ရိုသေစွာဖြင့်မေးမြန်းပါသည်ဆရာရှင့်။ ရင်သားကင်ဆာရဲ့လက္ခဏာတွေက ဘယ်လိုမျိုးစသိနိုင်ပါသလဲ။ ကျွန်မသည် ကလေး ၂ ယောက်မိခင် အသက် ၃၄ နှစ်ပါ။ ကလေးတွေကိုမွေးပြီး ၃ လကျော် အထိ ဘဲနို့တိုက်ဖူးပါတယ် ။ ၃ လခံ ထိုးဆေး ထိုးဖူးပါတယ်။ ကျွန်မ၏ရင်သား ၂ ဖက်က အရွယ်မတူတာကို သတိထားမိလို့ပါ ။ ဘယ်ဘက်ရင်သားက နဲနဲ ပိုငယ်နေပါတယ်။ အကျိတ်အဖုတော့ မတွေ့မိပေမယ့် ရင်သားကင်ဆာမျိုးရိုးလဲမရှိပေမယ့် ကင်ဆာဖြစ်မှာစိုးရိမ်လို့ပါ ။ ဘယ်လိုမျိုးများ စမ်းသပ်မှုတွေ လုပ်သင့်ပါသလဲရှင် ။ ကျေးဇူးတင်ပါတယ် ။
ရင်သားအရွယ်မတူတာ လူတိုင်းလိုလိုမှာရှိတယ်။ စိုးရိမ်စရာမရှိပါ။ ရင်သားကင်ဆာဟာ အမျိုးသမီးတွေမှာ ဖြစ်တဲ့ ကင်ဆာမျိုးစုံရဲ့ ၁ဝ့၎% ရှိတယ်။ ၂ဝဝ၄ ခုနှစ်က တကမ္ဘာလုံးမှာ ၅၁၉ဝဝဝ ယောက် ဒီရောဂါနဲ့ သေဆုံးခဲ့ရတယ်။ သေဆုံးသူ စုစုပေါင်းရဲ့ ၁% ဖြစ်တယ်။ ကင်ဆာကြောင့် သေဆုံးသူထဲကဆိုရင် ၇% ဖြစ်တယ်။ ယောက်ျားတွေမှာလည်း ဖြစ်တတ်ပေမဲ့ အမျိုးသမီးတွေမှာက အဆ ၁ဝဝ ပိုတယ်။
ရင်သားအား မိမိဖါသာ စမ်းသပ်နည်း
• ဘယ်ဘက်ရင်သား စမ်းသပ်ရန် ညာဘက်လက်ကိုသုံးပါ။ ညာဘက်ရင်သား စမ်းသပ်ရန် ဘယ်လက်ကိုသုံးပါ။ ဖိအား ခပ်တင်းတင်းသုံး၍ စမ်းပါ။ ဘာ Lotion လိမ်းစရာမှ မသုံးပါနဲ့။
• ရင်သားတပြင်လုံးကို -
(၁) နာရီလက်တံ သွားသလို စက်ဝိုင်းလည်၊
(၂) နာရီလက်တံ ပြောင်းပြန်သွားသလို စက်ဝိုင်းလည်၊
(၃) အထက်မှ အောက်၊
(၄) အောက်မှ အထက်၊ စမ်းပါ။ ဘီး စပုတ်တံများလိုလည်း စမ်းနိုင်တယ်။ နေရာအနှံ့ ထိမိစေဘို့သာ အရေးကြီးတယ်။
• မှန်ရှေ့မှာ မျက်နှာချင်းဆိုင် ရပ်ပါ။ ရင်သား တဖက်စီအား သပ်သပ်စီ ကြည့်ပါ။ အရွယ်အစား၊ ပုံပန်း၊ အရောင်၊ နို့သီး၏ အနေအား (ခွက်ဝင်နေသလား၊ အရောင်မတူဘူးလား၊) နှင့် အရွယ်အစား၊ တဖက်နှင့်တဖက် ညီသလား။ နို့သီးမှ အရည် (နို့၊ အကြည်ရည်၊ သွေး၊ ပြည်) ထွက်သလား ညှစ်ကြည့်ပါ။ အပေါ်ယံအရေပြား၏ နူးညံ့မှု ပြောင်းသွားသလား။
• လက်တဖက်ကို ခေါင်းပေါ်မြှောက်ပါ။ ဘယ်-ညာ ဖြေးဖြေးလှည့်ပါ။ ရင်းသားကို ကြည့်ပါ။ အထဲမှာ အလုံး-အကျိတ် ရှိနေလို့ တနေရာမှာ ဖေါင်းနေသလား၊ ခွက်ဝင်နေသလား။
• ရှေ့ကို နည်းနည်းကုန်းပါ။ ထူးခြားတာ ဘာမြင်ရသလဲ။
• လှဲအိပ်လိုက်ပါ။ ရင်သားကို လက်ဝါးသုံးပြီး တဖက်ချင်း စမ်းပါ။
