ရန်ကုန်တိုင်းဒေသကြီးရဲတပ်ဖွဲ့မှူးရုံး၊ အကူတပ်ဖွဲ့ခွဲ၊ လုံခြုံရေးတပ်ခွဲ(၂)မှ တပ်ဖွဲ့ဝင်များသည်ခါးပိုက်နှိုက်ဖမ်းဆီးရမိရေးအတွက် ၂၃.၆.၂၀၁၄ ရက်နေ့ ၀၉၃၀ အချိန်တွင် မင်္ဂလာဒုံမြို့နယ်၊ အမှတ် (၃)လမ်းမကြီး၊ အလယ်ပေါက်ကားမှတ်တိုင်၌စောင့်ကြည့်သတင်းစုံစမ်းနေစဉ် မှတ်တိုင်သို့ ဆိုက်ရောက်လာသည့် (၁၀၃)ယာဉ်လိုင်း၊ ခရီးသည်တင်ဒိုင်နာယာဉ်ပေါ်မှဆင်းလာသော ခါးပိုက်နှိုက် ပြစ်ချက်ဟောင်းရှိသူ မင်္ဂလာဒုံမြို့နယ်၊ သင်္ဃန်းကျွန်းကြီးကျေးရွာနေသူများဖြစ်သည့် ဟန်ဝင်းအောင် (ခ)ကိုဟန် (၃၀)နှစ်၊ (ဘ)ဦးဆန်းအောင်နှင့်စောအယ်နော်ကောင်း(ခ)အယ်နီကောင်း(၂၀)နှစ်၊(ဘ)ဦးအယ်တို့အားတွေ့ရှိသဖြင့် စစ်ဆေးရှာဖွေရာ ၎င်းတို့လွယ်ထားသော ကျောပိုးအိတ်အတွင်းမှ အပေါင်ဘောင်ချာစာရွက်(၁)ရွက်၊ မိုးစက်ပုံပန်းနုရောင် ကျောက်(၁)လုံးနှင့်ငွေကျပ် (၁၂၈၀၀)တို့အား တွေ့ရှိခဲ့ပါသည်။
အဆိုပါငွေ၊ပစ္စည်းများနှင့်ပတ်သက်၍စစ်မေးရာ၎င်းယာဉ်ပေါ်ပါအသက်(၄၀)နှစ်ခန့်ရှိ အမျိုးသမီးတစ်ဦး၏ စလင်းဘတ်အိတ်အတွင်းမှ နှိုက်ယူခဲ့သောပစ္စည်းနှင့်ငွေများဖြစ်ကြောင်း ပေါ်ပေါက်ရသဖြင့် ၎င်းတို့(၂)ဦးအား မင်္ဂလာဒုံမြို့မရဲစခန်း(ပ)၂၆၉/၂၀၁၄၊ ပြစ်မှုပုဒ်မ ၃၇၉(နှိုက်)/၅၄ဖြင့် အမှုဖွင့် အရေးယူဆောင်ရွက်လျက်ရှိကြောင်း သတင်းရရှိပါသည်။
Yangon Police
