ကာဗိုဟိုက်ဒရိတ်၏ အကျိုးအပြစ်များ

ကာဗိုဟိုက်ဒရိတ်ဟာ လူသားအားလုံးအတွက် မရှိမဖြစ်တဲ့အရာပါ ။ သို့ သော် အရေးကြီးဆုံးအချက်က လူကို ကောင်းကျိုးပြု သော ကာဗိုဟိုက်ဒရိတ် နှင့် ဆိုးကျိုးဖြစ်စေသော ကာဗိုဟိုက်ဒရိတ် တို့ ကို ခွဲခြားသိနားလည်တတ်ဖို့  လိုပါတယ် ။ ကောင်းမွန်တဲ့ ကာဗိုဟိုက်ဒရိတ်က ခန္ဓာကိုယ်အလေးချိန်ကို ထိန်းသိမ်းပေးနိုင်ခြင်း ၊ ရောင့်ရဲတင်းတိမ်လွယ်ခြင်း ၊ ဗိုက်ထဲမှာကြာကြာခံတာ ကြောင့် နောက်ထပ် အစာစားချင်စိတ်ကို ချိုးနှိမ်ပေးထားနိုင်ခြင်း ၊ သွေးထဲရှိ ကိုလက်စထရောကို ချပေးနိုင်ပြီး နှလုံးရောဂါ အမျိုးမျိုးတို့ မှ ကာကွယ်ပေးနိုင်ခြင်း စသဖြင့် ကောင်းကျိုးပြုပါတယ် ။
ကောင်းကျိုးပြုသော ကာဗိုဟိုက်ဒရိတ် ဆိုတာ ဘာကိုခေါ်ပါသလဲ ?
ကာဗိုဟိုက်ဒရိတ်(carbohydrates)ကို ဆေးသိပ္ပံနည်းအရ “carbs” ဟု အတိုကောက် ခေါ်ဝေါ်လေ့ ရှိပါတယ် ။ The University of Maryland Medical Center မှ လေ့လာစမ်းစစ်မှု မှတ်တမ်းများအရ ၊ အရွယ်ရောက်ပြီးသူတစ်ဦး၏ တစ်နေ့ တာ စားသောက် လိုက်သော အစားအစာတွေမှ ကာဗိုဟိုက်ဒရိတ် စုစုပေါင်း ၄၀ မှ ၆၀ ရာခိုင်နှုန်းအထိ ရရှိနိုင်ပါတယ်တဲ့ ။ ကောင်းမွန်သော carbs ဆိုသည်မှာ အာဟာရတန်ဖိုးမြင့်မားသော အစားအစာတွေဖြစ်ပြီး ၊ သင့်တင့်တဲ့ ကယ်လိုရီမျှသာပါရှိကာ ၊ ၄င်းတို့ ကို စားသုံး ပြီးနောက် တင်းတိပ်ရောင့်ရဲစေကာ နောက်ထပ် အစာစားချင် စိတ်ကိုလည်း ချက်ချင်း မဖြစ်စေနိုင်တော့ပါဘူး ။ တနည်းပြောရရင် Good carbs ဆိုသည်မှာ လူသားတို့ အတွက် မရှိမဖြစ် လိုအပ်နေသော အာဟာရများဖြစ်ကြတဲ့ အမျှင်ဓာတ် ၊ ပရိုတင်းဓာတ် ၊ ကျန်းမာသော အဆီဓာတ်များ ၊ ဗီတာမင် နှင့် သတ္တုဓာတ်များ ဖြစ်ကြပါတယ် ။ အမျှင်ဓာတ်မြင့်မားတဲ့ အစားအစာတွေက သွေး ထဲရှိ သကြားဓာတ် နှင် အင်ဆူလင် ပမာဏကို နှိမ့်ချပေးရုံသာမက ၊ မကောင်းသော LDL ကိုလည်း နှိမ့် ချပေးနိုင်ပါတယ် ။ ဒါ့ပြင် အမျှင်ဓာတ်ပါတဲ့ အစာတွေထဲမှာ ကယ်လိုရီပါဝင်မှု နည်းပါးတာကြောင့်လည်း ကိုယ်အလေးချိန် မတက်စေပါဘူး ။ အမျှင်ဓာတ်က ၀မ်းချုပ်ခြင်းကို ကာကွယ်ပေးပြီး ၊ ကင်ဆာရောဂါ များမှလည်း ဟန့် တားပေးနိုင်ပါတယ် ။ အရွယ်ရောက်ပြီး သူတစ်ဦးဟာ နေ့  စဉ် အမျှင်ဓာတ် ၃၅ မှ ၅၀ ဂရမ်ထိ စားပေးသင့်ကြောင်း နိုင်ငံတကာရှိ အာဟာရဆိုင်ရာ သုတေသီများက အကြံပြု ထားပါတယ် ။ Good carbs အစားအစာတွေထဲမှာ ဆိုဒီယမ် ပါဝင်မှုနည်းပါတယ် ။ ကိုလက်ထစရော ပါဝင်မှု အင်မတန် နည်းပါတယ် (သို့ ) ကိုလက်ထစရော လုံးဝ မပါရှိပါဘူး ။ ဒါကြောင့် Good carbs တွေဟာ ခန္ဓာကိုယ် ထဲရောက်သွားတဲ့အခါ “ အဆီ ” အဖြစ် ပြောင်း လဲခြင်း မရှိတော့ပါဘူး ။ ၄င်း carbs တွေကို အနက်ရောင်ပဲစေ့များ ၊ ပဲ ထောပတ် ၊ ပဲနီကလေး ၊ ပဲပိစပ် ၊ ကုလားပဲ ၊ အဆီနည်းသော နွားနို့ ၊ အဆီနည်းသော ဒိန်ချဉ် ၊ ပဲနို့ ရည် ၊ အညိုရောင် ကွေကာ အုတ်အကြမ်း ၊ ဆန်လုံးညို ၊ ပေါင်မုန့်ကြမ်း တို့  မှ ရရှိနိုင်ပါတယ် ။ နေကြာစေ့၊ ဗာဒံစေ့၊ ရွှေဖရုံစေ့ စတဲ့ အစေ့အဆံလေး များမှလည်း carbs အနည်းငယ်ကို ရရှိနိုင်ပါတယ် ။

ဆိုးကျိုးဖြစ်စေသော ကာဗိုဟိုက်ဒရိတ် ဆိုတာဘာလဲ ?
သကြားအနည်းငယ်ပါသော အစားအစာတွေဟာ ဆိုးကျိုးဖြစ်စေသော ကာဗိုဟိုက်ဒရိတ်များဘဲ ဖြစ်ပါတယ်။ အဲဒီလို အစား အစာတွေက လူကိုတင်းတိမ်ရောင့်ရဲမှုမရှိနိုင်ပါဘူး ။ ပြန်လည်ပြုပြင် ထားသော ကောက်နှံ အစား အစာတွေ နှင့် သကြား(အချို) တွေ မဖြစ်ရပါဘူး ။ အဲဒီအစားအစာတွေထဲမှာ ကယ်လိုရီ ၂၀ ရာခိုင်နှုန်း နှင့်အထက် ပါဝင်နေပါတယ် ။ ၄င်းအစားအစာတွေကို နေ့ စဉ် စားသုံးမိပါက သွေးထဲမှာ သကြားဓာတ် တွေစုဝေးလာကာ အ၀လွန်ခြင်း နှင့် ဆီးချိုရောဂါ အမှတ်-၂ ကို ဖြစ်လာ စေပါမယ် ။ သကြား ပါဝင်သော ဆိုဒါ နှင့် ကာဗွန်ဓာတ်ငွေ့ ပါသော ဘိလပ်ရည် နှင့် အချိုရည်အမျိုးမျိုး ၊ ဒိုးနတ်မုန့် များ ၊ ဂျုံမုန့် ညက် နှင့် ထောပတ်တို့ ကို ရော၍ ဖုတ်ထားသော မုန့် များ ၊ ကွတ်ကီး ၊ သကြားလုံး ၊ ကပ်စေးနှဲ ၊ ဖြူဆွတ်ဆွတ် သကြားမှုန်များ ၊ ခရက်ကာများ ၊ အာလူးအကျွတ်ကြော် ၊ ဆီကြော်မုန့် အမျိုးမျိုး ၊ ဖြူဖွေးနေအောင် ပြုပြင်ထားသော ဆန် နှင့် ပေါင်မုန့်ဖြူ တို့ ဟာ ဆိုးကျိုးဖြစ်စေသော ကာဗိုဟိုက်ဒရိတ် ပါဝင်တဲ့ အစားအစာများပဲ ဖြစ်ကြပါတယ် ။ ၄င်း Bad carbs တွေမှာ အမျှင်ဓာတ်ပါဝင်မှု နည်းပါးပြီး ၊ အာဟာတန်ဖိုးလည်း နည်းပါတယ် ။ လူကို ဘေးဖြစ်စေတဲ့ ပြည့်ဝဆီများ နှင့် ဆိုဒီယမ် ပါဝင်မှု လွန်စွာများပါတယ် ။ ဒါ့ပြင် Bad carbs တွေက ကိုလက်စထရောများပြီး၊ ခန္ဓာကိုယ်ထဲရောက်သွားတဲ့အခါ အဆီအဖြစ်ပြောင်းလဲ သွားပါတယ် ။

ရောရိရောရာ ကာဗိုဟိုက်ဒရိတ် ဆိုတာဘာလဲ ?
