ဆီးချို သွေးချို ရောဂါ ဖြစ်ပွားမှုနှုန်း တိုးလာ

 ဆီးချို သွေးချိုရောဂါသည် ကမ္ဘာနှင့်အဝှမ်း ဖြစ်ပွားမှုနှုန်းတိုးလာပြီး မြန်မာနိုင်ငံ အနေဖြင့်လည်း တိုးပွား ဖြစ် ပေါ်လျက်ရှိကာ ကမ္ဘာပေါ်၌ ၎င်းဝေဒနာရှင်ပေါင်း ၂၄၆ သန်းကျော်ရှိကြောင်း သိရသည်။

၎င်းဆီးချိုသွေးချို ရောဂါသည် သွေးထဲတွင် အချိုဓာတ် လွန်ကဲပြီးဖြစ်သည့် ရောဂါဖြစ်ကာသွေးမှ ဆီးထဲအထိ အချိုဓာတ်များ ရောက်ရှိခြင်းဖြစ်သည်။ အဆိုပါ ရောဂါဖြစ်ပွားပါက အချိန်မတန်မီစော၍ သေဆုံးနိုင်ခြင်း၊ သာမန်ထက် သက်တမ်း ၁ဝ နှစ်အထိ ပိုတိုနိုင်ခြင်း၊ ခန္ဓာကိုယ်အင်္ဂါများ ထိခိုက်ပျက်စီး၍ လူစဉ်မမီဖြစ်နိုင်ခြင်း တို့ ဖြစ်ပွား နိုင်ပြီး ဆေးကုသမှု စရိတ်ကြီးမားသော ရောဂါတစ်ခုလည်းဖြစ်သည်။

ဆီးချိုသွေးချိုရောဂါသည် အသက် ၄၅ နှစ်အထက်ရှိသူများ၊ ကိုယ်အလေးချိန် ရှိသင့်သည်ထက် ပိုသူများ အဝလွန်သူများတွင် ပိုမိုဖြစ်နိုင်ကြောင်း၊ ၎င်းရောဂါ ကာကွယ်ရန်အတွက် ချိုလွန်း၊ ငန်လွန်း၊ အဆီများလွန်း သော အစားအစာများကို လျှော့စားရမည်ဖြစ်ကာ အမျှင်ဓာတ်များသော ဟင်းသီး ဟင်းရွက်နှင့် သစ်သီးများ များစားပေးရမည် ဖြစ်သည်။ တိရစ္ဆာန်မှ ရရှိသည့် အဆီများလျှော့စား၍ ကိုယ်အလေးချိန် ရှိသင့်သည်ထက် မပိုစေရန် ဂရုစိုက် ထိန်းသိမ်းရမည် ဖြစ်ကာ အချိုရည်သောက်ခြင်းဖြင့် ရေဆာ မှုကိုမဖြေဘဲ ရေကိုသာ သောက်သုံးသင့်ကြောင်း မြန်မာနိုင်ငံ ဆီးချို သွေးချိုရောဂါ အသင်း Myanmar Diabetes Association က သိရသည်။

မြ၀တီ