ရှော့ကေးအသင်းသည် ချန်ပီယံလိဂ် အုပ်စုအဆင့်တွင် ချယ်ဆီး၏ နောက်တွင်သာ ရပ်တည်နိုင်ခဲ့သောကြောင့် ရှုံးထွက်အဆင့်တွင် ရီးယဲမက်ဒရစ်နှင့် တွေ့ဆုံရခြင်း ဖြစ်သည်။ ထို့နောက် ဟန်တဲလားက မိမိတို့အသင်းသည် ကွာတားဖိုင်နယ်သို့ တက်ရောက်နိုင်စွမ်း ရှိကြောင်း သို့သော် ရီးယဲမက်ဒရစ် အသင်းသည် ချန်ပီယံလိဂ်တွင် ချန်ပီယံအဖြစ် ရေပန်းစားနေသည့် အသင်းဖြစ်ကြောင်း ဝန်ခံခဲ့သည်။
“ကျွန်တော့် အမြင်ကတော့ ရီးယဲမက်ဒရစ်က ချန်ပီယံဖြစ်ဖို့ ရေပန်းအစားဆုံး အသင်းပါ။ ဒါပေမဲ့ ကျွန်တော်တို့က ပထမအကျော့ ပွဲစဉ်ကို အိမ်ကွင်းမှာ ကစားရပါမယ်။ မက်ဒရစ်ကို အနိုင်ယူဖို့ဆိုတာ လွယ်ကူတဲ့ ကိစ္စမဟုတ်ပါဘူး” ဟု ဟန်တဲလားက ပြောကြားခဲ့သည်။
ဟန်တဲလားသည် ၂၀၀၈-၀၉ ဘောလုံးရာသီက မက်ဒရစ်တွင် ကစားခဲ့စဉ် လာလီဂါ ပွဲ ၂၀ တွင် ၈ ဂိုး သွင်းယူနိုင်ခဲ့သည်။
“မက်ဒရစ်မှာ ကစားရတဲ့ အခိုက်အတန့်က အရမ်းကို ထူးခြားလှပါတယ်။ မက်ဒရစ်က ကြီးကျယ် ခမ်းနားတဲ့ အသင်းပါ။ အဲ့ဒီလို အသင်းမျိုးနဲ့ ယှဉ်ပြိုင်ရတာကို ကျွန်တော် နှစ်သက်ပါတယ်” ဟု ဟန်တဲလားက ဆိုခဲ့သည်။
Soccer Myanmar
