အရေခွံလဲသည့် မြွေလူသားလေး

အင်ဒိုနီးရှားနိုင်ငံမှ အာရီ ၀ီဘိုဝိုအမည်ရှိ အသက် ၁၆ နှစ်အရွယ် ယောက်ျားလေးတစ်ဦးသည် ၄၁ ရက်ပြည့်သည့်နေ့တိုင်းတွင် မြွေတစ်ကောင်ကဲ့သို့ အရေခွံလဲလေ့ရှိပြီး အရေခွံများမာတောင့်သွားခြင်းမရှိစေရန်အတွက် မိမိ၏ခန္ဓာကိုယ်ကို စွတ်စိုနေစေရန် မကြာခဏ ပြုလုပ်ပေးနေရသည်ဟု ဆိုသည်။

အာရီသည် လူနီရောဂါဟုလည်း လူသိများသည့် Erythroderma ခေါ် ရှားပါးသည့် အရေပြားယောင်ယမ်းသော ရောဂါတစ်မျိုး ခံစားနေရခြင်း ဖြစ်ပြီး အင်ဒိုနီးရှားရှိ ဆရာဝန်များကလည်း ကုသမပေးနိုင်ခြင်း သို့မဟုတ် ကုသပေးရန် ဆန္ဒမရှိခြင်းတို့ကြောင့် ပုံတွင်တွေ့မြင်ရသည့်အတိုင်း သာမန်ထက်ထူးခြားသော အသွင်အပြင် ဖြစ်နေရ သည်ဟု Daily Mail သတင်းတစ်ရပ်တွင် ဖော်ပြထားသည်။

ယင်းရောဂါကြောင့်ပင် အာရီဝီဘိုဝို၏ခန္ဓာကိုယ်တစ်ခုလုံးနီးပါးကို အကြေးခွံများကဲ့သို့ အဖတ်ကလေးများဖြင့် ဖုံးလွှမ်းလျက် ရှိသည်။ အာရီအနေဖြင့် နေ့ရောညပါ ခန္ဓာကိုယ်ကို ရေစိမ်နေရပြီး ခန္ဓာကိုယ် ခြောက်မသွားစေရန်အတွက် သုံးနာရီတိုင်း လိုးရှင်းအမြဲ လိမ်းနေရသည်ဟု ဆိုသည်။

ဓာတ်ပုံဆရာ နျူချိုလစ်အန်ဟာရီလူဘစ် (၃၅ နှစ်)က အဆိုပါ ဆယ်ကျော်သက် ချာတိတ်လေး၏ အခြေအနေကို အက်ဆေး ပရောဂျက်ပုံစံတစ်ခုလုပ်၍ မြွေတစ်ကောင်အရေပြားလဲသကဲ့သို့ဖြစ်နေသည့် အာရီ၏ခန္ဓာကိုယ်အခြေအနေကို တင်ဆက်ခဲ့သည်။
“တကယ်လို့သာ သူ့ရဲ့ ခန္ဓာကိုယ်ကို ရေမစိမ်ဘူး၊ ဒါမှမဟုတ် စွတ်စိုနေအောင်မလုပ်ဘူးဆိုရင် သူ့ရဲ့ ခန္ဓာကိုယ်ဟာ ရုပ်ထုတစ်ခုလိုပဲ မာတောင့်သွားပြီး လှုပ်လို့ ရတော့မှာမဟုတ်ဘူး။ သူ့အနေနဲ့ အချိန်အကြာကြီး ဂရုမစိုက်ဘဲနေလိုက်မယ်ဆိုရင်၊ သူစကားပြောလို့ရတော့မှာမဟုတ်ဘူး။ ဘာကြောင့်လဲ ဆိုတော့ သူ့ရဲ့ ပါးစပ်ထဲက ပါးစောင်အရေပြားတွေက မာလာပြီး သူ့ရဲ့ ခန္ဓာကိုယ်ထဲက သွေးတွေအားလုံး ခြောက်ခမ်းသွားလိမ့်မှာမို့လို့ ပါပဲ။” ဟု ဓာတ်ပုံဆရာ မစ္စတာလူဘစ်က ဆိုသည်။

