သာမန်အားဖြင့် ဝေလငါးများသည် မိမိတို့နှင့် မျိုးနွယ်တူများကို ဆက်သွယ်ရန် အသံပြု ဆက်သွယ်လေ့ ရှိကြသည်။ သို့သော်လည်း Lonely၏ အော်မြည်သံမှာ အခြားဝေလငါးများနှင့် ဆက်သွယ်ရန် မဟုတ်ဘဲ မိမိကိုယ်ကိုယ်အတွက် ရည်စူးသည့် ပုံစံမျိုး ကွဲထွက်နေသည်။ ပညာရှင်များက Lonelyသည် နှစ်(၂၀)ကျော်မျှ မိမိကိုယ်ကိုယ်သာ သီချင်းဆို အဖော်ပြုနေခဲ့ရကြောင်း တင်စားထားသည်။
ယခုအခါ မြောက်ပိုင်း ပစိဖိတ် သမုဒ္ဒရာအတွင်း ကျင်လည် ကျက်စားနေသည့် ထူးခြားသော စရိုက်လက္ခဏာရှိသည့် ဝေလငါး၏ လှည့်လည်ကျက်စားရာ လမ်းကြောင်းကို ခြေရာခံရန် သုတေသီ အဖွဲ့တစ်ခုက ပြင်ဆင်နေသည်။ ဆောင်းဦးပေါက်ချိန်တွင် Lonelyကို ရှာပုံတော်ဖွင့်ရန် အသင့်ပြင်ထားကြသည်။ သုတေသီများက Lonely၏ ကြိမ်နှုန်းကွဲပြားသော မြည်ကြွေးသံကို ဖမ်းယူရရှိခဲ့သော်လည်း ၎င်းသည် မည်သို့သော ဝေလငါးတစ်ကောင် ဖြစ်သည်ဆိုခြင်းကို ယခုအချိန်ထိ အမျိုးအမည် မခွဲခြားနိုင်သေးချေ။ သို့သော်လည်း ဆူးတောင် ဝေလငါး၊ သို့မဟုတ် ဝေလငါးပြာ ဖြစ်မည်ဟု ယေဘုယျ မှတ်ချက်ပြုထားသည်။ ယင်းဝေလငါး နှစ်မျိုးစပ်ထားသည့် မျိုးစပ်လည်း ဖြစ်နိုင်ကြောင်း ပညာရှင်များက ယူဆထားသည်။
အမေရိကန် ရေတပ်သည် (၁၉၈၀)ပြည့်လွန် နှစ်များက ယင်းဝေလငါး၏ အသံကို ပထမဆုံးအကြိမ် ထောက်လှမ်း မှတ်သားနိုင်ခဲ့သည်။ ထို့နောက်ပိုင်းတွင် အဏ္ဏဝါ သတ္တဗေဒ ပညာရှင်များအတွက် Lonelyသည် ထူးခြားအံ့ဩဖွယ် ပဟေဠိတစ်ခုသဖွယ် ဖြစ်လာသည်။ ပညာရှင်များ၏ အဆိုအရ ဆူးတောင် ဝေလငါး အထီးတစ်ကောင်၏ အသံသည် ကြိမ်နှုန်း (၁၇)နှင့် (၁၈)ဟတ်ဇ်မျှသာ ရှိရာ ရေနက်ပိုင်းတွင် ကျက်စားသည့် ၎င်းတို့၏ အသံအား လူသားတို့ နားဖြင့်ကြားရန် ခက်ခဲလွန်းကြောင်း သိရသည်။ သို့သော်လည်း Lonely၏ မြည်ကြွေးသံမှာ (၅၂)ဟက်ဇ်မျှထိ မြင့်မားသည်။ Lonelyကို မျက်မြင် တွေ့ရှိချိန်တွင်မူ ယင်း၏ မျိုးစိတ်များနှင့် ကွဲပြားနေသော ဆက်သွယ်မှု ဘာသာဗေဒအကြောင်း ပိုမို၍ ထဲထဲဝင်ဝင် သုတေသနပြုနိုင်ရန် ပညာရှင်များက မျှော်လင့်ထားသည်။
Planet Myanmar Network
