လူတစ်ဦးရဲ့ သင်ယူမှုနဲ့ မှတ်ဥာဏ်ပိုင်းဆိုင်ရာ ဦးနှောက်အစိတ်အပိုင်း “Hippocampus” သေးငယ်လေ မှတ်ဥာဏ်စွမ်းရည် နည်းပါးလေဖြစ်တယ်လို့ ယေဘုယျ ဆိုနိုင်ပါတယ်။
သုတေသနပြုသူတွေကို အံအားသင့်စေတဲ့ ပြောင်းပြန်ဆက်နွယ်ချက်ကတော့ နီကိုတင်းနဲ့ ဆေးခြောက်တို့ တွဲဖက်သုံးစွဲမှုဟာ ဦးနှောက်ပေါ်မှာ ဘယ်လိုအကျိုးသက်ရောက်မှုတွေ ရှိစေတယ်ဆိုတာပါပဲ။
“ ဆေးခြောက် သုံးစွဲသူ တစ်ဦးချင်းရဲ့ ခန့်မှန်းချေ ၇၀ရာခိုင်နှုန်း ခန့်ဟာ ဆေးရွက်ကြီးကိုလည်း သုံးစွဲတာတွေ့ရပါတယ်။ ဆေးခြောက်သုံးစွဲသူ လူဦးရေများပြားတာကြောင့် ဦးနှောက်အပေါ် ဆေးခြောက်သုံးစွဲမှုရဲ့ အကျိုးသက်ရောက်မှုက ဘာကြောင့်ရှိနေတာလည်းဆိုတာ ရှာဖွေခဲ့ကြတာ ဖြစ်ပါတယ်။ ဘာလို့လည်းဆိုတော့ လေ့လာမှုတော်တော်များများမှာ ဆေးရွက်ကြီးသုံးတာကို ထည့်သွင်းစဉ်းစားတာမျိုး မရှိလို့ပါ။ “ ဟု BrainHealth စင်တာမှ Cognitive Neuroscience of Addictive Behaviors ညွှန်ကြားရေးမှူး ဒေါက်တာ Francesca Filbey က ထုတ်ဖော်ပြောကြားထားပါတယ်။
လေ့လာသူတွေဟာ Hippocampus အရွယ်အစားသေးပြီး မှတ်ဥာဏ်အားနည်းနိုင်တဲ့ စမ်းသပ်ခံသူတွေမှာ ဆေးခြောက်နဲ့ဆေးရွက်ကြီး နှစ်မျိုးစလုံးသုံးစွဲသူတွေက Hippocampus သေးငယ်သော်လည်း မှတ်ဥာဏ်ပိုကောင်းတယ်ဆိုတဲ့ အချက်ကို အံ့အားသင့်ဖွယ် တွေ့ရှိခဲ့ကြပါသတဲ့။
ဒီအချက်ဟာ လူတစ်ယောက် တစ်နေ့စီးကရက် ဘယ်လောက်သောက်လဲဆိုတဲ့အပေါ်မှာလည်း သက်ရောက်မှုရှိတယ်လို့ ဆိုပါတယ်။ ဆေးခြောက် သို့ ဆေးရွက်ကြီး တစ်မျိုးတည်းသာ သုံးစွဲတဲ့အုပ်စုမှာတော့ Hippocampus အရွယ်အစား၊ မှတ်ဥာဏ်တို့နဲ့ ဆက်နွယ်ချက် တစ်ခုမှ မရှိခဲ့ပါဘူးတဲ့။
( Michelle )
#သစ်ထူးလွင်(ကျန်းမာရေး)
#health.thithtoolwin.com
Ref : Upi
