၂၀၁၄ ခုနှစ်၊ ဇန်န၀ါရီလ ၁၃ ရက်နေ့ ညနေ ၅ နာရီခွဲအချိန် မန္တလေးတိုင်းဒေသကြီး၊ ပြင်ဦးလွင်မြို့နယ်၊ ပြင်ဦးလွင်-မန္တလေးလမ်း၊ မိုင်တိုင်အမှတ်(၂၅/၁-၂)ကြား၊ အဆင်းလမ်း၌ ယာဉ်ကြောပိတ်ဆို့မှုဖြစ်နေသဖြင့် ယာဉ်ကြောပိတ်မိနေသည့်ကားများမှာ နောက်သို့ပြန်လှည့်ပြီး မန္တလေး-ပြင်ဦးလွင်အတက်ကားလမ်းအား အတက်အဆင်း နှစ်လမ်းမောင်းအဖြစ် အသုံးပြုရန်အတွက် နောင်ချိုမြို့နယ်၊ ဘန့်ဘွေးရွာနေ မြတ်ကို(၄၇)နှစ်မောင်းနှင်ပြီး ယာဉ်နောက်လိုက် တောင်ကြီးမြို့နယ်၊ ပင်ပြစ်ရွာနေ ထွန်းထွန်းဝင်း(၂၃)နှစ်လိုက်ပါလာသည့် ၈စ/xxxx ကန်တာ(၆)ဘီးယာဉ်မှ ပြန်ကွေ့မောင်းနှင်စဉ် နောက်သို့ပြန်လိမ့်ကျခဲ့သည်။
ထိုသို့လိမ့်ကျရာ နောက်တွင်ရှိနေသည့် အမရပူရမြို့နယ်၊ မှန်တန်းရပ်နေ စိုးသူကျော်(၂၇)နှစ်မောင်းနှင်သော 1G/xxxx Crown အဖြူရောင်ယာဉ်၊ ရွှေစာရံကျေးရွာနေ မအေးအေးခိုင်(၄၂)နှစ်နှင့် မနွယ်နွယ်မူ(၂၈)နှစ်တို့စီးနင်းလာသည့် ၁၃ယ/xxxx ကန်ဘို ၁၂၅ ဆိုင်ကယ်၊ ပြင်ဦးလွင်မြို့နယ်၊ ပြင်စာရွာနေ စိုးရွှေ(၃၇)နှစ်မောင်းနှင်သည့် 8G/xxxx လိုက်ထရပ်ခဲရောင်ယာဉ်တို့အား တိုက်မိသဖြင့် မအေးအေးခိုင်တွင် နှာခေါင်းသွေးထွက်၊ ၀ဲ/ယာခြေသလုံးရိုးကျိုး၊ မျက်ခုံးကွဲဒဏ်ရာ၊ မနွယ်နွယ်မူတွင် နား/နှာခေါင်းသွေးထွက်၊ နဖူးကွဲဒဏ်ရာများရရှိခဲ့သောကြောင့် မန္တလေးဆေးရုံကြီးသို့ တင်ပို့ကုသခဲ့ကာ မြတ်ကိုအား ပြင်စာရဲကင်းရဲစခန်း ယာဉ်(ပ)၃/၂၀၁၄၊ ပြစ်မှုပုဒ်မ ၂၇၉/၃၃၈ ဖြင့် အမှုဖွင့်အရေးယူထားစဉ် မအေးအေးခိုင်မှာ ရှိသောဒဏ်ရာများဖြင့် သေဆုံးသွားသောကြောင့် ပြစ်မှုပုဒ်မ ၂၇၉/၃၃၈/၃၀၄-က ဖြင့် ပြောင်းလဲအမှုဖွင့်အရေးယူထားကြောင်း သတင်းရရှိသည်။
ရဲဇာနည်
