မိန်းကလေးပါ။ သက်က ၄၅ ရှိပြီ။ ဖြစ်တာကြာပါပြီ။ ဆရာ့ဆောင်းပါးတွေကိုနေ့တိုင်းကြည့်ပါတယ်။ ဖြစ်တာက တောသွားနေရင်းလဲ ခြေထောက်တွေ လက်တွေ မမနိုင် မသယ်နိုင်ဖြစ်ဖြစ်သွားတယ်။
သည်အတိုင်းလည်း ဖြေမရသေး။ ဆရာဝန်ပြပါရန်။ ဆောရီး။
ဟုတ်ပါဆရာ
ဆရာ နှင်းခူပျောက်တဲ့ဆေးနာမည်ပြောပြပါဦး။ ရွှေဘိုကဆရာက နစ်ပတ်နစ်ပတ်ထိုးရတာ ပျောက်ပါတယ်။ ဆေးနည်းတောင်းတော့ မပေးလို့ပါဆရာ။ နှင်းခူပျောက်တဲ့ဆေးမည် သိချင်ပါတယ်ဆရာ။
ကျွန်တော်ရေးတာတွေဖတ်တဲ့သူဆိုရင် သတ်ပုံတော့ ပြောမှာသိပါမယ်။ ယရစ်မပါတဲ့ သတ်ပုံတွေပြင်လိုက်တယ်။ ပြောက်တွေကို ပျောက်လို့ပြင်လိုက်တယ်။ နှင်းကူဖြစ်တာ ဟုတ် မဟုတ်တော့ မသိပါ။ ၄၅ နှစ် (၄၅ နောက်မှာ လ-နှစ် မပါ) ဆိုရင် မိန်းကလေးအစား အမျိုးသမီးလို့သာ ရေးသင့်တယ်။
နှင်းကူနာကို အရင်ကလည်း တော်တော်မေးကြတယ်။ ပို့စ်တင်ရင် အရပ်ဆေးနည်းတွေလည်း လာလာရေးတယ်။ စည်းကမ်းအရ ဖျက်တယ်။ ဆောရီး။
- မင်္ဂလာပါ ယားနာရောဂါတစ်မျိုးခံစားနေရပါတယ်။ ပုံမှန်တလတခါအထူးကုနဲ့ပြပါတယ်။ ဆေးတွေက Pharmavate, Betosolic လိမ်းဆေးလိမ်းပါတယ်။ သောက်ဆေးပေးပါတယ်။ ဒါပေမယ့် ခြေလက်တွေက သိသိသာသာ ပျောက်လာပေမယ့် တင်ပါးနားတစ်ဝိုက်က မပျောက်ကင်းတာတော်တော်ကြာပါပြီဆရာ။ အလုပ်က အထိုင်များတဲ့ အလုပ်ပါ။ အောက်ပါ ပုံနဲ့တကွတင်ပေးလိုက်တယ်။ အကြံဥာဏ်တောင်းခံပါတယ် ဆရာ။
- အသက်-ကျား-မ မသိပါ။ ဆရာဝန်နဲ့ပြတာကောင်းတယ်။ ယားနာ မဟုတ်ပါ။ နာတာရှည်အရေပြားရောင်ရောဂါ (နှင်းကူလို) ဖြစ်နေတယ်။ ဆရာ့ဘလော့မှာ ဖတ်လိုကဖတ်ပါ။
- ၂၇ မ ပါဆရာ။ ကျေးဇူးတင်ပါတယ်ဆရာ။ နှင်းကူက ဆေးထိုးရင်ပျောက်တယ် ပြောပါတယ်။ ဆရာဝန်ကတော့ မထိုးပေးသေးပါဘူး။ အလုပ်လုပ်နေရလို့ မြန်မြန်ပျောက်ချင်တာပါဆရာ။ စိတ်အနှောင့်အယှက်ဖြစ်လို့ပါ။
အရေပြားမှာ ပျောက်နိုင်ခဲတဲ့အနာတွေကို Dermatitis အရေပြားနာလို့ ယျေဘုယျခေါ်တယ်။ အများဆုံးဖြစ်တာက Eczema (Atopic dermatitis) နှင်းခူနာ ဖြစ်ပါတယ်။ သူကလဲ အမျိုးအစားတွေ များတယ်။ ဘယ်အရွယ်မဆို ဖြစ်တယ်။ ကျား-မ မရွေးဖြစ်တယ်။ ၅ နှစ်အောက် ငယ်သူတွေမှာ အဖြစ်သိပ်နည်းတယ်။ ငယ်သူတွေဖြစ်ရင် ပျောက်တာ များတယ်။ ကြီးမှဖြစ်ရင် မပျောက်နိုင်တာ များပြီး မျိုးရိုးလိုက်နိုင်တယ်။ မိသားစုထဲမှာ (အလာဂျီ) ရတတ်သူတွေ ရှိနေမယ်။ ပန်းနာတို့ ဟိုဟာမတည့် ဒီဟာမတည့်ဖြစ်တာတို့ကို ပြောတာပါ။ လူကြီးတွေ ၁ဝဝ မှာ ၁-၂ ယောက်၊ ကလေးဆိုရင် ၅ ယောက်မှာ ၁ ယောက်လောက် ဖြစ်တယ်။ မိန်းကလေးတွေမှာ ပိုများတယ်။ ကူးစက်ရောဂါ မဟုတ်ပါ။
ဘာလို့လာဖြစ်ရသလဲ။ ဆရာဝန်တွေ သိပ်နားမလည်ကြသေးပါ။ မတည့်တာနဲ့ တွေ့ထိတာကနေ စတယ်ဆိုတာတော့ သေခြာတယ်။ ဆပ်ပြာ၊ အလှအပပစ္စည်း၊ အဝတ်အစား၊ အစားအသောက်၊ လက်ဝတ်ရတနာ၊ ချွေးထွက်တာ၊ အမှုံအမွှား၊ ဓါတုဆေးရည်၊ လေစိုထိုင်းဆ နည်းတာ၊ မတည့်တဲ့ လိမ်းဆေး၊ အဝတ်အစားကြမ်း၊ ချွေး၊ ရာဘာ၊ ပလပ်စတစ် အသုံးအဆောင်၊ ပွတ်တိုက်မှု၊ ဗက်တီးရီးယား၊ တမျိုးမျိုးကို ဆက်တိုက် ထိတွေ့ ကိုင်တွယ် နေရတာတွေကနေ ဖြစ်နိုင်တယ်။ တချို့ကြ ရာသီဥတုနဲ့ ဆိုင်တယ်။ တချို့မှာ စိတ်နဲ့ပတ်သက်ပြန်သေးတယ်။
စဖြစ်လာပုံကလဲ တယောက်နဲ့တယောက် မတူတတ်ဘူး။ ဖြစ်မဲ့နေရာမှာ နီရဲလာမယ်၊ ယားမယ်၊ ပူလောင်နေမယ်၊ ကုတ်ရင်းကနေ အဖူးပေါက်လာ၊ အနာဖြစ်လာနိုင်တယ်။ ကြာတော့ အရေပြားက ထူလာမယ်။ ခေါင်းကနေ ခြေထောက် နှင်းခူနာ ပေါက်နိုင်တယ်။
အမျိုးအစားတွေကို ဆေးပညာအရတော့ ခွဲထားတယ်။
1. Atopic dermatitis အများဆုံးအမျိုးအစားဖြစ်တယ်။ ယားမယ်၊ နာတာရှည်တယ်၊ အရေပြားရောင်နေမယ်။ ပေါ်လိုက် ပျောက်လိုက်နေမယ်။ မတည့်သာနဲ့ တွေ့ရင် ပြန်ဖြစ်တဲ့သဘောဘဲ။
2. Contact eczema မတည့်တာနဲ့ ထိတွေ့မှုကနေဖြစ်တဲ့ အမျိုးအစား၊
3. Seborrheic eczema အဆီပြန်နေတာမျိုး။
4. Nummular eczema အဝိုင်းပြားလေး သဏ္ဌာန်ရှိတယ်။
5. Neurodermatitis (simplex chronicus) အသက် ၂ဝ-၅ဝ ကြား အမျိုးသမီးတွေမှာ ပိုဖြစ်တယ်။ စိတ်ဖိအားနဲ့ပါ ဆက်စပ်တယ်။ အာရုံကြောနဲ့ ဆိုင်တယ်။
6. Stasis dermatitis ခြေထောက်မှာ အဖြစ်များတယ်။ သွေးလှည့်ပတ်မှုနဲ့ ဆိုင်တယ်။ သွေးပြန်ကြောထုံးသူတွေမှာ ဖြစ်တယ်။
7. Dyshidrotic eczema (Dyshidrotic dermatitis) လက်ဖဝါး၊ ခြေဖဝါးတွေမှာ အဖြစ်များတယ်။
