2. ဆရာ လက်မောင်းထဲမှာ အပ်မြှုပ်ပြီး သားဆက်ခြား၊ သန္ဓေတားတဲ့အကြောင်း ပြည့်ပြည့် စုံစုံ သိချင်ပါရစေရှင်။ ပြန်လည်ဖြေကြားပေးပါရှင်။ လေးစားစွာဖြင့် မေတ္တာရပ်ခံပါတယ်ရှင်။
ဆံညှပ်အရွယ်၊ ကွေးနိုင်ဆန့်နိုင်တဲ့ ပြွန်ချောင်းကလေးတခု ဖြစ်တယ်။ လက်မောင်းအတွင်းဖက် အရေပြားအောက်မှာ ထုံဆေး-ပိုးသန့်ဆေး သုံးပြီးထည့်ထားရတယ်။ သူကနေ Progestogen ဟော်မုန်းကို ၃ နှစ်ကြာအောင် ထုတ်ပေးနေမယ်။ ဟော်မုန်းကနေ လစဉ် မ-မျိုးဥအိမ်ကနေမ-မျိုးဥမထွက်စေအောင် တားဆီးပေးတယ်။ သားအိမ်အဝရှိတဲ့ ချွဲကျိတဲ့ အရည်ကိုလဲ ပြစ်စေးလာစေလို့ ကျားသုက်ပိုးကိုသားအိမ်ထဲမဝင်စေအောင် ထားမယ်။ သားအိမ် အတွင်းသား နံရံကိုလဲ ပါးလွှာစေလို့ သန္ခေတွယ်ကပ်မှာကိုလည်း တားဆီးပေးမယ်။ ၉၉% မကထိရောက်တယ်။ လစဉ်ရာသီလာအပြီး ၅ ရက်မြောက်နေ့ကစ ထည့်ထားရင် ချက်ချင်းထိရောက်တယ်။ အဲဒီအချိန်မှာကိုယ်ဝန်ရှိမနေစရေဘူး။ ကလေးဖွါးပြီးစမှာလဲ ထည့်နိုင်တယ်။ သားပျက်ပြီးစလဲထည့်နိုင်တယ်။ ကလေးနို့တိုက်တာကိုလဲသက်ရောက်မှုမပြု။ ရာသီမလာမီ လက္ခဏာတွေကိုလဲ သက်သာစေတယ်။
1. Nexplanonဆိုတာ Organon ကုမ္ပဏီကထုတ်ပြီး Etonogestrel ပါတယ်။ ၃ နှစ်ခံတယ်။
2. Norplant ကို ၁၉၈၃ ကတည်းက ဖင်လန်နိုင်ငံမှာစသုံးခဲ့တယ်။ Levonorgestrel (Progestin) 36 mg ပါပြီး (2.4 mm × 34 mm) အရွယ်ရှိတဲ့ Silicone capsules (၆) ခု ဖြစ်တယ်။ ၅ နှစ် ခံတယ်။ ယပ်တောင် ပုံလေးလို လှလှပပလေး ထည့်ပေးတယ်။ အပေါ်ကနေ မြင်နေရတတ်တယ်။ သေခြာစမ်းရင် သိနိုင်တယ်။ အိန္ဒိယကထုတ်တဲ့ Norplant capsules ၆ တောင့်ထဲမှာAprogestinပါတယ်။ ဝတဲ့သူတွေလဲရတယ်လို့ ပြောတယ်။ ၅ နှစ်ထားနိုင်တယ်။
3. Jadelle (Norplant II) နာမည်နဲ့ တခြားနိုင်ငံတွေမှာရှိတယ်။ (2.5 mm × 43 mm) အရွယ် (စီလီကွန်) (၂) ချောင်း ထဲမှာ 75 mg Levonorgestrelပါတယ်။ ၁၉၉၆ က စသုံးတယ်။ အစက ၃ နှစ် နောက်တော့ ၅ နှစ် အာမခံတယ်။ အစနှစ်မှာ တနေ့ကို 100 µg/day နောက်၊ 40 µg/day နဲ့ 30 µg/day နှုန်းနဲ့ ၅ နှစ်ကြာထုတ်ပေးနေမယ်။
