ဆီးချိုရောဂါရဲ့ နောက်ဆက်တွဲအဖြစ် မျက်စိရဲ့အမြင်လွှာထိခိုက်ခြင်းဟာ ဆီးချိုဝေဒနာရှင်တွေ အမှတ် တမဲ့ မေ့လျော့နေတတ်တဲ့ ရောဂါနောက်ဆက်တွဲ ဆိုးကျိုးတစ်ခုပါပဲ ။ သွေးတွင်းသကြားဓာတ်ကို ပုံမှန်ပမာဏ ဖြစ်အောင် မထိန်းချုပ်နိုင်ခြင်းက မျက်စိဝေဝါးခြင်းကနေစပြီး အမြင်အာရုံလုံးဝ ဆုံးရှုံးတဲ့ အထိ ဖြစ်စေနိုင်ပါတယ် ။ ဆီးချိုဝေဒနာရှင် တွေဟာ မျက်စိမှာ ရေတိမ်ဖြစ်ပွားခြင်း (Glaucoma) ၊ အတွင်းတိမ်ဖြစ်ပွားခြင်း (Cataract) ကို သာမန်လူတွေထက် ဖြစ်နိုင်ချေနှစ်ဆ ရှိပါတယ်။
မျက်စိမြင်လွှာမှာရှိတဲ့ သွေးကြောလေးများထိခိုက်ခြင်း (Diabetic Retinopathy) ဆိုတာကတော့ မျက်စိရဲ့မြင်လွှာ (Retina) မှာရှိတဲ့ သွေးကြောလေးတွေဟာ ဖောင်းလာပါတယ် ။ ဆက်လက်ပြီးတော့ အမြင်လွှာကို အာဟာရပြုနေတဲ့ သွေးကြောငယ်လေးတွေကို ပိတ်ဆို့လိုက်ပါတယ် ။ အဲဒီအခါမှာ အမြင်လွှာဟာခန္ဓာကိုယ် ကနေ သွေးကြောလေးတွေ အသစ်ဖန်တီးပေးဖို့ လှုံဆော်ပါတယ် ။ အဲဒီလိုအသစ်ဖြစ်ပေါ်လာရတဲ့ သွေးကြောလေးတွေရဲ့ နံရံဟာ ပါးလွန်းတာကြောင့် ပေါက်ပြဲ လွယ်လာပါတယ် ။ ပေါက်ပြဲတဲ့အခါ သွေးယိုစိမ့်မှုဖြစ်လာပြီး အမြင်အာရုံကို ထိခိုက်စေကာ မျက်စိကွယ်တဲ့ အထိပါ အန္တရာယ်ပြုလာနိုင်ပါတယ် ။ ဆီးချိုအမျိုးအစားနှစ်မျိုးစလုံးဟာ ဒီမျက်စိဝေဒနာ ဖြစ်ပေါ်ဖို့အတွက် အကျုံးဝင်ပါတယ်။
ဒါကြောင့် ဆီးချိုဝေဒနာရှင်တွေဟာ အနည်းဆုံး တစ်နှစ်တစ်ကြိမ် မျက်စိစစ်ဆေးမှု ခံယူသင့်ပါတယ်။ ရောဂါ လက္ခဏာပြမယ့်အချိန်ကို စောင့်မနေပါနဲ့။ ဘာဖြစ်လို့လဲဆိုတော့ အမြင်လွှာရောင်ရမ်းခြင်း (Macula Edema ) ဖြစ်လာတဲ့အခါ အမြင်ဝေဝါးခြင်း၊ အမြင်နှစ်ထပ်ဖြစ်ခြင်း ၊ သွေးကြောလေးတွေ ပေါက်ပြဲသွေးစိမ့် တဲ့အခါ မျက်စိအမြင်ထဲမှာ အစက်အပြောက်လေးတွေ မျောနေတာလိုမျိုး ခံစားမှုဖြစ်ပေါ်နိုင်ပေမယ့် သိသာ တဲ့ လက္ခဏာမပြဘဲလည်း မျက်စိ သွေးကြောလေးတွေဟာ ပြောင်းလဲနေနိုင်လို့ပဲဖြစ်ပါတယ် ။
