ဗင်နီဇွဲလားနိုင်ငံက ကျူးကျော်နေထိုင်သူတွေရဲ့ ကောင်းကင်ဘုံ

ဗင်နီဇွဲလားနိုင်ငံ မြို့တော် ကာရာကက်စ်ရဲ့အလယ်က ၄၅ ထပ် အဆောက်အဦဟာ ကြယ် ၅ ပွင့် ဟိုတယ်လည်း မဟုတ်သလို အပျံစား ဇိမ်ခံ တိုက်ခန်းတွဲကြီးလည်း မဟုတ်သလို ပျံကျ ကျူးကျော်နေထိုင်သူတွေရဲ့ ကောင်းကင်ဘုံသာ ဖြစ်ပါတယ်။

ရဟတ်ယာဉ်ဆင်းတဲ့ ကွင်း၊ အေဗီလာတောင်တန်းကို ကြည့်မြင်နိုင်ပြီး အားလပ်ရက် အသားကင် လုပ်စားစရာ ကျယ်ပြန့်တဲ့ လသာဆောင်လဲ ပါရှိတဲ့ ဒီအဆောက်အဦဟာ ကမ္ဘာ့အမြင့်ဆုံး ဆင်းရဲသားရပ်ကွက် ဖြစ်နိုင်ပါတယ်။

ဒေးဗစ်မျှော်စင်လို့ ခေါ်တဲ့ ဒီအဆောက်အဦဟာ အစကတော့ ဘဏ္ဍာရေးဌာနအဖြစ် ရည်မှန်း ဆောက်လုပ်ခဲ့ပေမယ့် ဆောက်လုပ်သူ ငွေရှင် ဒေးဗစ် ဘရင်လန်ဘာ့ဂ် ကွယ်လွန်အပြီး ၁၉၉၄ ခုနှစ်မှာ အသုံးမပြုဘဲ စွန့်ပစ် ထားခဲ့တာ ဖြစ်ပါတယ်။

ကွယ်လွန်သူ လက်ဝဲခေါင်းဆောင် သမ္မတ ဟူဂိုချာဗက်အစိုးရလက်ထက် ဒီမျှော်စင်ကို မသိကျိုးကျွံ ပြုထားခဲ့အပြီး ဆင်းရဲသားအိမ်ယာမဲ့တွေက သိမ်းခဲ့ပါတယ်။

ခုတော့ လူအယောက် ၃ ထောင်လောက်က ဒီမျှော်စင်ကို သူတို့အိမ်လို့ ခေါ်ဝေါ်နေပြီး ဖြစ်ပါတယ်။

နေထိုင်သူ တယောက်ကတော့ ဒီအဆောက်အဦမှာ နေတာ ၃ နှစ်ရှိပြီ ရာဇ၀တ်မှု ထူပြောတဲ့ ကာရာကတ်စ်မြို့ထဲက လမ်းတွေပေါ်မှာနဲ့ာရင် ဒီမျှော်စင်ပေါ် နေရတာ ပိုလုံခြုံတယ်လို့ ခံစားရကြောင်း ပြောပါတယ်။

“လူတွေက အဆောက်အဦရှေ့မှာ လမ်းလျှောက်ရတာ အန္တရာယ်များတယ် မလုံခြုံဘူးလို့ ပြောကြတယ်။ အထဲမှာ ဘယ်လိုလဲ လာကြည့်ပါ။”လို့ သူက ပြောပါတယ်။

ကျန်ခဲ့တဲ့ ဆယ်စုနှစ်အတွင်း ကာရာကပ်စ်မြို့ထဲက တခြားအဆောက်အဦ သိမ်းပိုက်မှုတွေ လိုပဲ ဒီမျှော်စင်ဟာ အကြမ်းဖက်မှုတွေကနေ ကင်းလွတ်နေပါတယ်။

လူသွားစင်္ကြန်တွေကို လတ်လတ်ဆတ်ဆတ် အရောင်တင်ထားပြီး နေရာတိုင်းမှာ စည်းမျဉ်းတွေ ချမှတ်ထားတာ ဖြစ်ပြီး မလိုက်နာသူတွေကို လူမှုရေးလုပ်ငန်းတွေ လုပ်ခိုင်းပြီး အပြစ်ပေးပါတယ်။

မျှော်စင်အထပ်တိုင်းက ကိုယ်စားလှယ်တွေက အစိုးရ အသေးစားလေးတရပ်အဖြစ် ပူးပေါင်း ဆောင်ရွက်ပြီး ဆုံးဖြတ်ကြတာ ဖြစ်ပါတယ်။

မျှော်စင်တိုက်ခန်းမှာ မုန့်ဖုတ်လုပ်ငန်းလုပ်ကိုင်သူ တယောက်ကတော့ “နေစရာ တကယ့်ကို လိုအပ်လို့ ဒီမျှော်စင်ကို သိမ်းရပေမယ့် လိုအပ်တဲ့ ရင်းမြစ်တွေ မရှိသလို ကူညီမယ့် သူလဲ မရှိဘူး။ ၂၈ ထပ်အထိ ရေကို ရေပုံးနဲ့ သယ်ရရင် ဒါ တကယ့် အိမ်ယာစခန်းတခုရဲ့ လိုအပ်ချက်ပဲ။”လို့ ပြောပါတယ်။

မျှော်စင်ထဲမှာ ဆိုင်ဖွင့်ထားသူ နောက်တယောက်ကလဲ “သူနေရာမှာ နံရံတွေ မရှိလို့ ဘေးများတယ်။ ဒါပေမယ့် အရင်နေရာက အိမ်လခပေးလိုက်ရင် စားစရာ လေ့လာစရာအတွက် ငွေမကျန်လို့ ဒီကို လာခဲ့တာ ခုတော့ ပိုကောင်းတဲ့ အနာဂတ်ရှိပြီလို့ ခံစားရတယ်။”လို့ ပြောပါတယ်။

ကာရာကတ်စ်ဒေသခံတွေ အများပြားက ဗင်နီဇွဲလားရဲ့ တတိယအမြင့်ဆုံးဖြစ်တဲ့ ဒီမျှော်စင်ကို သူခိုးတွေရဲ့ အသိုက်အမြုံ၊ သူတပါးရဲ့ပိုင်ဆုိုင်မှုကို မခန့်လေးစားလုပ်သူတွေရဲ့ သင်္ကေတအဖြစ် ရှုမြင်ကြတာ ဖြစ်ပါတယ်။

ဒါပေမယ့် နေထိုင်သူတွေကတော့ ဒေးဗစ်မျှော်စင်ဟာ သူတို့ကို ရာဇ၀တ်မှု ထူပြောတဲ့ ဆင်းရဲသားရပ်ကွက်ကနေ ကယ်တင်ခဲ့တဲ့ ဘေးကင်းတဲ့ ကောင်းကင်ဘုံအဖြစ် ရှုမြင်ကြပါတယ်။

By ဒီဗွီဘီ