ဆရာ မင်္ဂလာပါရှင့်။ သမီးတခုလောက် အကူအညီတောင်းချင်လို့ပါ ။ လောလောဆယ် သမီး ဝမ်းကိုက် တဲ့ဝေဒနာ ခံစားနေရပါတယ် ။ မနေ့ညနေကစပြီး ဝမ်းသွားတာပါ ။ ၄ ခါလောက် သွားပြီးတော့ ဆေးရုံမှာ သွားပြပါတယ် ။ လူက အားမရှိတော့လို့ အားဆေးလည်းသွင်းခဲ့ပါတယ်။ ဆေးတွေက Bioflor 250mg, Fomiled 5mg, Norbactin 400mg (အစာနဲ့ဝေးပြီးသောက်ရန်) နှင့် ဓါတ်ဆားထုတ်ပေးလိုက်ပါတယ်။ အခုဆေးသောက်တာ ၃ ကြိမ်ရှိပါပြီ ။ အရမ်းတော့ မသက်သာသေးပါဘူး ။ ဝမ်းသွားရင် ဗိုက်အောက်ပိုင်း နားအောင့်တောင့်တောင့်နဲ့ အတော်ခံရခက်ပါတယ် ။ ခန္ဓာကိုယ်ထဲကလည်း အနည်းငယ်ချမ်းပါတယ်။ အရင်က အစာအိမ်ရောင်ဖူးတုန်းကလည်း အဲ့လိုချမ်းဖူးပါတယ် ဆရာ။ တခုစိုးရိမ်နေမိလို့ပါ ။ ဝမ်းသွားတာမှာ အနီရောင်အချွဲအကျိတွေပါလာလို့ သွေးလို့ယူဆပြီး မနေ့ကပဲ ဆရာဝန်က ဝမ်းကိုစစ်ဖို့ ယူထားပါတယ်။ တခါမှလည်း ဝမ်းမကိုက်ဖူးတော့ သွေးပါတတ်သလားလည်း မသိလို့ပါ။ ဝမ်းစစ်တာတော့ ဝမ်းကိုက်စေတဲ့ ဘတ်တီးရီးယားမရှိဘူးတဲ့ဆရာ။ တခါတလေ ဝမ်းကိုက်ပိုးက ပါမလာတတ်လို့ ထပ်စစ်ဖို့တော့ ပြောပါတယ်။ သွေးပါတာတော့ ဟုတ်ပါတယ်တဲ့။
အသက်နဲ့ အချက်အလက်တွေ မပြောလိုသူရဲ့မေးခွန်းထဲက တစ် ၅ လုံးကို ပြင်လိုက်ပါတယ်။ ပီ ၄ လုံးမှာ ယရစ် ထည့်လိုက်တယ်။ အဆာအိမ်ကိုလည်း အစာအိမ်လို့ ပြောင်းပါတယ်။ ဆောရီး။ ပို့စ်မှာ သုံးချင်လို့ပါ။ ကိုယ့်စာမှာတော့ ရေးချင်သလို ရေးပေါ့။ ဖြစ်တဲ့သူက အမျိုးသမီးဆိုရင် ရာသီ-အိမ်ထောင်ရေး-ကိုယ်ဝန်-ကလေး သိဘို့လိုပါကြောင်း မေးနည်းစည်းကမ်းမှာ ထည့်ရေးထားပါတယ်။ မပြောလိုသူတွေလည်း ဘလော့မှာ ဖတ်လိုက ဖတ်နိုင်ကြပါတယ်။ ရောဂါတူပေမယ့် အခြေခံအချက်တွေ မတူရင် ဆေးပေးရတာ မတူပါ။
ဝမ်းကိုက်တာကို အင်္ဂလိပ်လို Bloody diarrhoea သွေးဝမ်းသွားတယ်လို့ အရေးများတယ်။ ဆေးစာနဲ့ဆို Dysentery ခေါ်တယ်။ WHO ကနေသတ်မှတ်ထားတာက ဝမ်းအရည်သွားပြီးသွေးပါတာတဲ့။ အမေရိကန် CDC ကတော့ ဝမ်းသွားတာထဲမှာ မြင်သာတဲ့သွေးပါနေတာကို သတ်မှတ်တယ်။
ကူးစက်ရောဂါဖြစ်တယ်။ စအိုကထွက်၊ ပါးစပ်ကဝင်လာတာဖြစ်တယ်။ (၁) အများဆုံးဖြစ်စေတဲ့ Shigella ဗက်တီးရီးယား ကြောင့်ဖြစ်တာကို Bacillary dysentery ခေါ်တယ်။ သူ့ဖါသူပျောက်နိုင်တယ်။ (၂) Amoeba Entamoeba histolytica ကြောင့်ဖြစ်တာကို Amoebic dysentery ခေါ်တယ်။ ဆိုးတယ် နောက်ဆက်တွဲရောဂါတွေ ဆက်ဖြစ်တတ်တယ်။ ဥပမာ အသည်းရောင် (အသားမဝါ)၊ ဦးနှောက်ရောင်။ တခြား E coli, Salmonella နဲ့ Campylobacter ပိုးတွေကနေလဲဖြစ်တယ်။ ဒါ့အပြင် သန်ကောင်တွေ၊ ဓါတုဆေးနဲ့ ဗိုင်းရပ်စ်တွေကနေလဲ ဖြစ်နိုင်သေးတယ်။ ဝမ်းကိုဓါတ်ခွဲခမ်းမှာစစ်မှ အတိအကျ သိရမယ်။