ဆေးကုရတာ ခက်ပါတယ်။ ယားတာ-ရောင်တာ သက်သာအောင်၊ ပိုမဆိုးအောင် လုပ်ပေးရတာ များတယ်။
1. လူနေမှုဘဝပုံစံပါ ပြောင်းဘို့ လိုတတ်တယ်။ မတည့်ဘူးလို့ အသေအချာသိတာကို ရှောင်ပါ။ လက်ရှိအလုပ်ကနေ ပြောင်းနိုင်ရင် ပြောင်းရမယ်။
2. ဆေးလဲ တမျိုးတမျိုးပြောင်း သုံးရတတ်တယ်။ လိမ်းဆေးထဲမယ် ရေနည်းနည်းနဲ့ ဆီများတာ မသင့်ဘူး။
3. Corticosteroid creams လိမ်းဆေးတွေက ရောင်ရမ်းဖြစ်စဉ်ကို သက်သာစေတယ်။ ဒီဆေးမျိုးတွေကလဲ ခပ်ပြော့ပြော့၊ ခပ်လတ်လတ် နဲ့ အပြင်းစားတွေ ရှိတယ်။
4. သိပ်ယားနေရင် (အင်တီဟစ်တမင်း) စားဆေးတွဲပေးရတယ်။ အိပ်တဲ့သတ္တိပါတာမျိုး ဥပမာ Diphenhydramine (Benadryl), Hydroxyzine (Atarax, Vistaril) နဲ့ Cyproheptadine တွေ သုံးသင့်တယ်။
5. တခါတလေ Corticosteroids (Prednisone) စားဆေးပါပေးရတယ်။ ရက်တိုသာ သုံးရမယ်။
6. Ultraviolet light therapy (Phototherapy) ခရမ်းလွန်-ရောင်ခြည်နဲ့လဲ ကုနိုင်တယ်။
7. Immunosuppressant (Cyclosporine) ရောဂါပြီးတာကို သက်ရောက်စေတဲ့ ဆေးမျိုးကိုလဲ တခါတလေ သုံးနိုင်တယ်။ Coal tar သုံးနိုင်တယ်။
8. FDA ကနေ အသိအမှတ်ပြုထားတဲ့ဆေး ၂ မျိုးရှိတယ်။ Tacrolimus (Protopic) နဲ့ Pimecrolimus (Elidel) တွေ ဖြစ်ကြတယ်။ ဒီဆေးတွေက ရောဂါပြီးတာကို သက်ရောက်စေတဲ့ ဆေးမျိုး Calcineurin inhibitors အုပ်စုဝင် ဆေးတွေ ဖြစ်တယ်။ ၂ နှစ်အောက် ကလေးတွေတော့ မပေးသင့်ဘူး။ ကြီးတဲ့သူတွေမျာလဲ သတိနဲ့သာသုံးပါ။
ဆရာဝန်မပါဘဲ လုပ်သင့်တာတွေ ရှိတယ်။ ခဏခဏ ရေချိုးတာ ကောင်းတဲ့ (အိုင်ဒီယာ) မဟုတ်ဘူး။ ရိုးရိုး၊ ခပ်ပြော့ပြော့ ဆပ်ပြာသာ သုံးပါ။ ရေခပ်နွေးနွေးသာ ကောင်းတယ်။ ရေချိုးပြီးရင် Moisturizer လိမ်းပါ။ Plain petroleum jelly (Vaseline) က ဈေးလဲချိုတယ် ကောင်းတယ်။ ဆပ်ပြာ၊ ရေမွှေး၊ အလှသုံးပစ္စည်း၊ လက်ဝတ်ရတနာ၊ ပါတ်ဝန်းကျင် အမှုံအမွှား တတ်နိုင်သလောက် ရှောင်ပါ။ အဝတ်အစား တင်းကြပ်လွန်းတာ ရှောင်ပါ။ (ကော်တွန်) ပိုသင့်တယ်။ ယားတဲ့နေရာမှာ အေးတာ တင်ပေးပါ။ မတည့်ဘူး သေခြာတဲ့ အစားအစာ ရှောင်ပါ။ လက်အိတ်သုံးပါ။ ချွေးထွက်စေတဲ့ အလုပ်မျိုး ရှောင်ပါ။ အခန်းကိုတော့ အေးနေပါစေ။ (အဲယားကွန်း) ကရေငွေ့ဓါတ်နည်းစေတယ်။ အခန်းထဲမှာ Humidifier သုံးပါ။ အရေပြားသန့်ရှင်းရေး ဂရုစိုက်ပါ။ လေ့ကျင့်ခန်းလုပ်တာ နဲ့ တရားထိုင်တာ၊ အလွန်ကောင်းပါတယ်။
မေးခွန်း = Clobetasol Propionate and Neomycin Sulphate Skin Cream (Tenovate GN) contains: Clobetasol Propionate BP 0.05% w/w; Neomycin Sulphate IP 0.5% w/w; Imidurea USPNF (as preservative) 0.3% w/w လိမ်းဆေးအကြောင်း သိပါရစေရှင့်။
Tenovate-GN cream လိမ်းဆေးဟာ အရေပြားနာတွေထဲက (စဆီရွိုက်) ဆေးနဲ့ သက်သာစေနိုင်တဲ့ အနာတွေအတွက် ဖြစ်တယ်။ နာတာရှည် အနာ၊ ယားနေတာ၊ နီရဲနေတာတွေအတွက်ဖြစ်တယ်။ ဥပမာ နှင်းခူနာ။ ပိုးထပ်ဝင်နေတာအတွက် Neomycin Sulphate ဆေးပါ ထည့်ထားတယ်။ တနေ့ ၂ ကြိမ် လိမ်းရတယ်။ အသက် ၁၂ နှစ်အောက် ကလေးတွေ မသင့်ဘူး။ ဆေးလိမ်းလို့ မတည့်သူလဲ ရှိတတ်တယ်။ နှလုံးရောဂါတွေနဲ့ သွေးတိုးရှိသူတွေ မသင့်ဘူး။ ဆီးချို၊ ဝက်ရူးပြန်၊ ရေတိမ်၊ လည်ပင်းကြီး-ဟော်မုန်း နည်းသူ၊ အသည်းမကောင်းတော့သူ၊ ကျောက်ကပ်မကောင်းသူ၊ စိတ်ရောဂါ ရှိသူတွေနဲ့ မသင့်ဘူး။ မျက်စိထဲ မဝင်စေရဘူး။ ကိုယ်ဝန်ဆောင်တွေအတွက် Category C သတ်မှတ်ထားတယ်။ မသင့်ဘူး။ အထဲက ကလေးကို ထိခိုက်စေနိုင်တယ်။
Clobetasol cream ကလိုဘက်တာဆိုလ် လိမ်းဆေး ရေးထားတယ်။ ကျွန်တော့်သမီးလည်း နယူးဒေလီမှာ နေစဉ်ကတည်းက အရေပြားမှာ အဲလိုအနာရှိတယ်။ ဆေးလိမ်းရင် သက်သာသွားတယ်။ ခဏခဏပြန်ဖြစ်တယ်။ ယူအက်စ်ရောက်တော့ အရေပြားအတူးကုဆရာဝန်ဆီပြတယ်။ Clobetasol cream လိမ်းဆေး ညွှန်တယ်။ အလွယ်ဝယ်ရ အမျိုးအစားမဟုတ်တာကို ဝယ်ခိုင်းတယ်။ ၁-၂ ခါ လိမ်းတာနဲ့ပျောက်တယ်။ ဒေါ်လာ ၅ဝဝ ပေးရတယ်။ ဆေးနာမည်ကတော့ အတူတူပဲ။
Clobetasol cream ကလိုဘက်တာဆိုလ် လိမ်းဆေး http://doctortintswe.blogspot.com/…/04/clobetasol-cream.html
Vesicular Eczema နှင်းကူနာတမျိုး http://doctortintswe.blogspot.com/…/05/vesicular-eczema.html ကိုလည်း ဖတ်နိုင်ပါတယ်။
Dr. တင့်ဆွေ
https://www.facebook.com/drtintswe/
