အတွင်းရော အပြင်ပါ လှပစေမည့် နည်းလမ်းများ


ပိုင်ဆိုင်နိုင်ဖို့ဆိုတာ တန်ဖိုးကြီး အဝတ်အစားတွေ၊ မိတ်ကပ် အလှကုန် ပစ္စည်းတွေပေါ်မှာသာ မူတည်နေတာ မဟုတ်ပါဘူး။ အတွင်းစိတ်ပေါ်မှာလည်း များစွာ မူတည်နေပါတယ်။ အတွင်းစိတ်လေး ကြည်နေမှ ရုပ်ရည်လည်း ကြည်လင်ပြီး လှပနေမှာပါ။ ဒါကြောင့် အတွင်းရော အပြင်ပါ လှပကြည် လင်စေနိုင်တဲ့၊ ငွေမကုန်တဲ့ အလွယ်နည်း၊ အမြန်နည်းတွေကို ဖော်ပြလိုက်ပါတယ်။

ပြုံးပါ

ကြားဖူးကြမှာပါ။ ပြုံးခြင်းက မဲ့ခြင်းထက် ကြွက်သားအနည်းငယ်ကိုသာ အသုံးပြုကြောင်းကိုပေါ့။ ပြုံးနေတာဟာ မဲ့ရတာထက် ပိုလွယ်ကူပါတယ်။ ဒါ့အပြင် လေ့လာချက်အသစ်အရ ပြုံးခြင်းက ရုပ်ရည်ကို ပိုပြီး လှပစေပါတယ်။ ဘယ်လိုရုပ်ရည်မျိုးကို ပိုင်ဆိုင်နိုင်ပါစေ၊ ပြုံးနေသူဟာ ခပ်တည်တည်နေ သူထက် ပိုပြီး ဆွဲဆောင်မှုရှိကာ ပိုပြီး စိတ်ဝင်စားစရာ ကောင်းနေပါတယ်။ ဒါ့အပြင် အမေရိကနိုင်ငံမှာ လူပေါင်း ၅၀၀ ကို ဓာတ်ပုံတွေပြပြီး ရွေးချယ် ခိုင်းရာမှာ အရယ်ဆုံး၊ အပြုံးဆုံး ဓာတ်ပုံတွေဟာ တခြားပုံတွေထက် နှစ်ဆကျော်ကျော် ပိုပြီး ဆွဲဆောင်မှုရှိတယ်လို့ အရွေးခံခဲ့ရပါတယ်။ ဒါ့အပြင် ပြုံးနေသူတွေဟာ ပိုပြီး ပေါ်ပြူလာဖြစ်တယ်၊ ပိုပြီးထက်မြက်တယ်၊ ပိုပြီးအောင်မြင်တယ်၊ ပိုပြီးချမ်းသာတယ်လို့လည်း အထင်ခံရပါတယ်။ ကျွန်မတို့ဟာ မသိစိတ်က အလိုလို ပြုံးပျော်ရွှင်နေသူတွေကို သဘော ကျတတ်ကြပါတယ်။ ဘာကြောင့်လဲဆိုတော့ အပျော်တွေဟာ ကူးစက်တတ် တာကြောင့် ပျော်ရွှင်နေသူတွေနား နေပါက ကျွန်မတို့ကိုပါ စိတ်ချမ်းသာရ တာကြောင့်ပါ။ ဒါ့အပြင် ပြုံးခြင်းက မျက်နှာကြွက်သားတွေကို ပင့်တင်ပေး တာကြောင့် အရေပြား တွဲကျခြင်းကနေ ကာကွယ်ပေးကာ ငယ်ရွယ်နုပျိုစေနိုင် ပါတယ်။ ဒါကြောင့် များများသာ ပြုံးပါ။ စိတ်ချမ်းသာအောင် နေပါ။

သဘောကောင်းပါ

ကုသိုလ်ကောင်းမှုပြုလုပ်ခြင်းဟာ သင့်စိတ်ကို ကြည်နူးစေရုံမျှမက သင့်ကို လည်း ပိုပြီး ဆွဲဆောင်မှု ရှိစေပါတယ်။ သဘောကောင်းပြီး ကြင်နာ တတ် သူတွေဟာ ရိုင်းစိုင်းစိတ်ပုပ်သူတွေထက် အများကြီး ပိုကြည့်ကောင်းပါတယ်။ နဂိုရုပ် ဘယ်လောက်ပဲ ချောမောနေပါစေ၊ အတွင်းစိတ်ပုပ်ရင် ရုပ်က အလိုလို မှိုင်းနေတတ်ပါတယ်။ အများအကျိုး ဆောင်ရွက်တတ်ခြင်းဟာ မိတ်ဆွေ အပေါင်း အသင်း ရွေးရာမှာ အရေးကြီးတဲ့ အရည်အချင်းတစ် ရပ်ဖြစ် တာကြောင့် ကူညီတတ်သူ၊ သဘောကောင်းသူတွေမှာ ခင်မင်လိုသူတွေ ပေါများလှပါတယ်။ သင်ရဲ့ သဘောကောင်းတဲ့စိတ်ကို သိတဲ့ သင့်သူ ငယ်ချင်းတွေဟာ သင့်အကြောင်း သိပ်မသိသေးတဲ့ သူစိမ်းတွေထက်စာရင် သင့်ကို ၂၀ ရာခိုင်နှုန်း ပိုပြီး ကြည့်ကောင်းတယ်လို့ အလိုလို မြင်တတ်ကြ ပါတယ်။ ဘာကြောင့်လဲဆိုတော့ သူတို့ဟာ သင်ရဲ့ နွေးထွေးကြင်နာမှုတွေကိုပါ သင့်အလှထဲ ပေါင်းထည့်မြင်တတ်ကြတာကြောင့်ပါ။