တချို့မှာ နည်းနည်းသာခံရပြီး တချို့ဆိုးတယ်။ ရက်တိုသူ၊ ရှည်သူရှိတယ်။ ခံစားနေရတာတွေ ၅ ရက်ကနေ ရက်ရှည် ကြာနေနိုင်တယ်။ ကြာနေသူတွေမှာ ရေ + ဓါတ်ဆားခမ်းခြောက်နိုင်တယ်။ ဗိုက်ကယ်မယ်။ လေတက်မယ်။ ဗိုက်နာမယ်၊ ပျို့အန်မယ်။ ဆီးနည်းလာမယ်။ အရေပြး၊ အာခေါင်ခြေက်လာမယ်။ ရေငတ်မယ်။ ကိုယ်ပူတာက ချမ်းနိုင်တယ်။ ကြွက်တက်နိုင်တယ်။ အားယုတ်နေမယ်။ ဝမ်းခဏခဏသွားမယ်၊ သွားရင်ဗိုက်ရစ်ပြီးနာမယ်။ ဝမ်းထဲသွေးပါမယ်၊ အကျိအချွဲပါမယ်။ အားယုတ်မယ်။
ဘယ်လိုကုမလဲ။ ရေများများသောက်ပါ၊ ဓါတ်ဆားရည်သောက်ပါ။ နားပါ။ တကိုယ်ရေ သန့်ရှင်းရေး ပိုလုပ်ပေးပါ။ ပါးစပ်ထဲဝင်တာ မှန်သမျှဂရုစိုက်ပါ။ ရေသန့်မယ်၊ အစားအစာသန့်မယ်ဆိုရင် မဖြစ်နိုင်တော့ပါ။ ပူအောင်လုပ်ထားတဲ့ အစာထဲ၊ ရေထဲမှာ ပိုးမပါနိုင်ပါ။
(၁) Bacterial dysentery ဗက်တီးရီးယား ဝမ်းကိုက်ရောဂါအတွက် -
• Ceftriaxone 250 mg ကနေ 2 grams အထိ၊ တနေ့ တကြိမ်ကနေ ၂ ကြိမ်ခွဲပေးတယ်။ ၇-၁၄ ရက်။ ကလေးတွေဆိုရင် 50-100 mg/kg တနေ့ တကြိမ်ကနေ ၂ ကြိမ်ခွဲပေးတယ်။ ၇-၁၄ ရက်။ (သို့)
• Ciprofloxacin 500 mg ကို ၁၂ နာရီတခါ၊ ၅-၇ ရက်။ (သို့)
• Trimethoprim-sulfamethoxazole (Bactrim, Septrin) လူကြီး တခါသောက် ၂ ပြား၊ တနေ့ ၂ ကြိမ်၊ ၅-၁ဝ-၁၄ ရက်။ ကလေး ၂ လအထက် 40 mg per kg of sulfamethoxazole and 8 mg per kg of body of trimethoprim ကို ၁၂ နာရီခြား၊ ၃-၅ ရက်။
(၂) Amebic dysentery (အမီးဘား) ဝမ်းကိုက်ရောဂါအတွက် -
• Metronidazole 750 mg တနေ့ ၃ ကြိမ်၊ ၅-၁ဝ ရက်။
ကာကွယ်ရေး အရေးကြီးတယ်။ ပါးစပ်ထဲဝင်တာမှန်သမျှ သတိထားပါ။ ရေ + အစားအသောက်။ ကူးစက်မှုဖြစ်နေချိန်မှာ အစားအသောက်နဲ့ ရေ သတိထားပါ။ ချက်ပြုကျော်လှော်သူနဲ့ ဆိုင်စာတွေကို သတိထားပါ။ ဘယ်အစာမဆို ပူနွေးနေချိန်မှာ ကူးစက်ပိုးရှိနေလည်း သေကုန်မယ်။ အေးသွာရင် ယင်ကောင် စတာတွေကတဆင့် ပိုးပြန်ဝင်လာနိုင်တယ်။ အစားအသောက်တွေ ထားသိုတာ ဂရုစိုက်ပါ။ လက်ကို မကြာမကြာဆေးပါ။ ကာကွယ်ရေး ပေါ့ဆရင် ပြန်ဖြစ်တတ်တယ်။
Blood in Stool စအိုက သွေးယိုခြင်း http://doctortintswe.blogspot.com/2016/12/blood-in-stool.html
Bloody or tarry stools ဝမ်းအမည်းရောင်သွားခြင်း http://doctortintswe.blogspot.com/2016/12/bloody-or-tarry-stools.html
ဒေါက်တာတင့်ဆွေ
https://www.facebook.com/drtintswe