4. Implanon (Etonogestrel) ကို ဗြိတိန်မှာ ၁၉၉၉၊ ကတည်းကစသုံးတယ်။ Etonorgestrel ဟော်မုန်းပါတယ်။ 4 cm x 2 mm အရွယ်ရှိတယ်။ တတောင်ဆစ် အောက်နားအရေပြားအောက်မှာထည့်လေ့ရှိတယ်။ အခုအဲဒါ Nexplanonနဲ့ အစားထိုးလိုက်ပြီ။ ခပ်ဆင်ဆင်ပါဘဲ။ ဒါပေမဲ့ ဓါတ်မှန်မှာပေါ်နိုင်တာလုပ်ထားတယ်။ Applicator ပါလို့ ထည့်ရတာလဲ လွယ်တယ်။ အရင်ဟာကို ၃ နှစ် ကျော်ရင်တော့ အသစ်နဲ့ အစားထိုးတာကောင်းတယ်။
5. Implanonကိုသာ USA မှာ ၂ဝဝ၆ ဇူလိုင်ကစပြီးလိုင်စင်ပေးထားတယ်။ Etonogestrel 68 mg ပါပြီး၊ ၃ နှစ်ခံ၊ (၁) ချောင်းထဲ ဖြစ်တယ်။ ထုံဆေးသုံးပြီးလူနာကညာသန်ဆိုရင် ဘယ်လက်ဖျံမှာတဒေါင်ဆဆစ် အထက် လက်မောင်း အတွင်းဘက် ၈-၁ဝ စင်တီမီတာနေရာမယ် ထည့်ပေးတယ်။ ၅-၁၅ မိနစ်အလုပ်သာ ဖြစ်တယ်။ ၄% လောက်မှာ သွေးခြည်ဥတာ၊ ဖေါင်းတာ၊ နီရဲတာ၊ နာနေတာ ဖြစ်တတ်တယ်။
မထည့်ခင် ကိုယ်ဝန်ရှိမနေတာသေခြာစေသင့်တယ်။ ဆီးစစ်ပါ။ ရာသီစလာတဲ့ရက်ကနေ ၅ ရက်အတွင်းလုပ်သင့်တယ်။ ကလေး ဖွါးပြီးစ၊ ကလေး ၃ ပတ်အရမှာလုပ်နိုင်တယ်။ ကလေးနို့တိုက်တာမှာ ပြဿနာမရှိစေဘူး။ နို့ထဲမှာ ဟော်မုန်း နဲနဲလေးတော့ ပါနေနိုင်တယ်။ ကိုယ်ဝန်ပျက်ပြီးသူလဲချက်ချင်းထည့်နိုင်တယ်။ ထည့်ပြီး ၂၄ နာရီကစပြီးသက်ရောက်မှု ရှိမယ်။ ပြန်ထုတ်ပြီးရင် မကြာခင် ကိုယ်ဝန် ရနိုင်လာတယ်။
မွေးလမ်းကနေ ဘာမှန်းမသိဘဲသွေးဆင်းနေသူ၊ အသဲရောဂါဆိုးရှိနေသူ၊ သွေးခဲပိတ်ရောဂါရှိနေသူ၊ မျိုးဥအိမ်-အကျိတ် ရှိနေသူတွေ မသုံးသင့်ပါ။ လူကောင် သိပ်ကြီးနေသူတွေမှာကိုယ်ဝန်တားဘို့ ဆေးမနိုင် ဖြစ်တတ်တယ်။ သွေးဆင်းနေချိန်၊ အသဲရောဂါရှိနေရင်၊ သွေးခဲပိတ်ရောဂါရှိနေရင် မသုံးရဘူး။ မျိုးဥအိမ် အကျိတ် ရှိသူတွေလဲမသုံးသင့်ဘူး။ လူကောင် ဝလွန်းသူတွေအတွက်လဲကိုယ်ဝန်တားဘို့ မသေခြာလှဘူး။ ဥပမာ Body mass index ဆိုတာက 35kg/sqmetre ကျော်နေရင်။ ကိုယ်ဝန် ရှိနေရင်၊ အသဲရောဂါ ရှိနေရင်၊ အခုဒါမှမဟုတ် လွန်ခဲ့တဲ့ ၅ နှစ်က ရင်သား-ကင်ဆာရှိရင်၊ (မိုင်ဂရင်း) အမူးရောဂါ ရှိရင် မသုံးသင့်ဘူး။ Rifampicin (Rifadin) and Rifabutin (Mycobutin), Phenytoin (Epanutin), Carbamazepine (Tegretol), Phenobarbital and Primidone (Mysoline) ဆေးတွေနဲ့ ဓါတ်ပြုနိုင်တယ်။ HIV အတွက်ဆေးတွေလဲပါတယ်။ St John's wort (Hypericumperforatum, Tipton's Weed, Chase-devil, Klamath weed) ခေါ်တဲ့ စိတ်ကျရောဂါ အတွက် သုံးတဲ့ တိုင်းရင်းဆေးပေးနေသူတွေ မသုံးသင့်ဘူး။
၁၉၉ဝ ကျော်မှာစပေါ်တုံးက အလွန်ဆွဲဆောင်မှုရှိတဲ့ ကိုယ်ဝန်တားနည်းဖြစ်လာရာကနေ ၂ဝ၁၁ အစပိုင်းရောက်တော့ ကိုယ်ဝန် ရသွားသူပေါင်း ၆ဝဝ ရှိတယ်လို့ ဗြိတိန် တီဗွီတွေမှာပြောလာတယ်။ မကြာခင်မှာဘဲ အဲလိုပြောတာ မဟုတ်တဲ့အကြောင်း မီဒီယာကနားလည်မှုလွဲတာပါလို့ (ဂါးဒီးယန်း) သတင်းစာကနေ ပြန်ရေးတယ်။ ၁ဝ နှစ်အတွင် ကိုယ်ဝန်ရသူပေါင်း ၅၄၈ ယောက်ရှိတယ် ဆိုတာဟာမအောင်မြင်မှုနှုန်း တနှစ်မှာ ဝ့ဝ၁၄% သာဖြစ်တယ်။ အောင်မြင်မှုနှုန်းက ၉၉့၉၈% ဖြစ်တယ်။
၂ဝဝဝ ခုကျော်နှစ်တွေထဲမှာထည့်ထားတဲ့ ဆေးချောင်းလေးကပြေးနေသလိုနေရာရွေ့တဲ့ဇာတ်လမ်းတွေ ကြားလာရတယ်။ ဗြိတိန်မှာသုံးတာကို Implanon ခေါ်တယ်။ တချောင်းထဲဘဲ။ တတောင်ဆစ်အထက်နားမှာထည့်တာများတယ်။ သူ့ထဲမှာ Etonorgestrel ဟော်မုန်းပါတယ်။ ၂ဝ၁ဝ အောက်တိုဘာရောက်တော့ Implanonကိုမသုံးစေတော့ဘူး။ Nexplanon (Etonogestrel) ဆိုတာ အစားဝင်လာတယ်။ ဓါတ်မှန်ရိုက်ရင် မြင်နိုင်တဲ့ Barium ပါထည့်ပေးတာသာကွာခြားတယ်။ အရင်ဟာကို ထည့်ထားသူတွေက ၃ နှစ်ပြည့်ရင် ဆေးချောင်းသစ်ကိုသာထည့်ရမယ်။
လွန်ခဲ့တဲ့ ၁ဝ နှစ်တာသမိုင်းကိုဆန်းစစ်တဲ့အခါ စိတ်မသက်သာစရာတွေ တွေ့လာရတယ်။ ၆-၁-၂ဝ၁၁ လန်ဒန်ကလာတဲ့ သတင်းတပုဒ်မှာ ၃ နှစ်ခံ Implanon implant သုံးတဲ့ အမျိုးသမီး ၅ဝဝ မယ် ကိုယ်ဝန်ရခဲ့တယ်လို့ ဆိုတယ်။ (တီဗွီ-စတိုရီ) တွေလည်း ပြကြတယ်။ နောက်ထပ် ဒါပေမဲ့တခုဆက်လာပါတယ် (မီဒီယာ) သမားတွေဟာ အခြေခံသင်္ချာကို နားလည်မှု လွဲနေတယ်တဲ့။ ပြောတဲ့သူက Medical statistician ဆေးပညာ-စာရင်းဇယားပညာရှင်ပါ။ ၁ဝ နှစ်အတွင်းကိုယ်ဝန် ၅၈၄ ဆိုတာဟာ Failure rate မအောင်မြင်နှုန်း ဝ့ဝ၁၄% သာဖြစ်ပါတယ်၊ Success rate အောင်ချက်က ၉၉့၉၈၆% ပါတဲ့။
