၂၀၁၄ ခုနှစ်၊ စက်တင်ဘာလ ၂၂ ရက်နေ့ နံနက် ၁၁ နာရီအချိန် မန္တလေးတိုင်းဒေသကြီး၊ မန္တလေးခရိုင်ရဲတပ်ဖွဲ့မှူးရုံးမှတပ်ဖွဲ့ဝင်များသည် မပေါ်ပေါက်သေးသည့်အမှုများအား ကူညီစုံစမ်း ဖော်ထုတ်နိုင်ရန် သက်သေများနှင့်အတူ နယ်မြေအတွင်းသတင်းစုံစမ်းနေစဉ် ၈၆ လမ်း၊ ၁၀x၁၁ လမ်းကြား၌ I-phone တစ်လုံးနှင့်အတူ မသင်္ကာဖွယ်တွေ့ရှိသူတစ်ဦးအား စစ်ဆေးခဲ့သည်။
စစ်ဆေးချက်အရ အောင်မြေသာစံမြို့နယ်၊ ညောင်ကွဲရပ်ကွက်နေ မင်းမော်ဦး(၂၀)နှစ်ဖြစ်ပြီး လွန်ခဲ့သော(၅)ရက်ခန့် ည ၇ နာရီအချိန်ခန့်က သူငယ်ချင်းဖြစ်သူ ရာမင်း မောင်းနှင်သည့် ဆိုင်ကယ် နောက်မှ ထိုင်၍လိုက်ပါကာ ၃၄ လမ်း၊ ၇၇x၇၈ လမ်းကြားတွင် လမ်းလျှောက်နေသည့် အမျိုးသမီး တစ်ဦးထံမှ ပိုက်ဆံအိတ်အား လုယူခဲ့ကြောင်း၊ ထို့နောက် ပိုက်ဆံအိတ် အတွင်းပါရှိသည့် I-phone တစ်လုံး၊ ကျောက်ဆွဲပြားပါဆွဲကြိုး ၁ ကုံးတို့အား မင်းမော်ဦးမှယူခဲ့ပြီး Key Pad ဖုန်း ၂ လုံးအား ရာမင်းမှယူကာ ငွေကျပ်(၄)သိန်းကျော်အား ၂ ဦးခွဲဝေသုံးစွဲခဲ့ကြောင်း သိရှိရ သဖြင့် ၎င်းတို့ ၂ ဦးအား ချမ်းအေးသာစံမြို့မရဲစခန်း (ပ)၅၈၇/၂၀၁၄၊ ပြစ်မှုပုဒ်မ ၃၈၂/ကျင့် ၅၄ ဖြင့် အမှုဖွင့်အရေးယူ ထားကြောင်း သတင်းရရှိသည်။
ရဲဇာနည်
https://www.facebook.com/yezarnimedia?fref=nf
