ခွန်အားဖြည့် အချိုရည်များက နှလုံးခုန်နှုန်းကို နှေးကွေးသွားစေ

ကဖိန်းဓာတ် ပါဝင်သည့် ခွန်အားဖြည့် အချိုရည်များအား ထိုသူများကို သောက်သုံးစေပြီးနောက် တစ်နာရီ အကြာတွင် ဇီဝကမ္မ ဖြစ်စဉ်များကို လေ့လာခဲ့ခြင်း ဖြစ်သည်။

ခွန်အားဖြည့် အချိုရည်များက နှလုံးခုန်နှုန်းကို နှေးကွေးသွားစေ
ခွန်အားဖြည့် အချိုရည်များသည် နှလုံး၏ လုပ်ငန်းဆောင်တာများကို အနှောင့်အယှက် ပေးနိုင်သည့် သက်ရောက်မှုမျိုး ရှိနေကြောင်း သုတေသီများက ပြောကြားခဲ့သည်။ ဂျာမနီနိုင်ငံ၊ ဘွန်းတက္ကသိုလ်မှ ပညာရှင်များသည် လူ(၁၇)ဦး၏ နှလုံးလှုပ်ရှားမှုများကို လေ့လာပြီးနောက် ယခုကောက်ချက်ကို အခိုင်အမာ ရေးဆွဲခဲ့ခြင်း ဖြစ်သည်။ ၎င်းတို့သည် ကဖိန်းဓာတ် ပါဝင်သည့် ခွန်အားဖြည့် အချိုရည်များအား ထိုသူများကို သောက်သုံးစေပြီးနောက် တစ်နာရီ အကြာတွင် ဇီဝကမ္မ ဖြစ်စဉ်များကို လေ့လာခဲ့ခြင်း ဖြစ်သည်။ ထိုအခါတွင် အားဖြည့်အချိုရည် သောက်သုံးထားသည့်နောက် နှလုံးခုန်နှုန်း သိသိသာသာ နှေးကွေးသွားသည်ကို ဖော်ထုတ် တွေ့ရှိနိုင်ခဲ့သည်။

သုတေသီ တစ်ဦးဖြစ်သည့် ဂျိုနက်စ် ဒေါနားက "ခွန်အားဖြည့် အချိုရည်တွေကြောင့် နှလုံးရဲ့ လုပ်ဆောင်မှုတွေကို သက်ရောက်သွားတဲ့ အကြောင်းရင်းကိုတော့ ကျွန်တော်တို့ ခုထိ တိတိကျကျ မသိရသေးဘူး။ ဒါပေမဲ့ အားဖြည့် အချိုရည်တွေမှာ ပါဝင်တဲ့ ကဖိန်းဓာတ်ဟာ ကော်ဖီလို၊ ကိုလာလို ကဖိန်းပါဝင်တဲ့ တခြားအစားအသောက်တွေထက် (၃)ဆလောက် မြင့်နေတာကိုတော့ သတိပြုရပါမယ်။ ကဖိန်းဓာတ်ဟာ များများမှီဝဲရင် ဘေးထွက်အာနိသင်တွေ ရှိတတ်တာကို ကျွန်တော်တို့ သိပြီးသားပါ။ တစ်ခါတစ်လေ နှလုံးခုန်နှုန်း မြန်သွားတယ်။ သွေးဖိအား ပြောင်းသွားတတ်တယ်။ အဆိုးဆုံး အခြေအနေဆိုရင် လေသင်တုန်း ဖြတ်သွားတာ၊ ရုတ်တရက် အသက်ဆုံးရှုံးသွားတာတွေထိ ဖြစ်နိုင်တယ်လေ"ဟု ပြောကြားခဲ့သည်။

သုတေသီများက အားဖြည့် အချိုရည်များ သောက်သုံးပြီးချိန်တွင် နှလုံးအတွင်းရှိ အခန်းအကန့်များ၌ ကြွက်သားများသည် ပို၍ကျုံ့သွားပြီး ဖော်ထုတ် တွေ့ရှိခဲ့သည်။ "အနည်းဆုံးတော့ ကာလတို သက်ရောက်မှုတစ်ခု နှလုံးကို ရိုက်ခတ်သွားပါတယ်။ အားဖြည့် အချိုရည်တွေကြောင့် နှလုံးကြွက်သားတွေ လှုပ်ရှားပုံ ပြောင်းသွားတာကို ကျွန်တော်တို့ ပြနိုင်ပါတယ်။ အကြောင်းရင်းကိုသာ မသိသေးတာပါ။ ပြောရရင် နေ့စဉ်နေ့တိုင်း ကိုယ်လက်လေ့ကျင့်ခန်းတွေ လုပ်တဲ့အခါ နှလုံးကြွက်သားတွေ သန်မာ မြန်ဆန်လာတာကို သိနိုင်ပေမယ့် ဘာကြောင့်လဲဆိုတာ ရှင်းပြဖို့ ခက်နေသလိုပေါ့"ဟုလည်း ဒေါနားက မှတ်ချက်ပြုသွားသည်။

Planet Myanmar Network

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