UK မှာ ၁၉၉၉ တည်းကအမျိုးသမီးပေါင်း ၁့၎ သန်း Implanon ထည့်ထားကြတယ်။ ၁၆ဝ၇ က (ကွန်ပလိန့်) တက်တယ်။ ၉၉% ထိရောက်တယ်။ ညွှန်ကြားချက်လဲထုတ်ထားလိုက်တယ်။ လူနာတွေကိုသတင်းအချက်အလက် အစုံအသိပေးပါ။ အကျိုးနဲ့ အပြစ်တွေ၊ တခြားနည်းနာတွေ၊ ဘေးထွက်-ဆိုးကျိုးတွေ ပါစေရမယ်။ ပြဿနာပေါ်ရင် ရှင်းလင်းချက်၊ တောင်းပန်ချက်၊ ဘယ်လိုကိုင်တွယ်မလဲ၊ ထည့်ပေးထားသူတွေကို (ဖေါလိုအပ်) ခေါ်ယူစစ်ဆေးမှု စီစဉ်ပေးပါ၊
ရေရှည်မှာဘာဖြစ်သလဲ။ ကင်ဆာမဖြစ်တာတော့ သိထားတယ်။ တခြားဆိုတာတွေ သိပ်မသိလှသေးပါ။ ကောင်းတာက တခုခုဖြစ်ရင် ထုတ်ပြစ်လိုက်ယုံဘဲ။ ဆေးထိုးတာသူတွေနဲ့ မတူဘူး။ ဆေးသတ္တိကချက်ချင်းရပ်သွားတာ။
ဘေးထွက်-ဆိုးကျိုးတွေ = ရာသီမလာတာလူတိုင်းတော့ မဟုတ်ပါ။ ခေါင်းကိုက်၊ ခေါင်းမူး၊ အစက်အပျောက်ထွက်၊ ရင်သားတင်းနာ၊ စိတ်ကျ၊ ကိုယ်ရောင်သလိုဖြစ်မယ်။ ဝက်ခြံပိုထွက်မယ်။ လူကပိုဝလာ၊ (မဟုတ်ဘူးပြောတာလဲရှိတယ်)၊ စိတ်မူပြောင်းလဲ၊ (မဟုတ်ဘူးပြောတာလဲရှိတယ်)၊ လိင်စိတ် ပြောင်းလဲ၊ (မဟုတ်ဘူးပြောတာလဲရှိတယ်)။
ထည့်ကာစမှာသာအဖြစ်များပြီး ၃-၆ လနေရင် အများကြီးသက်သာသွားတယ်။ ဆေးချောင်းထည့်စ ပဌမနှစ်မှာ ရာသီမမှန်ဖြစ်တယ်။ ရက်မဟုတ်ဘဲသွေးဆင်းနိုင်တယ်။ ရက်ရှည်နိုင်တယ်။ ဆင်းတာလဲများနိုင်တယ်။ နောက်နှစ်ဆိုရင် အသားကျလာမယ်။ အဲလိုဖြစ်တာနည်းလာမယ်။ တချို့မှာရာသီအရောင်ပျော့မယ်။ အဆင်းနည်းမယ်။ လုံးဝမဆင်းဘဲလဲ နေမယ်။ သွေးဟာရာသီမဟုတ်ဘဲပိုးဝင်တာဖြစ်မလားမသေခြာရင် ဆရာဝန်ပြပါ။
၂ဝ-၃-၂ဝ၁၁ Guardian News and Media ကလဲ GPs ဆရာဝန်တွေ ဘယ်လိုစနစ်တကျ ထည့်ပေးရမယ်ဆိုတဲ့ သင်တန်းယူသင့်တယ်လို့ ရေးတယ်။ သူတို့ဆီမှာအာမခံစနစ်၊ တရားစီရင်ရေးစနစ်တွေကပိုကောင်းတာမို့ နစ်နာသူတွေ လျှော်ကြေးရနိုင်ကြလို့ ၁၁ ဦးကတင်တာမှာ ၆ ဦးအတွက် ပေါင် ၁ သိန်းပေးခဲ့ရတယ်။ ဘယ်အရာမှာမဆို လက်မှတ်ရှိသူ ဖြစ်ပေမဲ့ တတ်ကျွမ်းသူနဲ့ အတွေ့အကြူံများသူမတူကြပါ။
Dr. တင့်ဆွေ
https://www.facebook.com/pages/Dr-Tint-Swe/490031307758025
