တစ်ခါက တိုင်းရင်းဆေး သိပ္ပံကျောင်း မန်းတောင်ခြေတွင် စာရေးသူ၏ သူငယ်ချင်း ဆေးကျောင်းသား တစ်ဦးက ထူးဆန်းသော ငှက်ပျောသီးဖီးကြမ်း တစ်လုံးကို ပြသည်။ ထိုငှက်ပျောသီးဖီးကြမ်းမှာ သုံးမြှောင့်ပုံသဏ္ဌာန်ရှိသည်။ ငှက်ပျောတစ်ဖီးတွင် တစ်ဆယ့်တစ်လုံးမှ တစ်ဆယ့်သုံးလုံးအထိ ပါသည်။ ထိုအဖီး၏ အစွန်းဆုံးတွင် တစ်လုံးတည်းသာပါသော ငှက်ပျောသီးတစ်လုံးမှာ သုံးမြှောင့်ပုံသဏ္ဌာန်ရှိပြီး ကျန်ငှက်ပျောသီးအားလုံးမှာ လေးမြှောင့်ပုံသဏ္ဌာန် အသီးများ ဖြစ်ကြသည်။ ငှက်ပျောသီးတစ်ဖီးတွင် ဆေးဖက်ဝင်သော အသီး မှာ တစ်လုံးသာပါသည်။ ထိုငှက်ပျောသီးကို ဆေးရုံတက်နေသည့် အစာအိမ် ကင်ဆာဟု ယူဆရသူ လူနာတစ်ဦးကိုပေးရန် ဓာတ်စာအဖြစ် ယူလာကြောင်း ပြောပြသည်။
ငှက်ပျောသီးဖီးကြမ်းသည် လေပူကိုနိုင်သည်။ အစာအိမ်နာ၊ အစာအိမ် ရောင်ခြင်းကို သက်သာစေသည်။ ငှက်ပျောသီးအခွံကို နွှာလိုက်လျှင် တွေ့ရ သောအသားအမျှင်များသည် အစာအိမ်မှ အချွဲအမြှေးကို ပြန်လည်ဖြစ်ထွန်း စေနိုင်သည်။ ထမင်းစားပြီးတိုင်း ဖီးကြမ်းငှက်ပျောသီးအမှည့်တစ်လုံးစား ပေးလျှင် အစာကြေမြန်စေသည်။ လေအောင့်ရောဂါနှင့် အစာအိမ်မှ သွေးယိုစိမ့်သော အနာများကိုပါ စွဲစွဲမြဲမြဲစားလျှင် သက်သာနိုင်ကြောင်း ပြောသည်။
ထိုသူငယ်ချင်းသည် ထိုအချိန်က တိုင်းရင်းသိပ္ပံမှ သင်တန်းသားဆေး ဆရာလောင်းတစ်ဦးဖြစ်သည်။ သူသည် ဆေးပင်၊ ဆေးရွက် ဆေးမြစ်၊ အသီး အဖုတို့၏ အာနိသင် အာယုဗေဒဆေးပညာကို အလွန်စိတ်ဝင်စားပြီး လိုက် စားသူဖြစ်သည်။ ယခုအခါ သူသည် တိုင်းရင်းဆေးတက္ကသိုလ် နိုင်ငံတကာ ဆေးပညာဌာနတွင် ဌာနမှူးအဆင့်ဖြင့် တာဝန်ထမ်းဆောင်နေသည်။
သူက စိတ်လိုလက်ရရှိသောအခါများတွင် ဆေးဖက်ဝင်အပင်တစ်ပင်၏ ဆေးအမယ်များကို စုဆောင်းပြီး ဆေးဖော်စပ်ရာတွင် လိုက်နာရမည့် ဆေး ပညာဥပဒေသများကို ရှင်းပြသည်။ အပင်တွေ့တိုင်း ခုတ်ယူချိုးယူပြီး ဆေး ဖော်၍ အာနိသင်အစွမ်းမရနိုင်ဟု သူကဆိုသည်။