• ဂျိုင်း၊ ရင်သားဘေးနား နေရာများမှာ အလုံး၊ အကျိတ်၊ အနာ ရှိသလား။
သတိထားရမည့် တွေ့ရှိချက်များ
• ရင်သားမှာ အလုံး-အကျိတ်ရှိတိုင်း မစိုးရိမ်ပါနဲ့၊ တခုခုတွေ့သူတွေထဲက ၁ဝ ယောက် ၁ ယောက်မှာသာ ကင်ဆာ ဖြစ်တာပါ။
• အလုံး-အကျိတ်တွေ့ရင်၊ နေရာ၊ အရွယ်အစား၊ ပုံ သဏ္ဌာန်၊ အပြော့-အမာ (ပြော့-တင်း-မာ-အလွန်မာ)၊ ရွေ့ ရ-မရ၊ နာ-မနာ၊ တို့ကိုပါ စမ်းပါ။
• အလုံး-အကျိတ်ဟာ ကင်ဆာ၊ ကင်ဆာ မဟုတ်တဲ့အကျိတ်၊ နို့နာ၊
ဟော်မုန်းအပြောင်းအလဲ (အပျိုဝင်ချိန်၊ ကိုယ်ဝန်ရှိစဉ်၊) ကြောင့်ဖြစ်တဲ့ ရောဂါမဟုတ်တဲ့ ပြောင်းလဲမှု ဖြစ်တတ်တယ်။
• အလုံး-အကျိတ်ဟာ ဘေး၊ ဘယ်-ညာ၊ အထက်-အောက်၊ ရွေ့၍ရလျှင် ကင်ဆာ ဖြစ်ခဲပါတယ်။
• အသက်ငယ်လျှင် ကင်ဆာ မဖြစ်တာများတယ်။
• နာလျှင် အနာ (နို့ရောင်-ပြည်တည်နာ) သဘောသာ ဖြစ်တတ်တယ်။
• မာလျှင် ကင်ဆာဖြစ်ဘို့ နီးစပ်တယ်။
• နို့သီးထိပ် ခွင်ဝင်နေရင် ကင်ဆာ ဖြစ်ဘို့များတယ်။
• နို့ထိပ်မှ သွေးထွက်ရင် ကင်ဆာဖြစ်နိုင်တယ်။
• အရေပြားဟာ လိမ်မော်သီးအခွံလိုနေလျှင် အထဲမှာ ကင်ဆာ ဖြစ်တတ်တယ်။
• ချိုင်း အကျိတ်တွေ့လျှင် ကင်ဆာ သို့မဟုတ် နို့နာကနေ လာတာ ဖြစ်နိုင်တယ်။
• ရင်သား၊ ဂျိုင်း (ဘယ်-ညာ) နေရာမှာ အလုံး၊ အကျိတ်၊ အနာ တခုခုရှိခြင်း၊ (နို့နာ သို့မဟုတ် ကင်ဆာ ကနေလာတာ၊)
• ရင်သား အရေပြား တနေရာမှာ ခွက်ဝင်နေခြင်း၊ ဖေါင်းနေခြင်း၊ (အထဲမှာ အလုံး-အကျိတ်ရှိနေခြင်း၊)
• နို့သီးထိပ်မှ မညှစ်ဘဲဖြစ်စေ၊ ညှစ်လို့ဖြစ်စေ သွေးထွက်ခြင်း၊ (ကင်ဆာ)
• ရင်သားအနာ အကြာကြီး မပျောက်နိုင်ခြင်း၊ (ကင်ဆာ)
• ရင်သားမှာ ထူးပြီး နာ၊ ယား၊ နီမြန်းခြင်း၊ (ကင်ဆာ၊ ပိုးဝင်ခြင်း၊)
• နို့သီးထိပ် ခွက်ဝင်နေခြင်း၊ (ကင်ဆာ)
တွဲဖတ်နိုင်တဲ့စာများ -
1. Breast enlargement ရင်သားကို ကလေးအတွက် သေးမနေချင်ဘူး http://dts-medicaleducation.blogspot.com/…/brest-enlargemen…
2. Breast lump (ကင်ဆာ) မဟုတ်တဲ့ ရင်သား-အကျိတ် http://dts-medicaleducation.blogspot.com/…/01/breast-lump.h…
3. Breast Massage ရင်သားနှိပ်နယ်ခြင်း http://dts-medicaleducation.blogspot.com/…/breast-massage.h…
4. Breast pain ရင်သားနာတာ ဘာလို့လဲ http://dts-medicaleducation.blogspot.com/…/03/breast-pain.h…
Dr. တင့်ဆွေ
https://www.facebook.com/drtintswe