ကစီဓာတ်ကြွယ်ဝတဲ့ အစားအစာများကို ရောရိရောရာ ကာဗိုဟိုက်ဒရိတ် ( Complex Carbs ) လို့  ဆေးသိပ္ပံနည်းအရ ခေါ်ဆို ကြပါတယ်။ ကစီဓာတ်ထဲမှာ အမျှင်နဲ့ ပရိုတင်းတွေ မြင့်မားစွာ ပါရှိနေ တာကြောင့် အစာကျေညက်စေဖို့ အချိန်တော်တော် ပေးရ ပါတယ် ။ ဒါကြောင့်လည်း Complex Carbs တွေကို ကျန်းမာရေးနဲ့ မညီညွတ်ဖူးရယ်လို့  လူအများစုက ထင်မှတ်မှား နေကြ ပါတယ် ။ တကယ်တော့ Complex Carbs တွေမှာ (က) ကျန်းမာရေးအတွက် ကောင်းကောင်း အထောက် အပံ့ဖြစ်စေတဲ့ Healthy Complex Carbs နှင့် (ခ) ကျန်းမာရေးကို အနည်းငယ်မျှသာ အထောက် အပံ့ဖြစ်စေတဲ့ Less Healthy Complex Carbs ဟူ၍ နှစ်မျိုးရှိပါတယ် ။ The University of Maryland Medical Center မှ အကြံပြုချက်အရ (က) ပြောင်းဖူး ၊ စားတော်ပဲ ၊ ပဲသီး ၊ အာလူး တို့ က Healthy Complex Carbs ဖြစ်ကြပြီး (ခ) ဖြူဖွေးနေအောင် ပြုပြင်ထားစေသာ ဆန် နှင့် ပေါင်မုန့်ဖြူ တို့  ဟာ Less Healthy Complex Carbs တို့ ဖြစ်ကြပါတယ် ။

good carbs ကိုရွေးမလား ? bad carbs ကိုရွေးမလား ?
ကိုင်းဒါဖြင့် ကာဗိုဟိုက်ဒရိတ်၏ အကျိုးအပြစ်ကို ခွဲခြားသိကြပြီဆိုရင် ၊ သင့်ရဲ့  တစ်နေ့ တာ စားသောက်မှု ပုံစံကို အောက်ပါ နည်းလမ်း ( ၇ ) သွယ်ဖြင့် ရွေးချယ်ကြရအောင် ။ သွေးထဲတွင် သကြားပမာဏမြင့်တက်ခြင်းကလည်း ကာဗိုဟိုက်ဒရိတ်ပြဿ နာဖြင့် ဆက်စပ်မှုရှိနေ၍ မပေါ့ဆသင့်ပါဘူး ။
(၁) နံက်စာကို ကောက်နှံတွေဖြင့် စတင်လိုက်ပါ ။
တစ်ပန်းကန်စာ ပမာဏရှိသော အပူပေးချက်ပြုတ်ထားတဲ့ ဆန် ၊ ပြောင်း ၊ ဂျုံ၊ ကွေကာအုတ် ထဲမှာ ကျန်းမာရေးနဲ့  ညီညွတ်တဲ့ အမျှင်ဓာတ်တွေ ပါရှိနေပြီး၊ ကျန်းမာရေးကိုဆိုးကျိုးဖြစ်စေတဲ့ သကြား(အချို)ဓာတ် ပါဝင်မှု လွန်စွာနည်းပါတယ် ။
(၂) ဖျော်ရည်မသောက်ဘဲ သစ်သီးစားပါ ။
အလတ်စား လိမ္မော်သီးတစ်လုံး နှင့် ၁၂ အောင်စရှိသော လိမ္မော်ရည် တစ်ဖန်ခွက်တို့ ကို နှိုင်းယှဉ် ကြည့်ပါက ၊ လိမ္မော်သီးက အမျှင်ဓာတ်ပါဝင်မှု ၂-ဆ မျှပိုနေပြီး ၊ သကြား(အချို) ဓာတ်က လိမ္မော်ရည်ထက် ထက်ဝက်မျှ လျော့နည်းပါတယ် ။
(၃) အာလူး အစား ပဲစေ့များကို ရွေးချယ်ပါ ။
အာလူး နှင့် ပဲသီး နှစ်မျိုးစလုံးဟာ Healthy Complex Carbs ဖြစ်ကြတာကြောင့် ကျန်းမာရေးနဲ့  ညီညွတ်သည်မှာ မှန် သော် လည်း ၊ အာလူးက ကိုယ်အလေးချိန်ကို တက်စေပါတယ် ။ ကုလားပဲ ကဲ့သို့ သော ပဲများကတော့ အစာကျေညက်လွယ်ပြီး ၊ ပရိုတင်းဓာတ်ဖြည့်ပေးနိုင်ပါတယ် ။
