ဂျပန်-အာဆီယံ နှစ် ၄ဝ ပြည့် ချစ်ကြည်ရေးပွဲတော်မှာ မြန်မာ့ဆိုင်းနဲ့ လက်စွမ်းပြမယ့် မြန်မာပြည်ကျောက်စိမ်း
ဂျပန်နိုင်ငံ တိုကျိုမြို့မှာ ပြုလုပ်မယ့် ဂျပန်- အာဆီယံနှစ် ၄ဝပြည့် ချစ်ကြည်ရေး ပွဲတော်မှာ မြန်မာနိုင်ငံ ကိုယ်စားပြု အနေ နဲ့ မြန်မာပြည် ကျောက်စိမ်းက သွားရောက် ပြီး မြန်မာ့ ဆိုင်းကို တီးပြ ရမှာဖြစ်ပါတယ်။ ဒီဇင်ဘာ ၁ဝရက် နေ့မှာ ထွက်ခွာ မှာဖြစ်ပြီး ၁၁ရက်နေ့ မှာတော့ ပွဲကျင်းပ မှာဖြစ်ကြောင်း သိရပါတယ်။ အဆိုပါ ပွဲနဲ့ ပတ်သက်ပြီး မြန်မာပြည် ကျောက်စိမ်းက “လာအို၊ ထိုင်း၊ ကမ္ဘောဒီးယား ၊ဗီယက်နမ် ၊မြန်မာ၊ ဂျပန် လောလောဆယ် ခြောက်နိုင်ငံပေါ့။ ကျန်တဲ့နိုင်ငံတွေ ကတော့ လှည့် ပြီးပြီ။ အာဆီယံနိုင်ငံက အကြီးအကဲတွေ တက်ကြ မှာပေါ့။ ကျွန်တော်တို့ ကတော့ မြန်မာ့ တူရိယာနဲ့ တင်ဆက် မယ်။
ကျန်တဲ့နိုင်ငံတွေ ကလည်း သူတို့တူရိ ယာတွေ နဲ့ပေါ့။ အားလုံးပေါင်းစပ်ပြီး တီးကြမယ်။ ရိုးရာ ယဉ်ကျေးမှုတွေကို တစ်နိုင်ငံနဲ့ တစ်နိုင်ငံ ဖလှယ်ပြီးတော့ တီးကြမှာပါ။ ဒီခရီးစဉ် အတွက်ကိုတော့ ၆လပိုင်း က တည်း က workshop တွေ လုပ်ခဲ့ရတယ်။ အရင်ဆုံး စပြီးတော့ သီချင်း ညှိနှိုင်း တာက ထိုင်းမှာပါ။ နောက်တစ်ခါက ဗီယက်နမ်မှာ တစ်ခါပါ ။နှစ်ခါ သီချင်း တိုက်ရတယ်။ ကိုယ့်နိုင်ငံ အတွက် ကိုယ့် ရိုးရာ ဂီတကို ထုတ်ဖော်ပြီး တီးခတ်ရ မှာပါ” လို့ပြောပြပါတယ်။ သဘင်ပေါ် မှာ သံယောဇဉ် ကြီးလွန်းတဲ့ မြန်မာပြည် ကျောက်စိမ်း က သဘင်နဲ့ ပတ် သက်ပြီး သဘင်ရွာကြီး ဖြစ်စေချင်တဲ့ ဆန္ဒ တွေရှိနေခဲ့ပြီး ဂျပန်- အာဆီယံနှစ် ၄ဝ ပြည့်ကို တက်ရောက်လာတဲ့ မြန်မာနိုင်ငံ ကအကြီးအကဲ တစ်ဦးဦးကို အခွင့် သာ လို့ စကားပြောခွင့် ရရင် သဘင်ရွာနဲ့ ပတ် သက်ပြီး တင်ပြသွားဖို့ စိတ်ကူးထား ကြောင်းလည်း ပြောပြပါတယ်။
လင်းအက္ခရာ
Popular Journal
မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။
