သွေးကင်ဆာရောဂါအား ဗီဇတည်းဖြတ်ထားသော ဆဲလ်ကုထုံးကို စမ်းသပ်အောင်မြင်


ဗြိတိန်ဆရာဝန်များသည် လူကီးမီးယားသွေးကင်ဆာဝေဒနာခံစားနေရသော မွေးကင်းစကလေးငယ်လေး နှစ်ဦးအား အလှူရှင်တစ်ဦး၏ဆဲလ်အား ဗီဇတည်းဖြတ်ကာ အစားထိုးအသုံးပြုသည့်ကုထုံးဖြင့်ကိုစမ်းသပ် ခဲ့ရာ အောင်မြင်မှုရရှိခဲ့ကြောင်းနှင့် ၄င်းကုထုံးဖြင့် လူကီးမီးယားသွေးကင်ဆာရောဂါကုသမှုကို ယခုနှစ် အတွင်း စတင်အသုံးပြုနိုင်ရန် ရည်မှန်းဆောင်ရွက်လျက်ရှိကြောင်း သိရသည်။

အဆိုပါစမ်းသပ်မှုမှာ ကလေးငယ် ၂-ဦးတည်းနှင့်ဖြစ်သည့်အတွက် ကျဉ်းမြောင်းလှပြီး ၄င်းကလေးငယ် ၂-ဦး လူကီးမီးယားဝေဒနာပျောက်ကင်းသက်သာသွားသည်မှာလည်း ၁၆ လနှင့် ၁၈ လ အသီးသီးသာ ရှိနေ သေးသည့်အတွက် ကုထုံးအောင်မြင်သည်ဟုထုတ်ပြန်ကြေညာရန် အချိန်စောလွန်းနေသေးပြီး အချက် အလက်များသည်လည်း လုံလောက်မှုမရှိသေးကြောင်း၊ ကင်ဆာဝေဒနာခံစားနေရသူတစ်ဦးသည် နှစ်ပေါင်းများစွာအထိ ဝေဒနာကိုပြန်လည်ခံစားရခြင်းမရှိမှသာ ကင်ဆာပျောက်ကင်းသွားသည်ဟုဆိုနိုင် မည် ဖြစ်ကြောင်း၊ သို့ သော် ဤစမ်းသပ်မှုအောင်မြင်ခြင်းက ဆဲလ်ဗီဇတည်းဖြတ်ကုထုံး၏ အနာဂါတ် သေချာခိုင်မာနေသည်ကို ထင်ရှားစွာရည်ညွှန်းထောက်ပြလိုက်ခြင်းပင်ဖြစ်ကြောင်း သုတေသီများက ယူဆ ကြောင်း သိရသည်။

ကင်ဆာလောကမှာ ဆဲလ်ဗီဇတည်းဖြတ်ကုထုံးက တစ်နေ့ နေ့ တစ်ချိန်ချိန်ကျရင် အာမခံချက်ရှိတဲ့ကုထုံး တစ်ရပ်ဖြစ်လာလိမ့်မယ်ဆိုတာ ကျွန်တော်တို့ ယုံကြည်ပါတယ်။ ကနဦးစမ်းသပ်မှုတွေမှာတော့ ကုထုံး အောင်မြင်မှုက အကန့် အသတ်ရှိခဲ့ပါတယ်။ အခုလည်းအကန့် အသတ်တွေရှိနေဆဲပါပဲ။ တစ်ကမ္ဘာလုံး အနှံ့ မှာ ကင်ဆာရောဂါတိုင်းအတွက် ယူနီဗာဆယ်ကုထုံးအဖြစ်အသုံးပြုနိုင်ဖို့  လုပ်စရာတွေ အများကြီး ကျန်ရှိနေပါသေးတယ်။ ဒါပေမယ့် အဲဒီအချိန်က မဝေးတော့ပါဘူး။ ဒီနှစ်အတွင်းမှာကို သတင်းကောင်း တစ်ခု ကျွန်တော်တို့ ပါးနိုင်ပါလိမ့်မယ် ဟု သုတေသီတစ်ဦးက ပြောပြသည်။

ဆဲလ်ဗီဇတည်းဖြတ်ကုထုံးအား ဗြိတိန်အပြင် အမေရိကန်ပြည်ထောင်စုနှင့် တရုတ်နိုင်ငံတို့ တွင် စမ်းသပ် လျက်ရှိကြောင်း၊ ၄င်းကုထုံးတွင် လူနာ၏သွေးထဲမှ T Cell အချို့ ကိုဖယ်ထုတ်ကာ ဓါတ်ခွဲခန်းထဲတွင် အထူးဆဲလ်များဖြစ်သွားအောင်ပြောင်းလဲပေးကြောင်း၊ ထို့ နောက် ၄င်းဆဲလ်များကို လူနာ၏သွေးထဲ သို့  ပြန်လည်ထည့်သွင်းပေးခြင်းဖြစ်ကြောင်း၊ ပြုပြင်ပြီးဆဲလ်များက ကင်ဆာဆဲလ်များကို ရှာဖွေတိုက်ခိုက်သုတ် သင် ရှင်းလင်းပေးခြင်းဖြစ်ကြောင်း သိရသည်။

အမေ၇ိကန်ပြည်ထောင်စုတွင် ဆဲလ်ဗီဇတည်းဖြတ်ကုထုံးကိုစမ်းသပ်မှုမှာ အဆင့် ၂ သို့ ရောက် ရှိနေပြီ ဖြစ်ကြောင်း ၊ Novartis နှင့်အခြားသောဆေးဝါးထုတ်လုပ်ရေးကုမ္ပဏီအချို့ က ၄င်းကုထုံးကို ယခုနှစ် အစောပိုင်းတွင်စတင်အသုံးပြုနိုင်ရန် စီစဉ်လျက်ရှိကြောင်း ၊ သွေးကင်ဆာရောဂါကို ခံစားနေရသော ကလေးငယ်များတွင် ဤကုထုံးကိုစမ်းသပ်မှုအကြိမ်ကြိမ်အောင်မြင်နေပြီဖြစ်၍ များမကြာမီ လူကီးမီးယားကင်ဆာကို ပျောက်ကင်းအောင်ကုသနိုင်မည့်အလင်းရောင်ခြည်သမ်းလျက်ရှိနေပြီဖြစ်ကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