အပင်တစ်ပင်ကို ဆေးဖက်ဝင်အပင်ဟုသိသည်မှာ သာမန်အသိသာဖြစ် သည်။ ဆေးဖော်ရန်အတွက် အရွက်ကိုရယူလိုလျှင် မိုးဥတုနှင့် မိုးအကုန်တွင် ခူးရမည်။ အသီးကိုရယူလိုလျှင် ဆောင်းအကုန် သို့မဟုတ် အသီးရင့်မှည့် ချိန်တွင် ယူရသည်။ သို့သော် ဆေးပင်တစ်ပင်၏အမြစ်ကို ဆေးဖော်လို လျှင် မိုးရာသီတွင် ထိုအပင်၏ အရွက်၊ အသီး၊ အကိုင်း၊ အခက်များကို ခုတ်ယူပြီး ဆေးဖော်သော်လည်း ဆေးအာနိသင်အပြည့်မရနိုင်။ နွေရာသီ ရောက်မှ ထိုအပင်အရွက်ကြွေသောအချိန် နွေဦးပေါက်စ ဂိမှာန်တဥတုတွင် အပင်၏ အမြစ်ကို တူးယူရမည်။ ထိုအချိန်တွင် ဆေးပင်၏ အမြစ်မှာ ဆေးအာနိသင် အပြည့်ရှိသည်။
ပန်းပွင့်များ၊ ဝတ်ဆံများကို ဆေးဖော်ကြသည်။ ထိုပန်းပွင့်ဝတ်ဆံများကို ပျားပိတုန်းတို့မစားသုံးမီ အရင်ယူရမည်။ နောက်ကျပြီးမှ ကြွေကျမှရယူသော အပွင့်များမှာ ဆေးဖက်မဝင်နိုင်ဟု ဆိုသည်။ ဥပမာ ကံ့ကော်ဝတ်ဆံများ ကို နှလုံးအားဆေး၊ သည်းခြေဆေးများ ဖော်ကြသည်ဆိုရာတွင် ဈေးမှကြုံ ရာ ကံ့ကော်ပွင့်ဝယ်ယူ၍ အခြောက်လှန်းပြီး ဝတ်ဆံြေ>ွခယူလေ့ရှိသည်။ ဘုရားတင်ပြီးစွန့်သော အပွင့်ခြောက်များကိုစုပြီး ပရဆေးဆိုင်များသို့ ပြန် ရောင်းလေ့ရှိကြသည်။ ဆေးဖော်မည့်ဆရာက ပရဆေးဆိုင်မှ ကံ့ကော်ပွင့် ခြောက်ကိုဝယ်ပြီး အလွယ်တကူဆေးဖော်ကြသည်။ ဤဆေးတွင်ပါဝင်သည့် ကံ့ကော်ဝတ်ဆံများမှာ ဆေးအာနိသင် အပြည့်ရနိုင်မည်မဟုတ်ပေ။
ဆေးနည်းစာရွက်ကလေးကိုပြပြီး ပရဆေးဆိုင်များတွင် ဆေးစုသောအခါ လိုသောဆေးအမယ်မှန်သမျှ အလွယ်တကူရနိုင်သည်။ သို့သော် ဆေးအာ နိသင်ပြည့်ဝမှန်ကန်သော ဆေးပစ္စည်းကို ရရန်ခက်ခဲပေသည်။ တစ်ခါတစ်ရံ သိမ်းထားချိန်ကြာ၍ မှိုတက်နေသော ဆေးပင်ဆေးရွက်များကို ထည့်ပေး တတ်သည်။ မစစ်ဆေးပဲ အမှုန့်ကြိတ်စက်ပို့လိုက်သောအခါ ထိုမှိုများ ဆေး ထဲတွင် ရောနှောပါဝင်သဖြင့် အသည်းခြောက်ရောဂါဖြစ်ပွားနိုင်ကြောင်း သိရသည်။ ဆေးအတွက်လေးဆိုသကဲ့သို့ ဖြစ်သည်။
