မြန်မာ အမျိုးသမီး အသင်းအား ဆီးဂိမ်းစ် အမျိုးသမီး ဘောလုံးအသင်း အောင်နိုင်ရေး ကော်မတီ ဥက္ကဋ္ဌ ဦးလှဌေး (ဇွဲကပင် ယူနိုက်တက် အသင်းပိုင်ရှင်)နှင့် MFF အမျိုးသမီး ဘောလုံးကော်မတီ ဥက္ကဋ္ဌ ဒေါ်ခင်စံပယ်ကြည်၊ ဒုတိယ ဥက္ကဋ္ဌ ဒေါ်ဌေးဌေးခိုင် နှင့် အဖွဲ့ဝင်များ ပို့ဆောင် နှုတ်ဆက်ခဲ့ကြကာ ကစားသမားများ အတွက် ထောက်ပံ့ကြေးများ တစ်ဦးချင်းစီ ပေးအပ်ခဲ့ကြသည်။
မြန်မာ အမျိုးသမီးအသင်းတွင် ကစားသမား ၂၄ ဦး၊ နည်းပြ/အုပ်ချုပ် အဖွဲ့ဝင် ၅ ဦး စုစုပေါင်း ၂၉ ဦးပါဝင်ပြီး ဇွန်လ(၂၈)ရက်နေ့ အထိ စခန်းဝင် လေ့ကျင့်မည်ဖြစ်ကာ ဂျပန် အမျိုးသမီး ဘောလုံး အသင်းများနှင့် ခြေစမ်းပွဲများ ယှဉ်ပြိုင် ကစားမည်ဖြစ်သည်။ မြန်မာ အမျိုးသမီး အသင်းသည် ၂၀၁၂ ခုနှစ်ကလည်း ယခုကဲ့သို့ ဂျပန်နိုင်ငံတွင် သွားရောက် လေ့ကျင့်ခဲ့ဖူးပြီး အာဆီယံ ချန်ပီယံ ရှစ် ငွေတံဆိပ်ဆု ရရှိသကဲ့သို့ ယူ-၁၉ အမျိုးသမီး အသင်းလည်း အာရှခြေစစ်ပွဲ အောင်မြင်ခဲ့သည်။
Written by Okocha - Myanmar Football Federation
