မန္တလေးတိုင်းဒေသကြီး မြင်းခြံခရိုင် နွားထိုးကြီးမြို့နယ် ပြင်စည်စံပြ ကျေးရွာအနီး တည်ထားကိုးကွယ်လျက်ရှိသောရွှေစည်းခုံစေတီတော် တနင်္ဂနွေထောင့်မှဂြိုဟ်ပြေနံပြေဘုရားကျောက်ဆင်းတုဗုဒ္ဓရုပ်ပွားတော်
တစ်ဆူ၏ ရှေ့မျက်နှာတော်၌ ထူးခြားစွာ ပျားများ အုံဖွဲ့စွဲကပ်နေသည်ကို မတ်လအတွင်းက ဖူးတွေ့ခဲ့ရသည်။
ဥာဏ်တော် တစ်ပေခွဲခန့်ရှိ အဆိုပါ ကျောက်ဆင်းတုဗုဒ္ဓရုပ်ပွားတော်၏ ဦးခေါင်းတော်နှင့် ရှေ့မျက်နှာတော်၌ ၁၃၇၅ ခုနှစ် တပို့တွဲလဆန်း ၁၄ ရက် မှ စတင်၍ ပျားများ စွဲကပ်ခဲ့ရာ ယခုမတ်လတွင် တစ်ဆူလုံးနီးပါး ပျားများ စွဲကပ်ခဲ့ ကြသည်။
" တပို့တွဲလဆန်း ၁၄ ရက်ကစခဲ့တာ။ အခု ဘုရားတစ်ဆူလုံးနီးပါးအထိ ပျားတွေ လာရောက်စွဲကပ်ခဲ့ကြတာပါ။ ဘုရားမှာလာစွဲတဲ့ ယခုပျားတွေက အဆိပ်ရှိတဲ့ ပျားတွေဖြစ်ပါတယ်။ ဒါပေမဲ့ ဘယ်သူ့ကိုမှ အန္တရာယ် မပြုကြ ပါဘူး။ ဒီဘက်က နောက်ထပ်ဘုရားတစ်ဆူမှာလည်း အလားတူပဲ ပျားတွေ လာစွဲကပ်စပြုနေတာကို တွေ့ရပါတယ်။ ပျားစွဲတဲ့ဘုရားဆိုပြီး အတိတ်ကောင်းနိမိတ်ကောင်းယူလို့ လာရောက်ကြည့်ရှုကြသူတွေလည်း များပြားနေပါတယ် " ဟု ပြင်စည်တောရကျောင်းတိုက်ဆရာတော် ဦးအရိယဥာဏက ရှင်းလင်းမိန့်ကြားခဲ့သည်။
စံတော်ချိန် နေ့စဉ်သတင်းစာ