ဆေးဆရာများသည် လူနာများကို ဆေးပေးသောအခါ လူနာဟုမမြင်သင့်။ မိမိ၏ မိဘကို ဆေးပေးနေသည်ဟု မြင်ပြီးပေးလျှင် အန္တရာယ်ရှိသော ဆေး ကိုမပေးရဲတော့ပေ။ ဆေးပေးခြင်းသည် မိမိ၏ အသွေးအသားကို ဖဲ့ပေးနေ သကဲ့သို့ သဘောထားမှ ဆရာကောင်းသမားကောင်းဖြစ်မည်။ မိမိပေးသော ဆေးမှရသောငွေသည် လူနာရောဂါမပျောက်လျှင် မိမိအတက် တန်ပြန် အဆိပ်သင့်မည်ဟု သတိပြုအပ်သည်။ ယခုခေတ်ဆေးဆရာများသည် သစ္စာ ရှိသူနည်းပါးသွားပြီး မိမိကိုယ်မိမိ သမားတော်ကြီးအမည်တပ်ထားပြီး အကျိုး အမြတ်အတွက် ဆေးရောင်းစားနေသော သမားအတုအယောင်များ ခေတ် စားနေသည်။ ပြည်တွင်းမှာမရနိုင်သော ဂုဏ်ထူးဆောင်ဘွဲ့များကို ခေါ်လာ ပေး၍ နိုင်ငံခြားမှ ဝယ်ယူထားသော ဒေါက်တာများ ခေတ်စားနေသည်ကို သတိမူရမည့်ခေတ်ဖြစ်သည်။ လူနာများသည် မိမိကုသမည့်ဆရာမှာ သမား စဉ်ဆရာလား၊ အသပြာဆရာလား သတိထားဖို့လိုသည်။ ရှေးက သမားစဉ် ရိုးရာဆေးပညာ ဆေးဆရာကြီးများမှာ ကျမ်းအဆူဆူကို တတ်မြောက်ကြသော် လည်း မည်သူမျှ အနောက်တိုင်းဒေါက်တာဘွဲ့မရကြပါ။ ဖားတစ်ပိုင်း ငါး တစ်ပိုင်း၊ ခေါင်းပေါ်မှာ ခေါင်းပေါင်းစနှင့် လည်ပင်းမှာ နက်ကတိုင်နှင့် အောက်ပိုင်းမှာ တောင်ရှည်နှင့် ခြေထောက်မှာ ဘွတ်ဖိနပ်နှင့် ဝတ်ဆင်ထား သော ကာတွန်းပုံတစ်ပုံကို တွေ့ဖူးသည်။ အနောက်မျှော်ဆရာများကို လှောင်ထားသော ကာတွန်းဖြစ်သည်။
တစ်ခါက စာရေးသူ၏လူနာ အငြိမ်းစားပါမောက္ခချုပ်တစ်ဦးက ပြောဖူး သည်။ ''ဆရာတို့ကတော့ ရိုးရိုးတိုင်းရင်းဆေးပညာဒီပလိုမာဘွဲ့ပဲ ရေးထား တယ်နော်။ ဆရာတစ်ခါက အိမ်နီးချင်းနိုင်ငံကြီးတစ်ခုက P.hd ဘွဲ့ရဆိုတဲ့ မြန်မာဆရာတစ်ယောက်နဲ့ တွေ့ဖူးတယ်။ P.hd ရဲ့ အရှည်ကောက်က ဘာလဲ လို့မေးကြည့်တော့ သူမဖြေနိုင်ဘူး''ဟု ပြောပြသည်။ P.hd ဆိုသည်၏ အရှည်ကောက်မှာ Doctor of Philosophy ဟု ဖြစ်ကြောင်းကို ထိုဘွဲ့တပ် ထားသူက မသိခြင်းမှာ ရှက်စရာကောင်းပေသည်။
ရှေးခေတ်က မြန်မာဆေးဆရာများကို ဗိန္ဒောဆရာများဟု ခေါ်ခဲ့ကြသည်။ သက္ကတမှလာသော ဝိုက်ဒြောဟူသောစကားမှ ဆင်းသက်လာသည်ဟု တိုင်း ရင်းဆေးကောင်စီဝင်ဆရာကြီး ဦးမာဃမှ အမိန့်ရှိဖူးသည်။ ဆေးပစ္စည်းတို့၏ အာနိသင်ကို သိရှိသောဆရာဟု ဆိုလိုသည်။ ဂုဏ်ငယ်စရာမရှိဟု ဆရာ ကြီးက မိန့်ဖူးသည်။ ရှေးခေတ်က မြန်မာဆရာကြီးများတွင် လူထုကပေးအပ် ထားသော ဗိန္ဒောဆရာဟူသော