ဇူးမားအတွက် ချယ်လ်ဆီး၏ ကမ်းလှမ်းမှုကို စိန့်အက်တနီယန် လက်ခံခဲ့ပြီဟု သတင်းများထွက်ပေါ်

ချယ်လ်ဆီးအသင်းသည် စိန့်အက်တနီယန် နောက်ခံကစားသမားလေး ကတ်ဇူးမားကို ယခုဈေးကွက်၏ စတုတ္ထမြောက် ခေါ်ယူမှုအဖြစ် သိမ်းသွင်းနိုင်ရန် နီးစပ်နေကြောင်း သိရသည်။

အသက်(၁၉)နှစ်ရှိ ပြင်သစ်လူငယ် ဗဟိုခံစစ်သမားအတွက် ချယ်လ်ဆီးက ပေါင်စတာလင် (၁၂.၅)သန်း ဈေးပေးခဲ့သည်ကို ပြင်သစ်ကလပ်က လက်ခံထားပြီဟု သတင်းများက ဆိုသည်။ ထို့ကြောင့် ဇူးမားသည် ဈေးကွက်ပိတ်ရက်တွင် စတမ်းဖို့ဒ်ဘရစ်ဂ်ျသို့ ရုတ်တရက် ရောက်ရှိလာနိုင်သည့် အခြေအနေ ရှိနေဆဲဟု သတင်းများက ဖော်ပြခဲ့သည်။ ချယ်လ်ဆီးသည် ယခုဈေးကွက် အဖွင့်တွင် ဘာထရန် ထရာအိုယေး၊ နီမန်ယာမာတစ်နှင့် မိုဟာမက် ဆာလားတို့ကို ခေါ်ယူထားခဲ့သည်။

သတင်းအချို့က ချယ်လ်ဆီးအနေဖြင့် ဇူးမားကို လက်တွေ့ ခေါ်ယူဖြစ်လျှင်လည်း ဆေးစစ်မှုနှင့် အပြီးသတ် စာချုပ်မှုတို့ ပြုလုပ်ပြီးနောက် ရာသီကုန်ထိ စိန့်အက်တနီယန်သို့ အငှားပြန်ချထားနိုင်ကြောင်း ဖော်ပြနေသည်။ ဇူးမားကို မန်ချက်စတာ ယူနိုက်တက်နှင့် ဥရောပထိပ်တန်း ကလပ်အချို့က စိတ်ဝင်စားနေသည့်နောက် ချယ်လ်ဆီးက လက်ဦးမှုယူ စာချုပ်ရန် ကြိုးစားလာခြင်းဟု ယူဆရသည်။ အကယ်၍ နွေရာသီတွင် ချယ်လ်ဆီးသို့ ဇူးမား လာရောက်ပူးပေါင်းဖြစ်သည် ဆိုပါက ဒေးဗစ်လုဇ်နှင့် ဂျွန်တယ်ရီတို့ နှစ်ဦးအနက် တစ်ဦးဦး၏ အနာဂတ်သည် ကြီးကြီးမားမား မေးခွန်းထုတ်စရာ ကြုံလာနိုင်ကြောင်းလည်း သိရှိရသည်။

Soccer Myanmar

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