လက်ရှိအချိန်အထိ အာရီအနေဖြင့် သူ၏ကျေးရွာတွင် သာမန်ဘ၀ဖြင့် နေထိုင်ရန် ကြိုးပမ်းနေဆဲဖြစ်သည်။ အခြား လူများ ကဲ့သို့ပင် သာမန်အစားအသောက်များကို ပုံမှန်စားသောက်ပြီး သူ၏ အကြိုက်ဆုံး မုန့်ပဲသွားရေစာမှာ အသင့်စား ခေါက်ဆွဲနှင့် ခရက်ကာများဖြစ်ကြောင်း မစ္စတာလူဘစ်က ဆိုသည်။
အာရီသည် ငယ်ရွယ်စဉ်က သူငယ်ချင်းမိတ်ဆွေဖွဲ့ရာတွင် အခက်တွေ့ခဲ့သည်။ အခြားသော ကလေးများနှင့် သွားရောက် ကစားလေ့ရှိသော်လည်း ၎င်း၏တစ်မူထူးခြားနေသော အသွင်ကြောင့် အများအားဖြင့် ဖယ်ကြဉ်ခံရလေ့ရှိသည်။ အာရီအနေဖြင့် စာပေ လေ့လာသင်ယူလျက်ရှိသော်လည်း လူ့အသိုင်းအ၀ိုင်းတွင် သူ၏အခြေအနေနှင့်ပတ်သက်၍ လျစ်လျူရှုခံရမှုကြောင့် မဖြစ် မနေ တစ်ဦးတည်း စာသင်ယူနေရသည်။

“ဘယ်စာသင်ကျောင်းကမှ သူ့ကို လက်မခံချင်ကြဘူး။ ဘာလို့လဲဆိုတော့ သူ့ရဲ့ အရေပြားအခြေအနေက ဆရာတွေနဲ့ တစ်ခြား ကျောင်းသားတွေကို ကူးစက်မှာ စိုးရိမ်ကြလို့ပါပဲ။” ဟု မစ္စတာလူဘစ်က ဆိုသည်။
အာရီအနေဖြင့် သူ၏ကျေးရွာရှိ အယူသီးသည့် အစွဲအလမ်းများ၏ ဒဏ်ကိုလည်း ခံစားနေရသည်ဟု ဆိုသည်။ လူအချို့ကလည်း အာရီ၏ မိခင်ဖြစ်သူသည် အာရီကို ကိုယ်ဝန်ဆောင်ထားစဉ်က အိမ်မြောင်တစ်ကောင်အား ညှင်းဆဲခဲ့သည့်အတွက် ယင်းသို့ မကောင်းသည့်လုပ်ရပ်က ကလေးကို ထိခိုက်စေခဲ့ခြင်းဖြစ်သည်ဟု ယုံကြည်ထားကြသည်။
ဂျာကတာအခြေစိုက် ဓာတ်ပုံဆရာ မစ္စတာလူဘစ်က ချာတိတ်လေး၏ မိသားစုနှင့် လေးရက်နေထိုင်ခဲ့ခြင်းဖြစ်သည်။

“ဓာတ်ပုံရိုက်မလို့ အာရီအနားကို ကျွန်တော်ကပ်သွားတော့၊ အာရီက ရှိုးတိုးရှန့်တန့်ဖြစ်နေပုံပါပဲ၊ ဒါပေမယ့် သူက ရှောရှောရှူရှူပဲ သူ့ရဲ့ဇာတ်လမ်းကို မျှဝေဖို့ ပျော်ရွှင်နေတာပဲဗျ” ဟု လူဘစ်က ဆိုသည်။
အာရီသည် လက်ရှိအခြေအနေအရ စကားပြောရာတွင်လည်း အခက်အခဲဖြစ်နေသည်။ သူ၏ညာဖက်မျက်လုံးမှာ အမြင်အာရုံ မကောင်းပေ။ ဘယ်ဘက်မျက်လုံးကိုလည်း စိုစွတ်နေစေရန် မကြာခဏ မျက်စဉ်းခတ်ပေးနေရသည်ဟု သိရသည်။

Ref:Daily Mail

စည်သူကျော်စွာ
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