ပန်းရောင်၊ မက်မွန်ရောင်ဝတ်ပါ

ပန်းနုရောင်၊ ပန်းဝါရောင်ဖြစ်တဲ့ မက်မွန်ရောင်တွေဟာ ဝတ်ဆင်သူတွေကို ငယ်ရွယ်နုပျိုစေနိုင်ပါတယ်။ ကျွန်မတို့ဟာ ပန်းရောင်လွှမ်းတဲ့ ပတ်ဝန်းကျင်ကို နှစ်သက်ရုံမျှမက ပန်းရောင်ကို တန်ဖိုးထား နှစ်သက်တတ်ကြပါတယ်။ လေ့လာချက်အရ လူပေါင်း ၁၀၀၀၀ ကျော်ကို အရောင်တွေနဲ့ ပတ်သက်ပြီး တုံ့ပြန်ချက်တွေ လေ့လာရာမှာ ပန်းရောင် ဒါမှမဟုတ် မက်မွန်ရောင် ဝတ်ထား သူတွေကို နှစ်လိုဖွယ်ကောင်းတဲ့၊ နွေးထွေးကြင်နာတတ်တဲ့၊ ချစ်ခင်တတ်တဲ့ ကိုယ်ရည်ကိုယ်သွေးရှိသူတွေအဖြစ် မြင်ကြကြောင်း တွေ့ရပါတယ်။ ဒါ့အပြင် ပန်းရောင်သန်းတဲ့ ကျွဲကောသီးနံ့ ရေမွှေးဆွတ်ထားပါက အသက်ခြောက်နှစ်မျှ ငယ်ရွယ်တယ်လို့ ထင်စေနိုင်ကြောင်းကိုလည်း လေ့လာတွေ့ရှိထားပါတယ်။

မျက်လုံးချင်းဆုံပါ

တခြားသူတစ်ယောက်ရဲ့ မျက်လုံးကြည့်ခြင်း၊ ဆုံခြင်းဟာ တစ်ယောက်နဲ့ တစ်ယောက် ဆက်သွယ် ပြောဆိုရာမှာ အရေးပါပြီး သင်ဟာ သူပြောတာကို စိတ်ဝင်တစား နားထောင်နေကြောင်း ဖော်ပြရာ ရောက်ပါတယ်။ ဒါ့အပြင် မျက်လုံးချင်းဆုံခြင်းက သင့်ကို ရှစ်ဆ ပိုပြီး ဆွဲဆောင်မှုရှိတယ်လို့ ထင်ရစေနိုင် ပါတယ်။ ကင်မရာကို တည့်တည့်ကြည့်နေတဲ့ ဓာတ်ပုံတွေနဲ့ ကင်မရာကို မကြည့်ဘဲ ငေးနေတဲ့ ဓာတ်ပုံတွေရဲ့ ဆွဲဆောင်မှု နှုန်းထားတွေကို နှိုင်းယှဉ်ကြည့်ရာမှာ နဂိုရုပ်ရည်က ဘယ်လိုပုံပဲဖြစ်နေပါစေ၊ ကင်မရာကို စိုက်ကြည့်နေတဲ့ ပုံတွေက ပိုပြီး ဆွဲဆောင်မှုရှိကြောင်း တွေ့ရပါတယ်။ လူတစ်ယောက်ရဲ့ မျက်လုံးကို စိုက်ကြည့်ခြင်းက သင်ဟာ သူ့အပေါ် စိတ်ဝင်စားကြောင်းပြရာရောက်တာကြောင့် သင်ကိုယ်တိုင်လည်း ပိုပြီးစိတ်ဝင်စားဖို့ ကောင်းလာတာ၊ ဆွဲဆောင်မှု ပိုလာတာပဲ ဖြစ်ပါတယ်။

မုန်လာဥနှင့် ကန်စွန်းဥစားပါ

ဒီဥနှစ်မျိုးစလုံးဟာ အရေပြားကို ချောမွေ့ကြည်လင်စေတဲ့ ဗီတာမင်အေ ကြွယ်ဝရုံမျှမက အရေပြားကိုပါ သဘာဝအတိုင်း နှင်းဆီသွေးရောင် တောက်ပတာကြောင့် ပိုပြီး ဆွဲဆောင်မှု ရှိစေပါတယ်။ လေ့လာချက်အရ လူတွေရဲ့ အသားရောင်ကို နှိုင်းယှဉ်ကြည့်ကြရာမှာ အမျိုးသားတွေရော၊ အမျိုးသမီးတွေပါ နေရောင်ကြောင့် အသားဝင်းဝါတာထက် ဟင်းသီး ဟင်းရွက် စားပြီး သဘာဝအတိုင်း ဝင်းဝါနေတဲ့ အသားအရေကို ပိုနှစ်သက်ကြကြောင်း တွေ့ရ ပါတယ်။ ဘာကြောင့်လဲဆိုတော့ ကျွန်မတို့ဟာ စိုပြည်လှပတဲ့ အသားအရေကို ကြည့်ပြီး ထိုလူရဲ့ ကျန်းမာရေးနဲ့ ဘဝလူနေထိုင်မှုပုံစံကိုပါ မသိစိတ်က အလိုလို ဆုံးဖြတ်တတ်ကြတာကြောင့်ပါ။ စိုပြည်တဲ့ အသားအရေ ပိုင်ပါက လူချစ်လူခင်ပိုများတတ်ပါတယ်။

ဒေါက်တာနုမြတ်
Ref: Good Health
မြ၀တီ
https://www.facebook.com/mwdmedia

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