ဘွဲ့မှလွဲ၍ အခြားဘာဘွဲ့မျှ မရှိ။ သို့သော် လူအများ၏ အသက်ကို ကယ်တင်ကုသခဲ့ကြသည်။ ဒုတိယကမ္ဘာစစ်အတွင်း က အင်္ဂလိပ်ဆေးရုံများ ဆေးဝါးမရှိခြင်း ပြတ်လတ်ချိန် ကျောက်ရောဂါ၊ ပလိပ်ရောဂါ ကပ်ဘေးများကျရောက်ချိန်တွင် တောနယ်များတွင် ဤဆေး ဆရာများနှင့်ပင် အသက်ဆက်ခဲ့ကြသည်။ မြွေဆိပ်ဖြေဆေးများမပေါ်မီက တောနယ်များတွင် မြွေကိုက်ခံရသူမှန်သမျှ ဗိန္ဒောဆရာနှင့် ဘုန်းကြီးများက မြွေဆိပ်နိုင်ပင်များ ရှာဖွေပြီးကုသပေးသဖြင့် အသက်ရှင်ခဲ့သူများမှာ ယနေ့ အထိရှိနေဆဲဖြစ်သည်။
ဗိန္ဒောဆရာများသည် မြွေကိုက်ရောဂါသာမက ခက်ရာခက်ဆစ်ခွေးရူး ကိုက်၊ ခွေးရူးပြန်ရောဂါကိုလည်း ဆေးပင်ဆေးမြစ်များဖြင့် ကုသခဲ့ကြသည်။ ခွေးရူးကုနာမည်ကျော်ဆရာကြီးများ မြန်မာဆေးပညာလောကတွင် ရှိခဲ့ သည်။ ကျောက်ရောဂါ၊ ပုလိပ်ရောဂါကပ်ဘေးမှ မြန်မာဆေးနှင့် အသက်ရှင် ခဲ့သူများလည်း ရှိခဲ့သည်။ ဝမ်းနည်းစရာကောင်းသည်မှာ ယခုအခါ ထိုဆရာ ကြီးများ၏ မျိုးဆက်များပါ အမွေမကျန်ခဲ့ပဲ ပျောက်ကွယ်ခဲ့ပြီဖြစ်သည်။
စာရေးသူ၏ သူငယ်ချင်းဆရာကပြောသည်။ ရှေးက ခွေးရူးကုရာတွင် ပဒိုင်းပင်နှင့်ကုခဲ့သည်။ သို့သော် ပဒိုင်းနက်လား၊ ပဒိုင်းခတ္တာလား၊ ပဒိုင်းသုံး ထပ်လား မှတ်တမ်းမကျန်ခဲ့။ ထို့အပြင် ပဒိုင်းသီးလား၊ ပဒိုင်းပွင့်လား၊ အမြစ် လား ရေးမှတ်ထားသော မှတ်တမ်းမကျန်ခဲ့။
မြေဆိပ်ကိုကုခဲ့သည့် ခွေးတောက်ပင်ဆိုလျှင်လည်း အရွက်၊ အနွယ်၊ အမြစ် မည်သည်ကိုသုံး၍ မြွေဆိပ်ဖြေခဲ့သည်ကို မှတ်တမ်းအတိအကျမကျန် ခဲ့ဟု ဆိုသည်။ အစဉ်အဆက်မသုံးသောအခါ ပညာတိမ်မြုပ်ပျောက်ကွက်သွား ခြင်းဖြစ်လေသည်။
ဆေးပင်အသုံးများ၏အလွဲများကို သူကဆက်ပြောပြသည်မှာ ဆီးချို ဝေဒနာသည်တစ်ဦးသည် ဝေဒစာစောင်တစ်ခုတွင်ပါသည့် ဆေးနည်းကိုဖတ် ပြီး ကြက်ဟင်းခါးရွက်များကို အရည်ညှစ်သောက်နေသည်ကို တွေ့ရကြောင်း ပြောသည်။ အမှန်မှာ ဆီးချိုအထိုက်အလျောက်နိုင်သည့် အာနိသင်မှာ ကြက် ဟင်းခါးသီး၏ အစေ့တွင်သာရှိကြောင်း သိရသည်။
