မန္တလေးမြို့တော်တွင် မေလဆန်းက ဖြစ်ပွားခဲ့သည့် အုပ်စုဖွဲ့ကျူးလွန်ခဲ့သည့် လူသတ်မှုတွင် တရားခံများကို ဖမ်းဆီးရမိခြင်း မရှိသေးသောကြောင့် အသတ်ခံရသူ၏ မိဘနှင့် ဆွေမျိုး အသိုင်းအဝိုင်းများ စိုးရိမ်ထိတ်လန့် နေရကြောင်း သေဆုံးသူ၏ ဖခင်ဖြစ်သူ ဦးမြင့်သိန်းက ပြောကြားသည်။
ပြင်ဦးလွင်မြို့နယ် ကောင်းလွန်း ကျေးရွာအုပ်စု၊ ဂွေးပင်ကျေးရွာတွင် နေထိုင်သည့် သားဖြစ်သူ ဦးသိန်းထွဋ်အောင် (၃၀ နှစ်) နှင့် မွေးစားသားဖြစ်သူ မောင်ရဲ (၁၈ နှစ်) တို့နှစ်ဦး ပြည်ကြီးတံခွန်မြို့နယ်၊ ၆၂ လမ်းရှိ အဲဗားဂရင်း စားသောက်ဆိုင်တွင် မေလ ၃ ရက်နေ့ ညပိုင်းက စားသောက်နေစဉ် လူတစ်စုက ဝင်ရောက် တိုက်ခိုက်ခဲ့ရာ ယင်းတိုက်ခိုက်မှုကြောင့် သားဖြစ်သူမှာ နေရာတွင် ပွဲချင်းပြီး သေဆုံးခဲ့ပြီး ကျန်တစ်ဦးမှာ လက်တစ်ဖက်ပြတ် ဒဏ်ရာဖြင့် ထွက်ပြေး လွတ်မြောက်ခဲ့ကြောင်း၊ အဆိုပါ ထွက်ပြေးလွတ်မြောက် လာသူ၏ ပြောကြားချက်အရ ဦးစိုးမင်း ဆိုသူနှင့် အပေါင်းအပါများက ကားတစ်စီးဖြင့် ရောက်ရှိလာပြီး အသင့်ယူဆောင်လာသည့် ဓားများဖြင့် တိုက်ခိုက်ခဲ့ခြင်း ဖြစ်ကြောင်း ဦးမြင့်သိန်းက ပြောဆိုသည်။
“ဦးစိုးမင်း ဆိုတာက လယ်ယာမြေကိစ္စနဲ့ ပတ်သက်ပြီး ကျွန်တော်တို့ အပေါ်မှာ မကျေနပ်မှုတွေ ရှိနေပါတယ်၊ ကျွန်တော့်ကို သတ်မရလို့ သားကိုသတ်သွားတာ။ သူ့တပည့်တွေက ရွာထဲမှာလိုက်ပြီး ခြိမ်းခြောက် ဆဲဆိုနေတာတွေ ရှိနေပါတယ်။ ပြီးတော့ ကျွန်တော်တို့ သွားလာတဲ့ နေရာမှာလည်း မလုံခြုံပါဘူး။ သက်ဆိုင်ရာ ရဲစခန်းကို အကြောင်းကြားတော့လည်း အရေးယူတာ မရှိဘူး” ဟု ၎င်းက ရှင်းလင်းပြောဆိုသည်။
အဆိုပါ ဦးစိုးမင်း ဆိုသူသည် ယခင်က ကျေးရွာအုပ်ချုပ်ရေးမှူးဟောင်း တစ်ဦးဖြစ်ပြီး အုပ်စုဖွဲ့၊ တပည့်မွေးကာ လယ်ယာမြေ အရေးကိစ္စများနှင့် ပတ်သက်ပြီး ရွာသူ၊ ရွာသားများ အပေါ်တွင် မကြာခဏ အနိုင်ကျင့် ဗိုလ်ကျနေသူ ဖြစ်ကြောင်း ဂွေးပင်ကျေးရွာ၏ ရာအိမ်မှူးဖြစ်သူ ဦးစိန်ဝင်းက ပြောကြားသည်။
“ပြောရရင် သူက သူများလုပ်နေတဲ့ လယ်တွေ၊ ယာတွေကို မတရား သိမ်းချင်နေတာ။ ဒါကို ကျွန်တော်ရော၊ ဦးမြင့်သိန်းတို့က ငြိမ်မခံဘဲ သူနဲ့ အတိုက်အခံ ဖြစ်နေတာ၊ မကြာခဏ ဆိုသလို ကျွန်တော်တို့အပေါ်မှာ ရန်ပြုမယ့် အရိပ်အယောင်တွေ အရင်ကတည်းက တွေ့နေရတယ်၊ သူတို့အုပ်စုကို တစ်ရွာလုံးက ကြောက်ရတယ်” ဟု ၎င်းကရှင်းလင်း ပြောဆိုသည်။
ဦးစိုးမင်းကို အခင်းဖြစ်ပြီး နောက်ရက်တွင် ၎င်း၏နေအိမ်သို့ လာရောက် ဖမ်းဆီးခဲ့သော်လည်း တိမ်းရှောင်နေခဲ့ပြီး ပြစ်မှုကျူးလွန်ရာတွင် ပါဝင်ခဲ့သည့် ဦးစိုးမင်း၏ ညီဖြစ်သူ ဦးစိုးလင်းကို မေလ ၅ ရက်နေ့က ဖမ်းဆီးရမိခဲ့ကြောင်း ရာအိမ်မှူး ဦးစိန်ဝင်းက ဆိုသည်။
ပြစ်မှုကျူးလွန်သူဟု တိုင်ကြားခံရသည့် ဦးစိုးမင်း အပါအဝင် ဦးကျော်စွာ၊ ဦးကြည်ရွှေတို့ သုံးဦးကို ဖမ်းဆီးရမိရေးအတွက် စုံစမ်းနေဆဲဖြစ်ပြီး အဆိုပါ အမှုအတွက် ပြည်ကြီးတံခွန်မြို့နယ် ရဲစခန်းက (ပ)၂၅၇/၁၄၊ ပုဒ်မ ၃၀၂/၁၁၄ ဖြင့် အမှုဖွင့်ထားကြောင်း၊ ဖမ်းဆီးရမိသူ ဦးစိုးလင်းကိုလည်း ရဲစခန်းတွင် ထိန်းသိမ်းထားကြောင်း မန္တလေးတိုင်းဒေသကြီး၊ ခရိုင်ရဲတပ်ဖွဲ့မှူး ဖြစ်သူ ဒုရဲမှူးကြီး စိန်ထွန်းက The Voice သို့ ပြောကြားသည်။
“ကျန်တဲ့ မိသားစုဝင်တွေရဲ့ လုံခြုံရေး အတွက်တော့ ကျွန်တော့် ဖုန်းနံပါတ် ပေးထားပါတယ်။ အရေးအကြောင်းရှိရင် ကျွန်တော့်ဆီ ဖုန်းဆက်ဖို့ ပြောထားပါတယ်” ဟု ၎င်းကဆိုသည်။
The Voice Weekly
