တည်ဖုများဖြစ်လာခြင်း၊ အဖုအမာအဆင့် ရောက်သွားပြီး အမာရွတ်များ ကျန်ရစ်တတ်ပါတယ်။ မျက်နှာ၊ ကျောနဲ့ ရင်ဘတ်ပေါ်တွင် အဖြစ်များပါတယ်။ အခြားသော အရေပြား ရောဂါများနဲ့ လွဲမှားတတ်ပါတယ်။
၂။ ၀က်ခြံရောဂါ ဖြစ်နိုင်ချေရှိသူတွေက ဘယ်သူတွေလဲ။
အပျို၊ လူပျိုပေါက်အရွယ် ၈၅% မှာတွေ့ရပြီး၊ အမျိုးသမီး ၁၂%နဲ့ အမျိုးသား ၃%မှာ အသက်လေးဆယ်ကျော်အထိ တွေ့ရတတ်ပါ တယ်။ မိဘတစ်ဦး (သို့)နှစ်ဦးစလုံး ၀က်ခြံပေါက်ပါက သားသမီးတွေလည်း ၀က်ခြံပေါက်တတ်ပါတယ်။ ညစ်ပတ်သော အရေပြားကြောင့် ၀က်ခြံပေါက်ခြင်း မဟုတ်ပါ။ ချောကလက်၊ ကိုကာ၊ ကြော်လှော်ထားသော အစားအစာများ၊ အပူအစပ်များက ၀က်ခြံပိုဆိုးစေတယ်လို့ ပြောကြပေမယ့်၊ သိပ္ပံနည်းကျ သက်သေပြထားတာတော့ မရှိသေးပါဘူး။ စိတ်ဖိစီးမှု၊ မောပန်းနွမ်းနယ်ခြင်း၊ နေရောင်ခြည်နှင့်အချို့သော အလှပြင်ပစ္စည်းများနဲ့ ဆံပင်အလှပြင်ပစ္စည်းများ၊ ဥပမာခေါင်းလျှော်ရည်၊ ပုံသွင်းဆေး စသည်တို့က ၀က်ခြံကို ပိုဆိုးစေပါတယ်။
၃။ ၀က်ခြံဘာကြောင့်ဖြစ်ရသလဲ။
(က) အဆီထုတ်လုပ်မှုများခြင်း - အပျို၊ လူပျိုဖော်ဝင်စချိန်တွင် Androgen ဟော်မုန်းအထွက်များပြီး အဆီအကျိတ်များမှ အဆီကို ပိုထုတ်စေသည့်အတွက် ၀က်ခြံဖြစ်ပွားရပါတယ်။
(ခ) အဆီအကျိတ် ထွက်ပေါက်၏ နံရံရှိကလာပ်စည်းများ - ပွားများပြီး အပေါက်ပိတ်သွား၍ ၀က်ခြံအဖုများအဖြစ် ထွက်ပေါ်လာ နိုင်ပါတယ်။
(ဂ) အဆီပေါက်များပိတ်သွားသောအခါ ဘက်တီးရီးယားပိုးများ ပိုမိုပေါက်ပွားလာပြီး၊ ဓါတုပစ္စည်းများ ထွက်လာသောကြောင့် ရောင်ရမ်းနေသော ၀က်ခြံဖုများဖြစ်ပေါ်လာပါတယ်။
(ဃ) မျိုးရိုးလိုက်ခြင်းကြောင့် ၀က်ခြံပေါက်ရပါတယ်။
၎။ ခေတ်မီကုထုံးဘာတွေရှိသလဲ။
လိမ်းဆေးများရှိပါတယ်။ ဥပမာ- ရက်တင်အေခရမ်၊ သောက်ဆေးများရှိပါတယ်။ ဥပမာ - ဒေါက်ဆီဆိုက်ကလင်း။ အမျိုးသမီးများ အတွက် အီစထရိုဂျင်များများပါတဲ့ (သို့) အန်ဒရိုဂျင်ဟော်မုန်းကို ဆန့်ကျင်တဲ့ဆေးများပါတဲ့ ဟော်မုန်းနှင့် ကုသခြင်းပြုလုပ်နိုင်ပါတယ်။ ဥပမာ - ဒိုင်အိမ်း -၃၅။ နောက်ဆုံးပေါ်ဆေးဝါးအနေနဲ့ကတော့ အက်နိုတင်လို့ခေါ်တဲ့ ဗီတာမင်အေပါတဲ့ဆေး။ လိမ်းဆေးအနေနဲ့ ဒစ်ဖာရင်ဂျယ်ဆိုတဲ့ဆေးဟာ အလွန်ကောင်းပါတယ်။ ဒါ့အပြင် အရေးပြားအဆီ ထုတ်လုပ်မှုကိုနည်းစေပြီး ဘက်တီးရီးယားပိုးကိုလည်း သေစေတဲ့ Laser Therapy ကိုလည်း သုံးနေကြပါပြီ။ LED- Photon Absorption Therapy (LED- PAT)လို့ခေါ်တဲ့ ရောင်ခြည်နှင့် ကုသတဲ့နည်းလည်းပေါ်ပေါက်နေပါပြီ။
၅။ အများပြည်သူအား မှာကြားချက်သော အကြံပေးချက်။
ဝက်ခြံပေါက်လာပြီဆိုရင် ကျွမ်းကျင်တဲ့ အရေပြားအထူးကု ဆရာဝန် တစ်ဦးဦးနှင့် ပြသပါ။ ၀က်ခြံဟာ အမာရွတ်ကျန်နေတတ်တယ် ဆိုတာ သတိချပ်ပါ။ ၀က်ခြံအမာရွတ်များဖြစ်လာလျှင် ကိုယ့်ကိုယ်ကို ယုံကြည်မှုနည်းပြီး၊ ကိုယ်ရည်ကိုယ်သွေးကျတာ လူတောထဲမတိုးဝံ့ ဖြစ်တတ်ကြပါတယ်။ ၀က်ခြံအမာရွတ်ဖြစ်သွားလျှင် ငွေကုန်ကြေးကျများတဲ့ ကုသနည်းတွေ သုံးရတတ်ပါတယ်။ ၀က်ခြံပေါက်ပြီးစဉ်တွင် နေရောင်ကာကွယ်ဖို့အတွက် Sun Protection Factor (SPF) ၁၅+ရှိတဲ့ နေရောင်ခံ လိမ်းဆေးတစ်မျိုးကို လိမ်းသင့်ပါတယ်။
Health Digest
Mg Mandalay
https://www.facebook.com/mg.mandalay
