တေးသံရှင် ဘန်နီဖြိုးနှင့်တွေ့ဆုံခြင်း

အလွမ်းပြေ အနမ်း၊ နှစ်ပတ်လည် သီချင်းများဖြင့် ပရိသတ် အားပေး လက်ခံတဲ့ တေးသံရှင် တစ်ယောက် ဖြစ်ခဲ့တဲ့ ဘန်နီဖြိုးနှင့် တွေ့ဆုံပြီး၊ သူ၏ ပြည်တွင်း၊ ပြည်ပ ဖျော်ဖြေပွဲများ အကြောင်း၊ Playback သီဆိုသည့် တေးသံရှင်များ အပေါ် သူ၏အမြင်နှင့် လတ်တလော အနုပညာ လှုပ်ရှားမှုများ အကြောင်းကို The Voice က မေးမြန်း ထားခြင်းဖြစ်သည်။

Voice : ရှိုးပွဲတွေ ဆက်တိုက် ဖျော်ဖြေဖို့ ရှိတယ်လို့ကြားတယ်။ ဘယ်တွေမှာ ဖျော်ဖြေရမှာလဲ။
BP : ကျွန်တော် ပြည်တွင်းမှာဆို မကွေး၊ မြစ်ကြီးနား၊ မန္တလေးမှာ ရှိုးတွေ ဆိုဖို့ ရှိပါတယ်။ ပြည်ပကတော့ စင်ကာပူနဲ့ ဘန်ကောက်မှာ ဖျော်ဖြေဖို့ ရှိတယ်။ လာမယ့် မေလ၂၆ ရက်နေ့ မှာလည်း ရန်ကုန်မှာ ကျွန်တော်ရယ်၊ စိုင်းစိုင်းရယ်၊ လွှမ်းပိုင်ရယ်၊ Snare လေးယောက်ရဲ့ ရှိုးပွဲရှိပါတယ်။
Voice : ဒီလေးယောက်တွဲ ဖျော်ဖြေပွဲက ထူးခြားတယ်လေ။ ဒီပွဲမှာ ဘယ်လို ဖျော်ဖြေမယ်လို့ စဉ်းစားထားလဲ။

BP : ဒီပွဲလေးစလုပ်ဖို့ လွန်ခဲ့တဲ့ နှစ်လလောက်က ကျွန်တော်တို့ စစီစဉ်ခဲ့ပါတယ်။ ကျွန်တော်တို့၊ စိုင်းစိုင်းတို့ အကုန်တိုင်ပင် ပြီးတော့ ပထမပိုင်းမှာ သီချင်း ခုနစ်ပုဒ်စီလောက်ကို ကျွန်တော်နဲ့ စိုင်းစိုင်းက Band နဲ့ဆိုပါမယ်။ ဒုတိယပိုင်းမှာ Dancer တွေပါမယ်။ နောက်ပြီးတော့ ကျွန်တော်တစ်ခါမှ တွဲမဆိုဖူးတဲ့ မိန်းကလေး တေးသံရှင်တွေပါမယ်။ ဒီလိုထူးထူးခြားခြား ပွဲတွေဆိုရင်တော့ ကျွန်တော်တို့က သေချာပြင်ဆင်ပြီး လုပ်လေ့ရှိပါတယ်။ သာမန်ပွဲတွေ ဆိုရင်တော့ ဖြစ်လာတဲ့အခြေအနေ၊ ရတဲ့အချိန်ပေါ်မှာ မူတည်ပြီး အကောင်းဆုံးဖြစ်အောင် လုပ်လေ့ရှိပါတယ်။

Voice : ရှိုးပွဲတွေမှာ CD နဲ့ဆိုတာနဲ့ Band နဲ့ဆိုတာ ကိုယ့်အတွက် ဘယ်ဟာက ပိုပြီးအဆင်ပြေလဲ။
BP : CD နဲ့ဆိုရတာကတော့ ကျွန်တော်တို့ ဆိုနေကျ Form ဖြစ်တဲ့အတွက် အဲ့ဒီအပေါ်မှာ mood ထည့်ပြီး သာမန်ဆိုလိုက်ရုံ ပါပဲ။ Band နဲ့ဆိုတာကျတော့သီချင်းကို ကျွန်တော်တို့ arrange ပြောင်းချင်ရင် ပြောင်းလို့ရတယ်။ သီချင်းကို ရပ်ချင်ရင် ရပ်ပစ်လို့လည်းရတယ်။ ပြီးမှ ပြန်ဆိုလို့လည်းရ တယ်။ Band နဲ့ကတော့ နည်းနည်းကွန့်လို့ ရတာပေါ့။