မျက်စိဆရာဝန်ကသာလျှင် အဲဒီသွေးကြောအခြေအနေတွေကို စစ်ဆေးပေးနိုင်မှာပါ ။ ဆီးချိုဝေဒနာရှင် အမျိုးသမီးတွေလည်း ကိုယ်ဝန်ဆောင်တဲ့အချိန်မှာ မျက်စိကိုပါဂရုတစိုက် စစ်ဆေးသင့်ပါတယ်။ ဆီးချိုရောဂါ ရဲ့ အဓိကအခြေခံအချက်ဖြစ်တဲ့ သွေးတွင်းသကြားဓာတ်ကို ပုံမှန်ထိန်းညှိပေးခြင်း ၊ သွေးပေါင်ချိန် ပုံမှန် ထိန်းညှိ ခြင်း ၊ သွေးတွင်းကိုလက်စထရောဓာတ် ထိန်းညှိလျော့ချခြင်း တို့က နောက်ဆက်တွဲ ဆိုးကျိုး များဖြစ်တဲ့ ကျောက်ကပ် ထိခိုက်ခြင်း၊ အာရုံကြောများထိခိုက်ခြင်းတို့အပြင် မျက်စိရဲ့သွေးကြောလေးများ ထိခိုက်ခြင်းတို့ကို ရာခိုင်နှုန်း တစ်ခုအထိ လျှော့ချပေးနိုင်မှာဖြစ်ပါတယ်။
ဒါကြောင့် မနက်ခင်းအစာမစားမီ သွေးတွင်းဆီးချိုပမာဏဟာ ၁၃၀ mg ရာခိုင်နှုန်းအောက်မှာ ရှိနေပြီး ထမင်း စားပြီး နှစ်နာရီအကြာမှာ သွေးတွင်းဆီးချိုပမာဏဟာ ၁၄၀-၁၈၀ mg ရာခိုင်နှုန်း အတွင်းမှာရှိအောင် ကြိုးစားပြီး ထိန်းညှိပေးဖို့ မမေ့ပါနဲ့။
သုတေသနပညာရှင်တွေကလည်း အမြင်လွှာက ခန္ဓာကိုယ်ကို လှုံ့ဆော်ပြီး သွေးကြော အသစ်တွေဖြစ်ပေါ်စေခြင်းကို ဟန့်တားမယ့် ဆေးဝါးတွေကို ရှာဖွေစမ်းသပ်နေကြပါတယ် ။ အဲဒီပါးလွှာပြီး ပေါက်ပြဲနိုင်တဲ့ သွေးကြောအသစ်တွေကို လေဆာကုထုံး (Scater Laser Treatment) နဲ့ကုသပြီး၊ ကျုံ့စေနိုင်သလိုမြင်လွှာရောင်ယမ်းခြင်း (Macula Edema) ကိုလည်း လေဆာကုထုံး (Focal Laser Treatment) နဲ့ပဲသက်သာစေနိုင်ပါတယ် ။ တကယ်လို့ မျက်လုံးအိမ်အတွင်းက အရည်ကြည် (Vitreous Gel) ထဲမှာ သွေးတွေများနေခဲ့ရင်တော့ ခွဲစိတ်ကုသမှု (Vitrectomy) လို အပ်မှာဖြစ်ပြီး အရည်ကြည်နေရာမှာ ဆားရည် (Salt Solution) ကို အစားထိုး ထည့်သွင်းကုသရမှာ ဖြစ်ပါတယ် ။
ခွန်းညိုသွေး
Health Guide
https://www.facebook.com/healthguidemyanmar