(၄) အပြင်မှာမစားဘဲ အိမ်မှာစားပါ ။
အပြင်စာများ နှင့် fast foods တွေက စားကောင်းအောင် ဖန်တီးထားတာကြောင့် အရသာရှိစေသော်လဲဘဲ ၊ အချို(သကြား)များ ၊ အငန် (ဆိုဒီယမ်) များ နှင့် ဆီတွေများစွာ ပါရှိနေတာကြောင့် ကျန်းမာရေးနဲ့  မညီညွတ်စေတော့ပါဘူး ။ ဒါကြောင့် ငွေကုန်လည်း သက်သာ ကျန်းမာရေးအတွက်လည်း ကောင်းစေဖို့  မိမိဖာသာ အိမ်မှာ ချက်ပြုတ်စားတဲ့ အကျင့်ကောင်းကို ကြိုးစားမွေးမြူပါ ။
(၅) Do & Don’t ကို ခွဲခြားသိမြင်ပါစေ ။
(က) ဒိန်ချဉ်ကဲ့သို့  ကျန်းမာရေးနှင့်ညီသော ဘက်တီးရီးယားများပါဝင်သည့် အစားအစာများကို Do လိုက်ပါ/စားပေးပါ ။ ဒိန်ချဉ် က အစာခြေဖျက်မှုအားကောင်းလာပြီး သွေးထဲရှိ သကြားပမာဏကို ထိန်းသိမ်းပေးနိုင်ပါတယ် ။
(ခ) ပီဇာကဲ့သို့  ကာဗိုဟိုက်ဒရိတ်နှင့် အဆီပါဝင်မှုများသော အစားအစာများ ၊ အယ်လ်ကိုဟောပါသော အဖျော်ယမကာ နှင့် အချိုရည်များ ကို Don’t မစားသောက်ပါနှင့် ။ ၄င်းတို့ က သွေးထဲရှိ သကြား ပမာဏကို မြင့်တက်စေပါတယ် ။
(ဂ) ဥပမာ စပျစ်သီးခြောက်တို့ လို သစ်သီးခြောက်တွေက ကျန်းမာရေးနှင့်ညီညွတ်စေတာ မှန်သော်လည်း ၊ ကာဗိုဟိုက်ဒရိတ် မြင့်မားစွာပါဝင်နေတာကြောင့် အများအပြား မစားသင့်ပါဘူး ။
(၆) အချိုရည်ထက် ရိုးရိုးရေကိုသာ သောက်ပါ ။
ပြင်းထန်သော အားကစားနည်းများကစားရခြင်း (သို့ ) အလုပ်ပင်ပန်းနွမ်းနယ်ခြင်းတို့ ကြောင့် အားဖြည့် အချိုရည်သောက်ရန် လိုအပ်နိုင်သော်လည်း ၊ ယင်းအချိုရည်အချို့ တွင် ဆိုဒါကဲ့သို့  သကြားပမာဏ အများအပြားပါဝင်နေကြပါတယ် ။ ဒါကြောင့် အချိန် တစ်နာရီ မပြည့်သော လေ့ကျင့်ခန်း များ ပြုလုပ်ခြင်း အတွက် ရိုးရိုးရေကိုသာ သောက်သုံးသင့်ပါတယ် ။
(၇) သတိရှိပါ ။
မ,ဟော်မုန်းပါဝင်သော သန္ဓေတားဆေးများကြောင့်လည်း သွေးထဲရှိ သကြားပမာဏ ကို မြင့်တက်စေပါတယ် ။ ဒါ့ပြင် အင်ပျဉ် ထခြင်း ၊ အဆစ်အမြစ်ရောင်ခြင်း ၊ ပန်းနာရင်ကျပ်ဖြစ်ခြင်း တို့ အတွက် ကုသသော ဆေးဝါးအချို့ ကြောင့် သကြားဓာတ်ပမာဏကို မြင့်တက်စေနိုင်ပါတယ် ။

(ဆောင်းပါးရှင်…. ပေါက်ပေါက်…ရေးသားမျှဝေသည်)
Health Guide
https://www.facebook.com/healthguidemyanmar