Voice : တချို့တေးသံရှင်တွေက ပွဲတွေမှာ သီချင်းဖွင့်ပြီး Playback (ပါးစပ်လှုပ်၍ သီချင်းဆိုဟန်ဆောင်ခြင်း) ဆိုကြတာတွေ ရှိတယ်လေ။ အဲ့ဒီအပေါ်မှာ ဘန်နီဖြိုးရဲ့ အမြင်က ဘယ်လိုရှိလဲ။ ကိုယ်တိုင်ရော Playback ဆိုဖူးလား။
BP : ဘယ်လိုမှမမြင်ပါဘူး။ သူတို့ Playback ဆိုတော့လည်း ဆိုတယ်ပေါ့။ ကျွန်တော်လည်း ပြီးခဲ့တဲ့နှစ် Gold Roast က လုပ်တဲ့ပွဲမှာတုန်းက ကျွန်တော့်ခွေထဲက သီချင်းကို ဗီစီဒီရိုက်မှာ ဖြစ်တဲ့အတွက် Playback တစ်ခါဆိုဖူးပါတယ်။ သီချင်းဆိုပြီးတဲ့ အချိန်မှာ ကျွန်တော်ရော ကိုရန်ရန်ချန်းပါ ဗီစီဒီရိုက်ဖို့အတွက် Playback နဲ့ဆိုတာလို့ ကြေညာခဲ့ပါတယ်။ ကိုရန်ရန်ချန်းဆိုတာ ကျွန်တော်တို့လူငယ်ထုရဲ့ စံပြပုဂ္ဂိုလ် တစ်ယောက်ဖြစ်တဲ့အတွက် ကျွန်တော့်ထက်တောင် ပိုပြီး သူ့ရဲ့ Image ကိုထိခိုက်ပါတယ်။ အဲ့ဒီအတွက် ကျွန်တော်လည်း ကြေညာတယ်။ ကိုရန်ရန်ချန်းလည်း ကြေညာတယ်။

Voice : သီချင်းတွေကို ကိုယ်တိုင်ရေးနေတာ ဆိုတော့ သီချင်း အကြောင်းအရာပိုင်း အတွက် ကုန်ကြမ်းကျတော့ ဘယ်လိုရှာဖြစ်လဲ။
BP : ဒီလိုပဲ သူ့ဟာသူစဉ်းစားရင်းနဲ့ ထွက်လာတာပဲ။ တစ်ခါတလေလည်း လမ်းလျှောက်ရင်း၊ ရေချိုးရင်းနဲ့ ရတာရှိတယ်။ ကုန်ကြမ်းရှာတာတော့ သူငယ်ချင်းတွေရဲ့ အဖြစ်အပျက်တွေကို ကပ်ပြီးမေးတယ်။ စာအုပ်တွေ ဖတ်တဲ့အခါလည်း ရတယ်။ တစ်ခါတလေ ကျတော့လည်း ကြည့်ဖူးတဲ့ ဇာတ်လမ်းလေးတွေ၊ ကိုယ်တွေ့ အဖြစ်အပျက်လေးတွေက ကိုယ့်အတွက် ကုန်ကြမ်းတွေ ဖြစ်သွား တာပါပဲ။

Voice : ကြော်ငြာတွေမှာ သရုပ်ဆောင်တာလည်း တွေ့နေရတော့ ကိုယ့်နယ်ပယ် မဟုတ်တဲ့ အတွက် ဘယ်လို အခက်အခဲတွေ ကြုံရသေးလဲ။
BP : အခက်အခဲကတော့ ကျွန်တော်က ဘာမှမလုပ်တတ်ဘူး။ ကြော်ငြာတွေ ကလည်း ကိုဇော်ကိုကိုတို့နဲ့ ရိုက်တယ်။ တခြား ကျွန်တော့်အတွက် အဆင်ပြေလောက်မယ့် ကြော်ငြာတွေ ရိုက်ဖြစ်တယ်။ ကြော်ငြာတိုင်းလည်း ရိုက်လေ့ရိုက်ထမရှိပါဘူး။

သန့်ဇင်ဦး
By The Voice Journal

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