ငယ်ရွယ်သော အမျိုးသမီးများ ရင်သားကင်ဆာဖြစ်ပွားရသည့် အကြောင်းရင်းကို မည်သူတစ်ဦးမျှ အသေအချာမသိသော်လည်း ၎င်းတို့ကြား ရင်သားကင်ဆာဖြစ်ပွားမှု ပိုများလာခြင်းမှာ ကမ္ဘာလုံးဆိုင်ရာ ပြဿနာကြီးတစ်ခုဖြစ်နေကြောင်း သုတေသီများကပြောသည်။
ရင်သားကင်ဆာရောဂါသည် ကမ္ဘာတစ်ဝန်း ဖြစ်ပွားမှုအများ ဆုံးကင်ဆာရောဂါများအနက် တစ်ခုဖြစ်ပြီး ယခုနှစ်တစ်နှစ်တည်း မှာပင် နောက်ထပ်ရောဂါသည် ၂၄၆,၆၆၀ ဦး စစ်ဆေးတွေ့ရှိနိုင် သည်ဟု သုတေသီများက ခန့်မှန်းထားသည်။
များစွာသော အမျိုးသမီးများသည် ရင်သားကင်ဆာ၏ လက္ခ ဏာများကို ဂရုမစိုက်ကြ (သို့မဟုတ်) သတိမထားမိဖြစ်နေကြ ကြောင်း သိရသည်။
လက်ချိုင်ကြား (သို့မဟုတ်) ရင်သားတွင် အကျိတ်တွေ့ခြင်း၊ နို့သီးခေါင်းပုံမှန်မဟုတ်ဘဲ ပြောင်းလဲခြင်း၊ နာကျင်ခြင်းနှင့် အရွယ် အစားပုံမှန်မဟုတ်ဘဲ ပြောင်းလဲခြင်းများအပါအ၀င် လက္ခဏာများ ကို အမြဲစောင့်ကြည့်ရန်လိုသည်။
မိသားစုဝင်တစ်ဦးဦးတွင် ရင်သားကင်ဆာရှိပါကလည်း အ ထူးသတိထားရန်လိုပြီး ပုံမှန်စစ်ဆေးမှုခံယူသင့်သည်။ ရင်သားကင် ဆာအတွက် ပုံမှန်စစ်ဆေးမှုခံယူခြင်းဖြင့် ရောဂါဖြစ်နေကြောင်း စောစောစီးစီးစစ်ဆေးတွေ့ရှိပါက အသက်ရှင်နိုင်ခြေပိုများသည်။
အမျိုးသမီးများအသက်အရွယ်ကြီးပြီးမှ ကလေးမွေးခြင်း၊ သန္ဓေတားဆေးများသောက်သုံးခြင်း စသော ဟော်မုန်းအပြောင်း အလဲနှင့်ဆိုင်သော ကိစ္စများနှင့်ရင်သားကင်ဆာဖြစ်ပွားမှုကြား ဆက်စပ်နိုင်သည်ဟု ဆရာဝန်များက ပြောသည်။
ရင်သားကင်ဆာအတွက် မိမိကိုယ်ကိုစစ်ဆေးမှုမှာ များစွာအ ရေးကြီးသည်ဟု ကျွမ်းကျင်သူများက ပြောသည်။ ရင်သားကင်ဆာ ကို စောစောပိုင်းတွင် ကုသမည်ဆိုပါက အောင်မြင်စွာ ကုသပျောက် ကင်းနိုင်သည်။ လစဉ် ဓမ္မတာလာပြီးနောက် ရင်သားကို ပုံမှန်စစ် ဆေးသင့်သည်။ အသက် (၄၀) ပြည့်ပြီးသော အမျိုးသမီးများအနေ ဖြင့် ရင်သားကင်ဆာစစ်ဆေးမှုပုံမှန်ခံယူရန်လိုသည်။ သို့သော် ငယ် ရွယ်သော အမျိုးသမီးများကြား ရင်သားကင်ဆာဖြစ်ပွားမှုပိုများလာ ခြင်းနှင့်အတူ အသက်ငယ်သော အမျိုးသမီးများလည်း ရင်သားကင် ဆာ စစ်ဆေးမှုပြုလုပ်သင့်သည်။
Myawady Health
https://www.facebook.com/pg/myawadyhealth