သွေးတိုးရောဂါရှိသူတစ်ဦးမှာလည်း ဒန့်သလွန်ရွက်ဟင်းချိုချက်သောက် နေသည်ကို တွေ့ရသည်။ ဟင်းချိုချက်လျှင် အပူလောင်ပြီး ဒန့်သလွန်ရွက်၏ အာနိသင်(အေးသက်)ဓာတ်မှာ ပျက်စီးသွားနိုင်သည်။ အရွက်ကိုထောင်းပြီး အရည်ညှစ်သောက်မှသာ(အေးသက်)အာနိသင်ကိုရရှိပြီး သွေးတိုးကျနိုင်မည် ဖြစ်သည်။
လေပူနိုင်သည်ဟုဆိုပြီး ခွေးတောက်ရွက်ကို ပုစွန်ဆိတ်ကလေးနှင့် ကြော် စားသူ၊ ပြုတ်ပြီးတို့စရာအဖြစ် စားသူများလည်းရှိသည်။ လေပူမနိုင်သည့်အပြင် သွေးတက်ပြီး ဦးနှောက်သွေးကြောပြတ်သွားနိုင်သည်။ ဝဖြိုးပြီး ခေါင်းချွေး အလွန်ထွက်သူများ ခွေးတောက်ရွက်နှင့်မသင့်ပါ။ ပိန်ပြီး လေချုပ်ရောဂါ ရှိသူ၊ နာလန်ထအားနည်းပြီး လေမသက်သူများကိုသာ ခွေးတောက်ရွက်နှင့် ကြက်ရိုးဟင်းချိုချက်သောက်ရန် ဓာတ်စာအဖြစ် ရှေးဆရာကြီးများက ပေး လေ့ရှိသည်။
မြန်မာအမျိုးသမီးငယ်များသည် မီးယပ်သွေးပေါ်ချိန်မပေါ်လျှင် မီးယပ် ဆေးပူများ ဝယ်သောက်လေ့ရှိသည်။ အချို့မှာ ချင်းနှင့်ထန်းလျက်ပြုတ်သောက် ကြသည်။ ဤသို့ ပြုတ်ရာတွင် ထန်းလျက်အနေတော် ခုနစ်ခဲတွင် ချင်းပါးပါး အလွှာ ခုနစ်လွှာထက်ပိုမထည့်ရ။ ချင်းများလျှင် အပူလွန်ပြီး ပေါ်မည့်မီးယပ် သွေးမှာ မပေါ်ပဲ ခမ်းသွားတတ်သည်။ ထန်းလျက်မှာ သံဓာတ်ပါသည်။ အားကိုဖြစ်စေသည်။ သွေးအားနည်းလျှင် ထန်းလျက်ကပိုမှသာ သွေးအား ဖြစ်ပြီး မီးယပ်ပေါ်မည်ဖြစ်သည်။
မြန်မာ့ရိုးရာဆေးများကို သုံးစွဲရာတွင် ဆေးနည်းမှန်ကန်သော်လည်း ဆေး ပစ္စည်းအာနိသင်မမှန်သဖြင့်၊ မသန့်စင်သဖြင့် မစွမ်းသည်များရှိသကဲ့သို့ အချိန်အတွယ်မမှန်ကန်သဖြင့် တလွဲဖြစ်နေရသည်များလည်းရှိသည်။ နွယ် မြက်သစ်ပင် ဆေးဖက်ဝင်သည်ဟု ဆိုသော်ငြားလည်း အပင်တစ်ပင်တည်းမှာ ပင် ဆေးဖက်ဝင်သည့် အစိတ်အပိုင်း၊ မဝင်သည့် အစိတ်အပိုင်းရှိသည်။ ငှက်ပျောတစ်ဖီးမှာပင် ဆေးဖက်ဝင်သည့်အသီး၊ မဝင်သည့်အသီးဟူ၍ရှိ သည်။ ထို့အပြင် ဆေးပေးသော ဆရာ၏ ပညာ၊ အယူအဆ၊ သိက္ခာ၊ သမာဓိ၊ သီလတို့နှင်လည်း သက်ဆိုင်သည့်အကြောင်း ရေးသားတင်ပြလိုက်ရ သည်။ ။
ကြည်လွင်မြင့် (မုဒြာ)
Myanmaalinn
https://www.facebook.com/MYANMAALINNNEWS
