သူမ၏အဆိုအရ သူမဟာ ရာသီသွေး လစဉ်ပေါ်ခဲ့ပြီး မိမိကိုယ်မိမိ ကိုယ်ဝန်ရှိမှန်း တကယ် မသိခဲ့ကြောင်း ၊ ထို့ကြောင့်လည်း အလုပ်နှစ်ခုကို လုပ်ကိုင်နေခဲ့သူ ဖြစ်ကြောင်း ၊ ရာသီသွေးပေါ်လို့ ဗိုက်နာသည်အထင်နှင့် ရေချိုးခန်းအသွား ဗိုက်နာလွန်း၍ ရေချိုးခန်းထဲ လဲကျသွားပြီး အဆက်မပြတ်နာကျင်မှုကြောင့် ကလေးမွေးချင်လို့ နာမှန်း သူမကိုယ်သူသိ၍ သူမဘာသာ ကလေးမွေးဖွားသည်အထိ တစ်နာရီကျော်ကြာအောင် မွေးဖွားခဲ့ရကြောင်း ၊ သူမ ထိုကဲ့သို့ ဗိုက်နာပြီး အော်ဟစ် ကလေးညှစ်နေချိန်တွင် သူမ၏ အတူနေရည်းစား (သူမကလေးအဖေ)ဖြစ်သည့် Lewis မှာ ရေချိုးခန်းတဖက်က အိပ်ခန်းထဲတွင် အိပ်မောကျနေခဲ့ကြောင်း သိရသည်။
ညဘက် အလုပ်တာဝန်ပြီးဆုံးပြီး အိပ်မောကျနေခဲသော Lewis က ၎င်း၏ချစ်သူ ဗိုက်နာလွန်းလို့ အော်ဟစ် ကလေးမွေးဖွားနေခဲ့တာကို သူတကယ်ပင်မသိဘဲ အိပ်ပျော်နေခဲ့တာဖြစ်ကြောင်း ၊ Nadia က ချက်ကြိုးမဖြတ်ရသေးသော ကလေးကိုချီ၍ ငါတို့သမီးလေး မွေးပြီလို့ သူ့ကိုနှိုးပြောတာကို အိပ်မက်ဟုထင်၍ ပြန်အိပ်ခဲ့နေခဲ့တာဖြစ်ကြောင်း ဆိုခဲ့သည်။
Lewis သည် ၎င်းအိပ်ပျော်နေပါက နေအိမ်အတွင်း မီးသတ်အချက်ပေးမြည်တာကိုပင် မသိတဲ့အထိ အိပ်တတ်သူဖြစ်ကြောင်းလည်း သိရသည်။ ဗိုက်နာလွန်း၍ အော်ဟစ်နေသော Nadia က တဖက်ခန်းတွင် အိပ်ပျော်နေသည့် သူမချစ်သူ Lewis အား မနှိုးနိုင်ခဲ့ပေမယ့် အိမ်နီးနားချင်းများက Nadia ရဲ့ အချိန်ကြာကြာ အော်ဟစ်နေသံကြောင့် အရေးပေါ်ဖုန်းနံပါတ်သို့ ဖုန်းခေါ်ဆိုခဲ့ကြသည့်အတွက် ရဲကားနှစ်စီးနှင့် ဆေးရုံကားတစ်စီးဟာ သူမမွေးဖွားပြီးချိန်တွင် ရောက်ရှိလာခဲ့ကြောင်း သိရသည်။
တနင်္ဂနွေနေ့တုန်းက မွေးဖွားခဲ့သည့် ကလေးမို့ ၎င်းတို့၏ Poppy ဟု အမည်ပေးထားခဲ့ကြောင်း ၊ Poppy ၏ ချက်ကြိုးကိုမူ ဆေးရုံက ဆေးဝန်ထမ်းတွေ ရောက်လာမှ ဖြတ်နိုင်ခဲ့ပြီး သူမရော ၊ ကလေးပါ ဆေးရုံသို့ သွားခဲ့ကြရတာဖြစ်ကြောင်း သိရသည်။
Nadia က မွေးဖွားချိန် တစ်နာရီ (သို့မဟုတ်) နှစ်ရာရီ အချိန်အတွင်း မွေးဖွားခဲ့သည့် Poppy လေး၏ မွေးဖွားချိန် အတိအကျအား မသိခဲ့သည့်အတွက်တော့ ဝမ်းနည်းသည်ဟု ပြောဆိုခဲ့ကြောင်း သိရသည်။
ပုံရိပ်(burmesehearts.com)
